Festzeit.ch Forum » Politik / Religion » Graffiti: Kunst oder Schmiererei
| Autor | Beitrag 16 - 30 |
|---|---|
| finelineMi 21.3.07, 12:05 | planti graffitti findi geil... zum teil au unplanti. so wenn de richtig bahnhof fahrsch mit em zug fahrsch an e paar ganz geile gemälder verbii. das goot für mi richtig kunst. aber die scheiss tags gönd zimmli uff e sack. chuum isch neume e wand neu gstriche sind die erschte tags druff. oder tags uff anderne grafittis findi au huere truurig. |
| reeedoMi 21.3.07, 13:11 | zum thema graffiti: s git nüt geilers, als dr graui alltag mit farbige pieces zbeschmügge... basel het sehr viel gueti sprayer am start, das seht me scho nur ande lines (zugfahrt vo muttenz nach basel) oder bidr unterfierig zum tämpel (joggeli) wäge dr tagerei..(tags) au das ka sehr geil usseh, wenns (wie dr fineline gseit het) nit grad anere früsch gstrichene wand isch.. e schöns tag, am richtige ort..ka sehr guet usseh...und dr eigentlichi sinn dehinter isch jo si name zverbreite..(fame iizhoole) aber wie alles, kames au bi däm überdriibe.. ich finds schad, dass öüt wo so oder so kei plan vo däm ganze hän nur schlächt drüber könne reede..aber wenns den mol eine "legal" macht, amene bestimmte ort und zwägg, denn sind sie grad begeischteret... -::style is the key to all forms of rocking::- |
| digitalrebelMi 21.3.07, 13:21 | ich ha au "kei plan" ... aber eigentlich isches jo scho nid oke, wemme das uf fremde Gebäude macht ... isch jo denn Sachbeschädigung ... s Argument "isch jo schöner als e graui Wand" isch immer subjektiv ... wenn's dini eigenti graui wand isch, oke ... aber di grau wand vom andere gfallt dem andere villicht besser eso grau ... ich ha eifach müeh mit dere, "ich nimm mir eifach, was nid mir ghört" mentalität ... Als Kunschtform, jo oke ... aber ebe, nid uf fremdem Eigetum ... Jo klar, d Idee vo de Graffiti und de Tags isch jo ebe genau, sich gege die urbani Eintönigkeit ufzlehne, isch mr scho klar ... aber sobald me fremds eigetum als liinwand für sini meinigsüsserig benutzt git's halt eifach problem ... Mir gfallt zum bispiel (als seeeehr hypothetisches Bispiel) d Farb vo früscher Kotzi ... Meinsch dr Sprayer hät freud, wenn ich ihm si graue Teppich würd vollkotze, nur will mir die Farb besser gfallt ? Genau so empfindet's dä wo die graui Wand ghört ... aber an das dänkt me nie ... "Kunscht" isch immer subjektiv ... trust me, ich schaff in dem Bereich. 3 mal bearbeitet, zuletzt Mi 21.3.07, 13:26 |
| reeedoMi 21.3.07, 13:35 | du hesch d farb vo früscher kotzi gärn??? simmr kli pervers?  luegsch jedesmol no ind schüssle..und dänggsch...uuuiii dä ton vo däre farb..grrr...mhh... den nimmsch d camera und fötelisch sie? schreg... den lieber e geils piece anere wand... |
| digitalrebelMi 21.3.07, 13:52 | ich ha gseit es isch e hypothetisches bispiel hypothetisch bedütet: erfunde, agnoh, nid echt .... eifach als Bispiel, wenn au bitz krass ... aber du hesches offebar nid verstande ... |
| reeedoMi 21.3.07, 13:57 | git no viel woni nit verstand... vilicht wirdi jo au mol so intelektuell sy, mit 38 ha jo no e paar jööhrli zyt.. aber jetzt zrugg zum thema: du seisch du schaffsch im kunscht "gwärb"..aber i glaub, nit jede "künschtler" weiss was d kunscht graffiti isch..nur will du e fotograpg oder so bisch heissts jo no lang nit, dass du alles über d kunscht weisch..oder verstand y do was falsch |
| digitalrebelMi 21.3.07, 14:29 | @ reeedo Ich sag nid, dass ich alles über kunscht weiss ... Graffitii isch jo nid nur reini *malerei* als kunschtform sondern au meh e politisches oder sozials Statement, wenni das richtig interpretier ... ich ha jo eigentlich au nume gseit, dass kunscht 'subjektiv' isch ... das will heisse, dr einti empfindet öppis als kunscht, wo dr anderi als Kritzelei oder Schmiererei, oder ebe Sachbeschädigung, empfindet. Ebe subjektiv, vo person zu person verschiede, wie me's aluegt. Dä wo di graui Wand besitzt het eher kei Freud ame Graffitti ... dr Sprayer het kei Freud ame vollkotzte Teppich. Ich würd mir nie e Bild vom Picasso (zum bispiel) ind wohnig hänke, wills mer nid gfallt, anderi zahle Millione derfür ... ebe, kunscht isch gschmackssach. Ich find zum Teil die Graffiti am Bahnhof au sehr schön, wemme rein s Bild an sich betrachtet ... farbig, kreativ, gueti Technik, interessanti Motiv ... aber ich find halt ebe au, sobald me das an ere Flächi macht, wo öpper anderem ghört, isch s Eigetum vom Wandbesitzer höcher z bewärte als di künschtlerischi Freiheit vom Sprayer. Und wenni e Tag anere Tramschiibe, über eme ufgschlitzte Polschter seh, kani dem leider überhaupt nüt abgwünne, weder künschtlerisch, no politisch, denn isches eifach vandalismus. Anderersits, das isch mer au klar, wenn me de Sprayer würd offiziell Flächene zur Verfüegig stelle, wärs gar nüm witzig zum Spraye, dr Kick würd fähle, es wär denn mainstream-kultur statt subkultur ... und dr reiz vom verbotene würd au wägfalle ... Ich ha eifach Müeh mit dem, ich sag mol "eher destruktive Charakter" vo de Graffittis und de Tags ... wenn die Lüt/Sprayer/Tagger ihr Talänt würde konstruktiv nutze, als Zeichner, Moler, Designer etc. könnte sie au das mache wo sie guet könne, aber nid uf Koschte vom Eigetum vo andere ... aber denn wäre si ebe vermuetlich nüm *cool* und subversiv gnueg in de auge vo de kollege ... Apropos ... was isch eigentlich so s gschätzte durchschnittsalter vo de Sprayer? Sicher unter 30, oder ?? 2 mal bearbeitet, zuletzt Mi 21.3.07, 14:35 |
| reeedoMi 21.3.07, 14:42 | ich ha e paar kollege wo "aktivi" sprayer sind..die ainte sind unter 25 und die andere fascht scho 30ig.. me kas aber au nit verallgemeienre..dass alli sprayer jung mien sy..weisch wasi mein.. luegsch nur amerika aa..sgit dört au "alti" wo no aktiv mitmache und d wänd bunter mache.. das mitm vandalismus, do gib ich dir vollkomme rächt..e drämmlischiibe zvertage isch scheisse..die meischte wo das mache..hän kei ahnig vom richtige "tage" sie mache das us luscht oder us langwiil..oder us dummheit.. au ich bi mol jung gsi (wasi aigentlich immerno bi) aber in däre zyt ha au ich indr schuel d WCs vertagt etc.. aber wen me älter wird und s thema "graffiti" ärnschtr nimmt, merggt me..dasses eigentlich "falsch" isch.. au ich ha schomol hinter schwedische gardine sitze wägem spraye..und sehr viel gäld miesse zahle...ab däm zytpunkt hani eifach miesse uffhöre..sunscht hätti mr gar nix meh könnte leischte.. die "mainstream"-kultur gits aber au scho lang..s git gueti mooler (z.b au dr smash, wenimi richtig erinnere) wo für gäld (oder au nit) flyers, wänd etc. moole..  also..nit nur die illegali art, isch grafitti |
| JimKnopfSo 1.4.07, 20:43 | s kunnt immer drufah us wellere motivation me söttigi sache macht... das gilt für kunscht generell... kunscht schliesst schmiererei nid uss. |
| heimdallMo 2.4.07, 11:51 | aso hützetags ziehne i graffiti vor, wenn mer die entarteti strichkunscht vo irgendwelche szenebekannte "künschtler" aluegt... |
| ARTgerechtMo 2.4.07, 12:54 | für mi ganz klar e kunstrichtig! halt nit würklich in dr gsellschaft akzeptiert. obs jetzt legal isch oder nit tuet nüt zur sach. |
| LiebeIstSchönMo 2.4.07, 13:40 | das ishc eidütig e kunst.. me muess eifach die vershciedene sache unterscheide... wenn jetzt kleini kiddis gönd go umetagge klar isch das scheisse und das zieht au s gsamt bild in dreck! und genauso scheisse isches wens denne zmitz imne dorf amne huus isch. ich mien wen jetzt s industriegebiet volltagt isch ischmr das gliich. es chunnt halt eifach au uf d umgbeig ah |
| checcaMo 2.4.07, 14:58 | es bruchts eifach, e stadt ohni graffiti...däre fählts eifach anere gwüsse kultur...i sag nid das die kei kultur händ, aber eini fählt ihne^^ graffiti, bombings, taggs....alles het sini hintergründ und solang me kei spaletor oder münschter (allg. historischi dänkmol) beschmirt isch es no zvrkrafte...aber wenn so mongos irgendwelchi kindertaggs umeschmire findi das au nid unbedingt nötig...letscht wuche het eine e hoggekrüz bi mir in d stroos gmolt, ich wohn praktisch näb dr synagoge...das findi unter aller sau, aber das het au nüt mit graffiti/tags ztue... aber wenn sone unterführig mit duusig tags vollgschmirrt isch, het das au wider style wills e gwüsses bild ergit  und die meischte wo mole, sprich schöni pices spraye tage schlussändli au...also kasch s einte nid vom andere trenne    1 mal bearbeitet, zuletzt Mo 2.4.07, 15:00 |
| JimKnopfMo 2.4.07, 15:05 | alles was isch isch nötig, sunscht wärs nid. |
| boozeMo 19.5.08, 15:28 | Färbet alles die ganzi graui Stadt!!!! Biiiittteee!!!! und alli spiesser und griesgräm hän vielicht wieder bitz besseri luune und meh läbensfreud!! Bunt solls sein, ich lieb graffitis!!! |
Als angemeldeter festzeit.ch Member kannst du Themen erstellen und auf Beiträge antworten.
Infos/Hilfe » ©