Festzeit.ch Forum » Politik / Religion » Eigene Religion für Steuerfreiheit - Dumme Frage
| Autor | Beitrag |
|---|---|
| burningearthDi 17.1.12, 03:11 | Sali zämme, ich ha mol e ganz dummi Frog wonni mir wege de South Park Folg "Super beste Freunde" gstellt ha. Dört gründet eine sini eigene Religion und fordert Stürfreiheit, süscht bringe sie sich um. Was meinet Ihr? wenn es i de Schwiz so e Gruppe geh würd, was würd d'regierig mache? Sie vo stüre befreihe und riskiere dass 90% vo de Schwizer kei stüre me zahle, oder es paar tusig lüd sterbe loh? Ich weiss isch e biz e dummi frog, aber ich ka si für mi nid kläre... Es wär e kathastroph würde sie zuloh dass sich sovieli umbringe, aber me ka au nid riskiere dass kei stüre meh inekömme. Könnt me die lüt des lands verwiese, wennds bürger sind? Wiener vllt merke hani nid wirklich viel ahnig, also kei kommentar über mini unwisseheit. Merci fürd hilf  |
| digitalrebelDi 17.1.12, 09:23 | Isch zwar Kanton St. Galle, ha grad nüt anders gfunde, aber kasch jo mol durelääse: http://www.steuern.sg.ch/home/sachthemen/knowledge_center/steuerbuch/inhaltsverzeichnis/ar t70/stb_80_nr__8.html |
| SplinterDi 17.1.12, 13:46 | Sali Zitat: burningearth Zerst mol die rechtlich Sach: E Religion mues zerst staatlich anerkennt si, damit derigi Vorzüg chöne geltend gmacht werde. Uf dere Page wo dr digitalrebel verlinkt het sehsch die Liste. Solang das nid geh isch wär e Stürerlass illegal, ganz egal was d'Drohig wär und isch vo dr Verfassig verbote. Wahrschinlich chönt me dr Diskriminierigsartikel geltend mache um derigi Sache z'unterbinde, bi mer aber im Moment nid sicher.ich ha mol e ganz dummi Frog wonni mir wege de South Park Folg "Super beste Freunde" gstellt ha. Dört gründet eine sini eigene Religion und fordert Stürfreiheit, süscht bringe sie sich um. Was meinet Ihr? wenn es i de Schwiz so e Gruppe geh würd, was würd d'regierig mache? Zitat: burningearth Wenn mer die rechtlich Situation nid berücksichtige müese mer se strategisch aluege.Sie vo stüre befreihe und riskiere dass 90% vo de Schwizer kei stüre me zahle, oder es paar tusig lüd sterbe loh? Fall 1: Die Drohig isch nid glaubwürdig. Fall glöst würd i mol meine. Es blibt alles bim alte und die Gruppe wird sich witterhin lächerlich mache. D'Regierig het absolut kei Areiz irgendwas an dr Situation z'ändere. Es allgemeins Konzept für de Fall findsch in dr sogenannte "nicht kooperativen Spieltheorie": http://wikiludia.mathematik.uni-muenchen.de/wiki/index.php?title=Unglaubw%C3%BCrdige_Drohu ngen Fall 2: Die Drohig isch glaubwürdig. Jetz het d'Regierig s'Problem, dass si, falls de Fall itritt, würd drfür verantwortlich gmacht werde, dass si wissentlich e Masseselbstmord nid verhinderet het. D'Option eifach nüt z'mache isch also nid optimal. D'Option "Stürerlass" isch erstens illegal und hät ähnlichi Konsequenze zur Folg, nebem offesichtliche finanzielle Verlust, also müese entweder witteri Optione ane oder me dörf sich dr heikle Frog stelle, was jetz eher vertretbar wär. Egal was für Optione dases es theoretisch git, wenn dr Staat e Aktion ileitet, mues si rechtlich begründbar si, also wird die Sach zimli igschränkt. Nach Artikel 8 EMRK (Menscherecht) (http://www.admin.ch/ch/d/sr/0_101/a8.html) ghört dr Selbstmordversuech zum Selbstbestimmigsrecht, solang dr betroffeni drzue fähig isch si Wille frei z'bilde und drnoch z'handle. Die Formulierig findsch nid in dem Artikel, die isch vom Bundesgricht erloh worde und findsch irgendwo do: http://www.polyreg.ch/d/informationen/bgeleitentscheide/Band_133_2007/BGE_133_I_58.html Wend also irgendwie chasch dr Verdacht erwecke dass die Lüt ihre Wille nid frei bildet hän oder direkt oder indirekt drzue zwunge werde Suizid z'begoh, chönt me was drgege mache. Was genau chunt denne uf die konkret Begründig druf ah. Sekte wäre sone Bischpil wo möglicherwies die Option offestoht, in dere Gsetzgebig kenni mi aber nid us. Wahrschinlich längt bereits d'Akündigung vo derartige Operatione um dem Schabernack es Endi z'setze. Söll das nid zieh, müest me wohl zu mehr umstrittene Methode griffe, folgendi Optione wäre denkbar: - Alli wo Militärdienstpflichtig wo unter em Militärstrofrecht stön chönte sich es strofrechtlichs Problem ihandle nach Artikel 95 MStG (http://www.admin.ch/ch//d/sr/321_0/a95.html) ihandle. Öb de Artikel in dem Fall awendbar isch, würd sich denne vor Gricht zeige. - Da bimene, zumindest gmeinsame, Masseselbstmord drvo uszgoh isch dass die öffentlich Sicherheit gfährdet isch und Schäde entstöhn (sigs au nume s'Putze vom ICE) mues dr Staat per Polizei (odr was au immer nötig isch) die Aktion unterbinde. Du sehsch scho, die Situation wird uf jede Fall zimli lächerlich, die entsprechend Situation im de staatliche Rechtsabteilige au. Also, jetz hesch mol e Uswahl an Optione, entscheid selber was wird zuetreffe. Asätz zum derartigi Problem z'behandle: - Spieltheorie (http://de.wikipedia.org/wiki/Spieltheorie) - Nash-Gleichgewicht (http://de.wikipedia.org/wiki/Nash-Gleichgewicht) Allerdings müestisch für die Konzept die verschiedene Optione mathematisch gwichte, vill Spass drbi.  Zitat: burningearth Was söll das genau bringe? Könnt me die lüt des lands verwiese, wennds bürger sind?  Prinzipiell gilt s'gliche: Es mues rechtlich begründbar si wills dr Staat isch wo handlet. E Bürgerrechtsentzug isch glaubs gar nid möglich. Zitat: burningearth Kei Problem.Wiener vllt merke hani nid wirklich viel ahnig, also kei kommentar über mini unwisseheit. Falls dich söttegi strategischi Sache öfters beschäftige und dir d'Spieltheorie gfallt wär folgende Kurs villicht was für dich: http://www.game-theory-class.org/ (Englisch und Calculus vorusgsetzt) |
| burningearthDi 17.1.12, 18:51 | Wow merci für die usführlichi und langi antwort. Aber wenn das erscht gfordert wird wennd religion aerkannt isch, gsehts schonemol andersch us. Ich gründ jetzt e normali religion, loss mi aerkenne, suech mir sage mir mol 1000 mitglieder und forder stürfreiheit. was mache si den? Es chönt au jede biträte wo nid streng a sini religion glaubt und ich könnt mir no guet vorstelle dass die meischte wechsle würde um mehreri tussig franke zspare. Also... |
| SplinterDi 17.1.12, 19:21 | Zitat: burningearth Denne sehts komplett anderst us. Du chöntisch denne jedi Behörde verklage wo sich weigeret oder irgendwie süscht versuecht Hürde z'setze (Stichwort: Überspitzte Formalismus).Aber wenn das erscht gfordert wird wennd religion aerkannt isch, gsehts schonemol andersch us. Zitat: burningearth Das mit em anerkenne wird problematischer. Me cha nid eifach irgendwas erfinde und denne säge "Es werde Religion". Schlussendlich wird nach objektive Kriterie entschiede wo im Vorfeld definiert werde und wo allgemein (nid nur vo de Ahänger vo dere Religion) anerkennt werde. Öbs die Kriterie scho git, weis ich nid, zumindest kenn ich se nid. Erst nachher werde si uf de konkret Fall agwendet. Das söll sicherstelle dass Interessenskonflikt (wie bspw. e Stürerlass) nid die sachlich Diskussion störe. Im nachhinein müese denne aber au alli wittere Religione wo die Kriterie erfülle au agno werde, süscht chönt wider klagt werde. Dementsprechend sorgfältig werde die Kriterie au bildet. Ich gründ jetzt e normali religion, loss mi aerkenne, suech mir sage mir mol 1000 mitglieder und forder stürfreiheit. Au wenn du tuusigi Mitglieder drfür chasch interessiere, die anerkannte Religione sin bereits mehreri Joorhundert alt und werde vo Millione vo Mensche treit. Ich bezwiefle stark dass so was zumindest in dr Schwiz möglich isch, nid mol d'Amis möche derigi Späss mit (siehe Spaghetti-Monster). Villicht wär Schwede e passabli Alternative, wies denne stürrechtlich usseht weis ich nid. (http://www.tomshardware.de/Schweden-File-sharing-Religion-Kopimism-Church-of-Kopimism,new s-246832.html) Zitat: burningearth Nomol dr Link vom digi: http://www.steuern.sg.ch/home/sachthemen/knowledge_center/steuerbuch/inhaltsverzeichnis/ar t70/stb_80_nr__8.htmlwas mache si den? Es chönt au jede biträte wo nid streng a sini religion glaubt und ich könnt mir no guet vorstelle dass die meischte wechsle würde um mehreri tussig franke zspare. Also... Wie du sehsch werde nur "Institutionen mit Kultuszweck" vo dr Stür befreit, also juristischi Persone. Öb du Muslim, Christ odr Spaghetti-Abeter bisch, isch völlig egal drfür, du zahlsch trotzdem. Nur Organisatione oder Verastaltige wo die Religion zum Inhalt hän (also irgend es Gschäft zum Lebensunterhalt vo dr Familie X zählt nid) werde do bevorzugt. Sött sich usestelle dass die Institution nur gründet worde isch damit me chan Stürfreiheit gniesse wär das Rechtsmissbruch wenn nid gar Betrug. |
| burningearthDi 17.1.12, 19:42 | Jetzt mal im ernst, bist du Hispeed Googler oder woher weisst du dass alles? Ich mein Religion eine Sache aber wieso kennst du dich mit den Gesetzen zur Gründung einer Religion aus? -.- |
| SplinterDi 17.1.12, 22:55 | Zitat: burningearth Ich ha mich bevor du die Frog gstellt hesch drmit überhaupt nid uskennt, ich weis nur wie euses Rechtssystem ufbaut, wie me Rechtsquelle suecht und liest. Het (leider) zu miner Grundusbildig als VWL-Student ghört.Jetzt mal im ernst, bist du Hispeed Googler oder woher weisst du dass alles? Ich mein Religion eine Sache aber wieso kennst du dich mit den Gesetzen zur Gründung einer Religion aus? -.- Isch eigentlich gar nid so schwierig, brucht nur biz Üebig und es grobs Wüsse drüber wo was z'finde isch. |
| HYPERINTELLIGENTODi 17.1.12, 22:58 | nei... är isch eifach ALLES vo Beruef merk dr das |
| SlightReturnDo 19.1.12, 11:54 | sinn kirchestüüre odr sunschigi mitgliederbiträg vo religiöse gruppe vode "normale" stüüre abziehbar? denn gründ doch e religion wo so hochi stüüre het dassde grad mol no e paar franke "normali" stüüre muesch zahle.  das gäld ka jo denn uf anderem wäg widr zruck an dini ahänger |
| SplinterDo 19.1.12, 14:05 | Zitat: SlightReturn Naja, d'Kirchestüür gits eigentlich nur für die Aghörige vo christliche Kirche in dr Schwiz und wird zuesätzlich zur Bundesstür erhobe. Ha no nie drvo ghört dases das bi andere au git.sinn kirchestüüre odr sunschigi mitgliederbiträg vo religiöse gruppe vode "normale" stüüre abziehbar? Zitat: SlightReturn Das wäre denn wohl eher Spende: http://www.admin.ch/ch/d/sr/642_11/a33a.htmldenn gründ doch e religion wo so hochi stüüre het dassde grad mol no e paar franke "normali" stüüre muesch zahle. Die dörfe jedoch nid mehr als 20% vo allne Abzüg usmache. Zitat: SlightReturn Und wo blibt dr gmeinnützig Zweck wo in dem Artikel gforderet isch? das gäld ka jo denn uf anderem wäg widr zruck an dini ahänger  |
Als angemeldeter festzeit.ch Member kannst du Themen erstellen und auf Beiträge antworten.
Infos/Hilfe » ©