Festzeit.ch Forum » Liebe & Sex » Was Männer wollen
| Autor | Beitrag 31 - 45 |
|---|---|
| hickUPbeatsDi 23.8.05, 18:49 | tja...was soll "mann" da machen! |
| apaturaMo 29.8.05, 09:46 | je mehr mensche das ich kennelern, desto schwer isch es für mich, iz'schätze was sie wirlich wänd. könnt das ächt dra lige, dass die meiste nit emol wüsse, was sie wänd??? |
| Juanita84Mo 29.8.05, 10:12 | Do hesch rächt, Branki... Was Männer wollen: Jo das wössed s doch säuber gar ned... Einersiits schriibt s ehne d'Norm (absoluti Mehrheit, Medie, Kollege, etc) vor, dass sie of grossi, blondi, magersöchtigi, öberschmenkti, oberflächlichi, ond haubnackti Tussene im Uusgang müeh stoh. ABER: Grondsätzlech chonts doch ou de Manne ned of d'Chörbligrössi ond aufäuigi Orangehuut drofa?! Oder?! E gloub ou Manne luege, wie mer Froue, eifach of s Gsamtbiud vom Gägeöber... ond schlossändli suecht doch jede, eifach öbber, wo eim gärn het so wie me esch, ond för eim do esch... Aber s geht do notürli ou Uusnahme, wo of die am Aafang besagte blonde Tussene abfahre, genau wie Froue, wo sech säuber die Geilschte fühle ond of dämentsprächendi Machos stöih... Aso, om zom Thema zröggzcho. Was Männer wollen: Cha me ned so gnau säge. Wöu was sie wei, ond was sie säge dass sie s wei, onderscheidet sech gloub grondsätzlech. Ond abgseh vo däm, cha me ned au Manne i gliich Topf gheie... Das war das Wort zum Sonntag, oder Montag halt  |
| apaturaMo 29.8.05, 10:42 | juanita do hesch absolut rächt, isch halt scho so, dass das ganze e komischi sach isch. aber isch halt scho rächt verletzend, wenn me immer wieder für dr glichi typ frau stoh gloh wird... ich glaub mir gfalle eifach die falsche männer!! (Einsicht ist der beste Weg zur Besserung)  |
| tschugileMo 29.8.05, 13:56 | Gueti Meinig Juanita !! *chapeau* aber leider isches bi dr Fraue nid eifach zsage was sie wän..  |
| Juanita84Mo 29.8.05, 14:17 | cha gloub do metfühle met der branki. me cha sech no so schön mache... oder nei ned mou das... s geht Täg, do be ni glöcklech, do fühl i mi wohl, do fühli mi schön, do fühl i mi nid ganz so dick, do be ni eifach richtig z friede mit mer... ond de im Uusgang wird me zemli brutal ame weder zrog id Realität gholt. Wieso bi ni nid blond?! Wieso bi ni nid 20 cm grösser?! Und wieso issi überhaupt no öbbis?! Doch si mer ehrlich. Die Manne wo ÄRNSCHTHAFT of die Art vo Frau stoht, ond ne ned nome nocheluegt, die chasch jo eh nid bruuche. Wiu DIE sie so säubschtverliebt, die chei inere Frou NIE die Liebi ond Zueneigig ond aues andere Schöni gäh, wo sech e Frou vomene Maa wönscht… Ond do chöme mer scho zom Thema: Was Frauen wollen?! Jo do esch s gnau glich wie bi de Manne, die einte wei nome Sex, die andere eine wo sie liebt ond die ander loht sech gärn loh onderdröcke… @Tschugile ond de Zuefall wotts, dass euses Onderbewosstsii die Lüüt aus Sympathisch kennzeichnet, wo s Gliiche wei… drom loht sechs gar ned do dröber nochezdänke. Wenn me öbberem (im andere Gschlächt) WOTT gfaue, het me eh scho verlore. Viumeh wörd me gschider meh of sech säuber lose… im Usgang oder so. I lueg ou gärn dene Manne noche, wo usgsäih wie ne Mr. Schweiz. Aber abgseh vo däm, dass sie mer eidütig ei, zwöi, drüü Klasse z’höch si, si mer die oberkuhle Machos jo gar ned sympathisch. Drom: Fühler uf Sympathie ond ned uf Oberflächlechkeit iistöue. De lehrt me ou die rechtige Lüt könne … hei i töne jo höt wie ne Pfarrer *loL* Aber ha mi viu mit däm Thema befasst… drum |
| immortalkingMo 29.8.05, 14:29 | Find die meinig hamer vodir Juanita84 aber es isch scho echli eifach gseit, los uf di selber und verstell di nit. Du hesch dermit zwar völlig recht abr machsch das wirklich wenn de öber kennelernesch und ihn eifach Hammer findisch "egal uf weli art"? versuechsch den nit au alles um demjenige odr derejenige z gfalle, obwohls falsch isch. Ich denk für beidi gschlechter isches Wichtig s gfühl z ha das me die einzig odr dr einzig für dr ander isch. Sicher wie du bemerkt hesch luege mir männer imene schöne fraue "arsch" gern noche aber als beziehig wän mir (odr die meiste zumindest)sone superschönheit nit. Den meistens lengts mit em zwüschemenschliche bidene nit soweit und zweitens hani doch do als partner immer d angst und s gfühl em andere nit z gnüege. Schlus entlich isches wirklich e gueti beziehig wenn me sich voll uf dr charakter vomene mensch cha konzentriere und für das bruchts erfahrig. und ich frog mi eifach öb me als teenager fähig isch so ufrichtigi wahri gfühl überhaupt scho z entwickle |
| apaturaMo 29.8.05, 14:40 | immo teils hesch rächt, aber wenn du angst ha muesch däm mensch nit z'gniege, machsch dich sälber fertig und wirsch nie glücklich in däre beziehig! du bruchsch öper, mit däm de so sie chasch wie de bisch, aber au wenn öper gfunde hesch, bi däm dich nit emol e kleins bizeli verstelle muesch, isch es nit gseit das kei supertolli sportlerin, wo mega guet usseht, s'härz vo däm typ klaut. klar isch sie sicher e mega liebi person und het meh karakter als einigi anderi. aber ich wär definitiv für so e handy zuebehör, wo die gegeüber scannt und dir seit, es wird öpis, oder es wird nüt... will sunscht lauft me so oft gfohr z'lide. wiederum mues ich ächt sage, wäre die viele hochs und tiefs nit gsie, hät ich nit so viel könne lerne im läbe!! heiei bi hüt wieder voll ufem philosophe trip |
| immortalkingMo 29.8.05, 14:43 | jo da stimmt das isch das woni au ha wölle sage. in jungejoore isch mi eifach zu sötige gfühl nit fähig. me muess sini erfahrige mache um überhaupt chöne z begriffe was im läbe wirklich zählt. gib das imene 15-16 jährige bueb ind hand zum läse... dä lacht uns höchstens uns wills für ihn nüt anders git als titte und arsch. sicher nit nit alli so aber me muess zerscht e paar mol ufd nase keije befor me lernt und in junge joore hesch eifach zwenig erfahrig um das z wüsse und es git leider den immer sötigi wo im alter vom 15 jährige stoh blibe und die wärde den zu sötige vorstadt möchtegern machos 3 mal bearbeitet, zuletzt Mo 29.8.05, 14:46 |
| Juanita84Mo 29.8.05, 14:53 | Logisch isch es eifach gseit... immer eifacher gseit als gmacht Das isch wie: Du muesch nid sueche, jeh meh dass d suechsch, desto weniger findsch… Super Ond doch esch aues wohr… ond du hesch ou rächt, was esch wenn d öbber könnelehrsch, wo eifach Hammer fendsch?! De probiert me dämjenig z gfaue. Do esch doch aber nüt fausch dra oder?! Fausch esch, wenn me grad driischiiesst ond probiert z protze ond so… okei, das wär fausch. Aber wenn öbber könnelehrsch… i de Disco, Bar, Club, Gummischluchboot (?! ) … denn geht’s doch die autbewährte Tricks wo funktioniere: - im andere zuelose – sech för ne, ond för sini Hobbies interessiere – nochefroge – alächle (!!!ganz wichtig!!!) – belanglos berüehre (ou wenn’s doof tönt) – Körberhautig: ihm zuewände – Arme nid verschränke – Duume offebaare…Mönsche si im Grond gnoh, käs Müh besser aus Tier. Ou mer si Instinkwäse wo es Balz-Verhalte hei. No resch üse Ghern-Teil z fescht usgriift, aus dass me sech nome no chönt loh leite. Nei me muess studiere ond, noschlemmer, sech emmer Gedanke zo auem mache… Aber du hesch s schön gseit: „Ich denk für beidi gschlechter isches Wichtig s gfühl z ha das me die einzig odr dr einzig für dr ander isch.“ … das esch doch gnau dr Inhaut vo eusem Balz-Verhalte. Bi de Tier düe d Männli om s Wiibli kämpfe… bi ü schont do no d Gliichberächtigong derzue ond d Erkenntnis, dass me Problem ned met Gwaut cha löse. Derzue chont dass mer zwöschemönschlech ond kommunikativ so usgriift si, dass me bi üs haut nid kämpft, sondern de ander verbal, körperlech ond psychologisch s’Gfüuh muess gäh, dass me de ander wott erobere… omgarne… gwönne… jeh nach däm Ond das met em Zwöschemönschleche hesch sehr schön ou erkönnt. Do geht’s doch ou e schöni Erklärig derzue. Obwohl i üsere Gsöuschaft nor no jedi 2. Ehe schafft: „Bis zu meinem Tode…“, hei mer euse Instinkt nid verlore. Mer sueche euse Partner nach däm us, dass die beschte, schönschte, gschidschte ond grandiosischte Nachkomme drus chei entstoh. … ond för das bruuchts, das hei mer vo Früehner, e Beziehig e Ehe es Hüsli ond de Cheng… ond för das bruucht me ou e Partner wo me s cha so lang „ushaute“ … ond jede weiss, dass mer i 20 Johr nöm so knackig si, wie mer s höt si… aber s Verlange nach Geborgeheit, Nid-Einsamkeit etc. DAS hei mer ou no i 20 Johr 1 mal bearbeitet, zuletzt Mo 29.8.05, 14:55 |
| Juanita84Mo 29.8.05, 14:56 | sorry, s het i ei mau nid Platz gha „für das bruchts erfahrig. und ich frog mi eifach öb me als teenager fähig isch so ufrichtigi wahri gfühl überhaupt scho z entwickle“ --> Hesch du me jetzt aus Teenager bezeichnet?! Egal… aber natürli stemmt au das… aus Teenager… oder eifach so vo höt of morn esch das onmöglech… ond me cha no so mängs Buech dröber gläse ha ond no so viu Erfahrig demet gmacht ha… s bliibt emmer no: Eifacher gseit aus gmacht… Aber: Die Erkenntnis ist der Weg |
| immortalkingMo 29.8.05, 15:03 | um di frog wode jetzt usegno hesch z beantworte nei hadi nit als das bezeichnet schliesslich simmer fast glich alt, den uns bezeichne ich als erwachse und nit als teenager mir hän unseri erfahrige gmacht und wüsse langsam was mir wän und nur d erkenntnis das mir scho soweit sin bezeichnet uns als erwachse. mir sin wie tier do stimmi dr 100% zue, i gang soweit zruck mir sin immerno 100% genauso wie d höhlebwohner vo tusige vo joor. unser handle unseri vorlieben sin no eganu die gliche, dr höhlebwohner het jagdt umd z überlebe, d höhlebwohnerin het sich ums kind kümmeret, ja isches hüt andersch? mir jage nüm sondern gön go schaffe und was mitem kind agoht isches immerno s gliche. s hütige neumodische denke schadet uns enorm. den mir mensche hän zwar s gfühl mir sin mit dr evolution gschider worde aber mir sin immerno genau glich. ich bi e fründ vodr emanzipation aber sie isch genau dr hauptgrund defür das beziehige nüm solang hebe. es git füre maa nüt schöners als brucht z wärde aber in dr hütige welt isches nüm so d frau isch selbstständig d frau brucht dr maa nit. ja bring mir e tier wo s männli kind ufzieht und s wibli jagt. es isch toll das fraue jetzt soviel chance hän. aber das immer mehr fraue karriere geil sin und immer mehr männer d kinder ufzieh mag e schnussigi vorstellig sie aber d Natur het das nit so vorgseh und d natur wird e weg find. den das sich d rolle tüschle het d natur nit vorgseh und das zahle mir irgendwenn no extrem bitter. aber zruck zum thema, ich glaub nit das e 16 jährige mi grad mal 1 fründin gha het und seit kurzem d undschuld verlore het, fähig isch d wahri sinn innere beziehig z erkenne |
| Juanita84Mo 29.8.05, 15:31 | Das mit de Höhlebewohner gfaut mer Hesch öbbe s Buech gläse: "Wieso Männer nicht zuhören und Frauen nicht parken können" ... oder so öbrigens cha ne SEHR WOHL parkiereAber gliich... vo de Höhlezyt hei mer soviu no, wo jetzt zo so viu Onderscheed füehrt, zwösche Maa ond Frau: es paar Biispiu: wieso könnt sech e Frou i jedem Ichoufszentrom us, aber chont chum vo Olte uf Basel?! ond wieso fendet e Maa d Milch nid im Chüelschrank, aber cha blind uf Rom fahre?! --> Ganz eifach. De Maa esch früehner am Morge use goh Jaage ond das öber wiiiiiti Distanz (bes uf Rom ) ond d Frou esch i de Höhli blebe… ond het die im Oug gha ond die paar Meter drom ome… wäg Gfohre ond so… Wieso weiss e Frou wenn sie ine Ruum inechont ond sech omeluegt, vo jedere Person wie s ehre öbbe goht, i was förne Beziehig sie zo de andere Persone stoht, etc. Ond wieso esch de Maa i heikle Situatione schlechtwäg es Trampeltier?! --> Froue si i de Höhli IMMER om anderi Lüt ome gsi. Anderi Froue, anderi Chend, vellecht ou Manne, wo chrank gsi si oder z’aut zom Jaage… Froue hei müesse wösse wie s im andere goht, zom die gsamti Gsöuschaft ufrächt z erhaute… ond d Manne… ja d Manne si de ganz Tag ellei of em Fäud gsi ond hei kä Chance gha, so ne Sensibilität of Gfüuh chöne z entwickle… |
| Juanita84Mo 29.8.05, 15:33 | bi jo gar noni fertig "ich glaub nit das e 16 jährige mi grad mal 1 fründin gha het und seit kurzem d undschuld verlore het, fähig isch d wahri sinn innere beziehig z erkenne" Jä LOGISCH NID wie sött er ou... aber isch das schlimm?! im Gägeteil... söu er doch no 10 Fründinne ha... jeh meh desto besser... ond met 30gi isch er de perfekti Maa för eini ...hesch du das nach dinere erschte Beziehig scho gwüsst?! ... vellecht welle wösse... aber doch secher noni so realisiert, wie s höt hesch?! |
| immortalkingMo 29.8.05, 17:43 | nei has nit gwüsst es het au nit abwertend sölle sie ABR me söt sich den weiter entwickle und das mache gwüssi manne nit . dr grundlegendi unterschied isch das Manne eher Mathematiker sin und Fraue die abstrakte denkerine, Dorum cha e maa sich ohni problem mitere landkarte orientiere und sich distanze und weg anhand vo massangabe merke, währenddem e frau sich meistens d umgebig eher anhand vo markante pünkt wiene(kirche odr e grosse platz) cha merke. Hüt simmer soweit das fraue genausoviel fremdgön wie männer, aber worum het e maa gern soviel verschiedeni fraue, do währe mir wieder bide Höhlebewohner. dr Höhlebwohner maa het soviel fraue wie möglich gschwängeret und e möglichst sichere fortbestand vo siner art z sichere. und dä instikt steckt au hüt no in uns. Genau wie dr beschützer instinkt. e Maa isch druff programmiert sie herzblatt gege alles z beschütze und das mache mir us instikt hüt no. Gang emol als frau Hüllend zudim schatz und sagem e kolleg het dir eini gschlage... ja s erste wodi herzblatt macht isch e nimmt sie jacke und haut dem Gusti d fritte voll! will sie beschützerinstinkt ihm das seit. und das hani vorher mit dere emanzipation gmeint. mit dere ganze fraue rechtsgschicht was jo alles schön und guet mag sie. Zerstört me s wertvollste am maa s wichtigste im maa woner brucht um e frau richtig chöne z liebe. s Gfühl brucht z werde, e maa brucht s gfühl das me in brucht und wenn er e frau het wo mit allne bei völlig selbstständig isch goht dä instikt verlore und das isch extrem schlecht und do wird d Natur wieder e weg finde das grad z biege den eso wies momentan isch chas und DÖRFS nüm weiter go |
Als angemeldeter festzeit.ch Member kannst du Themen erstellen und auf Beiträge antworten.
Infos/Hilfe » ©