Festzeit.ch Forum » Politik / Religion » Obama vs. Romney
| Autor | Beitrag 1 - 15 |
|---|---|
| TheHillsHaveSizeDo 20.9.12, 03:32 | Für wer sind ihr? Und bitte e Grund weshalb ageh! Und was dänket ihr het d Ami-Politik für e uswirkig ufd wält? |
| Nala1983Do 20.9.12, 19:55 | Obama!!! Ich will nit z fescht ins Detail go aber jede weiss är het nit alli versprächige könne ihalte. Me muess aber au sage das 4 Joor eifach extrem schnäll ume sin do ka me nit grad alles ändere. Für mi isch au e wichtige Punkt das ich bim Obama s Gfühl ha är isch eine vo uns, sympatisch früsch. Bi ihm stimmt s gsammtpacket, sprich au sie hintergrund wie d Michelle Obama. Hinter jedem grosse Maa stoht no e viel grösseri Frau und das isch d Michelle uf jedefall. Ha ihres Buech gläse und die Familie isch mir eifach sympatisch. Ich hät nie dänkt das d USA sowyt isch e schwarze Presidänt z wähle aber s isch damals Tatsächlich sowyt ko und är het sie Job ganz okay gmacht. Es wird nie e MR. President gäh wo in 4 Joor d Wält ka verbessere. Zum Romney : ich find dä Typ eifach nur unsypatisch und Punkt. |
| digitalrebelFr 21.9.12, 13:06 | Ich bi für gar keine! d USA sötte mol e Regierigssystem iifüere wo nid uf ENTWEDER-ODER berueht, sondern uf em Zämmeschaffe vo verschiedene Interessegruppe. |
| VerhaltensoriginellFr 21.9.12, 13:16 | Zitat: digitalrebel Ich bi für gar keine! d USA sötte mol e Regierigssystem iifüere wo nid uf ENTWEDER-ODER berueht, sondern uf em Zämmeschaffe vo verschiedene Interessegruppe.   |
| Nala1983Fr 21.9.12, 14:08 | Also lieber e entweder oder , als eso wies in Wyssrussland abgoht |
| OBeRcHiLLeRFr 21.9.12, 14:19 | ganz klar OBAMA !! dä romney schisst nur dri, scho elei wie sich dä typ über minderheite und armi üsseret, dass me so eme konservative multimillionär überhaupt cha e stimmt gä isch völlig unverständlich !!  |
| VerhaltensoriginellFr 21.9.12, 15:25 | Zitat: Kleopatra1983 Bi uns klappts doch au oder Also lieber e entweder oder , als eso wies in Wyssrussland abgoht  ... aber an sich isch dr Obama doch wie Queen vo england.. es vorzeige dingsbums aber entscheide diend die andere  . Weiss die het weniger zsage als dr obama zur zit.. nur es beispiel . |
| AläääFr 21.9.12, 16:35 | serious? d Frog isch nid wär me wähle würd (dasch jedem e bits informierte Mensch klar), sondern obs wirklich e unterschied macht... |
| TheHillsHaveSizeFr 21.9.12, 17:57 | Ja klar machts en Unterschied, s goht jo vorallem umd Parteie wo hinterem Präsident stönd! |
| ArctictigerFr 21.9.12, 18:22 | Aso was de Romney so alles uselaht und wie er vor einte blamage i die ander lauft .... dem chame mit gsundem menscheverstand doch nit 1 Stimm geh. Obama .... naja han mi mal mitem ne Ami chli unterhalte .... er wird halt feschtgnaglet daser chum ei verspräche ghalti hegi. Ich Persönlich find au wener nüt ghalte hätti hetters immerhin nit schlimmer gmacht wie de Bush, würd de Romney gwählt gaht warschinli wieder voll Poscht ab. I würd kene vo dene 2 Wähle .... s isch wie fasch immer ... d Wahl vom chlinere übel  |
| sdmmhgggcbx3Mo 24.9.12, 23:26 | Obama probiert, d Schulde in griff z beko. Obamacare het s Gsundheitssystem revolutioniert, das isch in america ganzganz wichtig gsi. Dr Obama isch e verdammt gschiide Typ und het viel erreicht in dene 4 Joor, obwohl ihn praktisch IMMER d republikaner händ welle an allem hindere, was er apackt het. Dr Romney isch e skrupellose, verlogene Kapitalist, wo nur Macht will und sini eigeni Interesse im Vordergrund stoh het. So empfind ich en. Sini verspräche? Genau eins: Wirtschaft akurble. Das trau ich ihm voll und ganz zue, aber das ka jede. Resultat: Exponentielli Schuldesteigerig, aber das wird ihm egal sii, nach 4 joor isch er wäg. Das isch au e grosses Problem vom amerikanische denke: Schulde mache isch ganz alltäglich dörte, alli läbe uf Pump. D Wahl vom nächste Präsident wird wohl kei grossi uswirkig uf d welt ha. Romney isch bitzli meh pro militär, aber sunst keini grosse unterschied. Wenn d amis ihri schulde nid in griff bekömme, wirds aber bitz anderst usseh und wohrschienlich jede kleinste winkel vo unserem Planete affektiere. Es git gnueg Länder wo Amerika hasse und Amerika isch traditionell e Nation wo uf Kraft e Gegekraft folge lönd. |
| AläääMi 26.9.12, 15:53 | @sdmmhgggcbx3 ich stimm dir in praktisch allem bi, nur eins muesi no amerke. Falls d wahl ufe romney fallt wird d ussepolitik vo de staate e anderi si wie unterem obama. Und weme aluegt was momentan alles passiert (Syrie, Iran, Radikali wo uf botschafte losgön) wär weiss was den alles passiere könnt. |
| freitightMi 26.9.12, 16:45 | Interessant, wemme die allgemein Meinig do in dr Schwiiz aluegt, denn sette d Lüt doch eher füre Romney stimme, denn de würd wohl ziemlich ufrume (welle) im oste. |
| AläääMi 26.9.12, 17:34 | Du meinsch so wie sie in Afganischtan und em Irak "ufgruumt" hän? Und was meinsch du mit allgemeiner Meinig in dr Schwitz? De Schwitzer isch im grosse und ganze dr Nahi Oschte scheiss egal, s Europa problem (wächselkurs zb) stoht do viel meh im Zentrum. Me könnt argumentriere, dass gwüssi Schwitzer Angscht vor Flüchtlingsström hän, mir hän jo grad letschthin 40 Flüchtling vo Syrie ufgnoh... Back2Topic: Jede Schwitzer wo nur e bitseli was in dr Bire het durchschaut die lääre Phrase und Versprächige vom Romney sofort, würd dämentsprächend füre Obama stimme. Leider, au wenn dr Obama gwünnt, wird sich nid viel ändere, well solang s Gäld d Politik regiert (Citizens United) wird d Politik vo de Vermögende gstürt, zu Ungunschte vo dr Arbeiter und Mittelklass. |
| DarthSchnuffiMo 5.11.12, 22:17 | http://youtu.be/ltCIEbLMaQg |
Als angemeldeter festzeit.ch Member kannst du Themen erstellen und auf Beiträge antworten.
Infos/Hilfe » ©