Festzeit.ch Forum » Politik / Religion » Marktwirtschaft vs Planwirtschaft
| Autor | Beitrag 16 - 23 |
|---|---|
| 176671Do 19.4.07, 22:46 | Jo in China passiered brutali Sache. D Frog ish, öb das jetz d Uswirkige sind vode Marktwirtschaft, oder d Nochwirkige vom Kommunismus, wo s Land arm gmacht hät, es Land wo früener emol über Johrtuusigi hinweg e grossi Bedütig gha het - wohrschinli ishes beides. Allerdings liit s Prob nöd so sehr am Markt, sondern a de Unusgwogeheit vom Markt - d Abieter vo Arbeit händ zurziit s Säge det. Und es ish ganz sicher au en Uswürkig vo eusere Istellig in Europa, dasmer möglichscht vill Züg chaufe wänd und zwenig defür zahle, anstatt dasmer weniger chauft und defür öpis mit Qualität, wo au länger hebt, grad bi de Textilie... die chömed ja mittlerwil zum gröschte Teil us China, us Fabrike, wo d Arbeiterinne krass usbütet werdet. Aber ich glaub die wenigschte wo in H&M gönd, dänked a das, dass sie verantwortlich sind. Und vili werdet Dir zuestimme, dass die böse Riiche schuld sind und d Globalisierig, und dass de Kommunismus besser wär. So länkt mer vo sinere eigene Verantwortig ab, das ish normal, wer wett scho gern ständig sini Verantwortig wahrneh  Das vom Staat wo nöd ufem Markt verträtte ish, verstohni nöd ganz, vilich chasch das no erkläre? Also wieso führt das zunere Verschuldig? 1 mal bearbeitet, zuletzt Do 19.4.07, 22:46 |
| BandieraRossaFr 20.4.07, 12:32 | eh staat mues jo au mittel ha. d`froog isch wie er die ihne bring zuzyt passiert das haupsächlich durch d`stüre. wenn er aber nüme vertrette isch uf em markt isch er doch nur no e dienschtleistigs institution z.B sozialhilf, iv, ahv etc. und wenn das ibrich denne fiert das drzue das dr stürzahler meh mues zahle und dienschtleisctige nüme gwerleischtete sind. |
| 176671Fr 20.4.07, 13:24 | Mit de Stüüre isches wenigshtens transparänt, do gsehdmer am beshte, was de Staat choshtet. Im Momänt ishes jo so, dass zusätzlich zude Stüüre überall no Gebühre erhobe werdet, was an sich oke ish, aber d Stüüre söttet dur das wänn sho abegoh. Und de Staat chan au Geld mache indem er uf Alage Rändite erzielt, idem er Hüüser vermietet und verchauft, idem er sich effiziänter organisiert etc. Mer seid zwar immer, dasmer ide Schwiz wenig Stüüre zahlt, aber wämer s Ganze aluegt (KK, AHV/IV, Gebühre, Bänzinstüür, MwSt, Verchehrsbuesse... ), chondmer wohrschinli au uf 50 Prozänt (früehner händs em König nur de Zähnti müese abgeh Wäner als Aabieter ufem Märt präsent ish, dänn sötter eifach nöd die private Firme konkurriere. Wiler sich dänn ershtens d Stüüre abgrabt. Also das woner iinimmt, wiler anderne d Ufträg abluchsed, fehlt em nochher a Stüüriinahme vo dene Firmene. Und er ish au nöd so zwunge, choshtedeckend z produziere und wird vo däm her immer weniger effiziänt sii als e privati Firma. A was für Agebot hesh dänn dänkt? Ich find de Staat det oke wo niemerd sosht wet aabiete, oder wo soziali oder gemeinsami Aspekt erfüllt werde müend, wo Privati nöd chönted erfülle. Ansoshte sött er sich uf sini Kernkompetenze zruggziehe wie z. B. Diplomatie, Gsetzgebig und allgemein Regierig, Verteidigung, Katastropheschutz etc. Wobii das jetz ales sehr theoretisch ish, es git au hützutags vili Mischforme wo guet funktioniered. Für min Gschmack söter sich tendenziell no chli meh zruggziehe und sich effiziänter organisiere. |
| BandieraRossaFr 20.4.07, 16:05 | also wenn me die private firmene nid stürzt und anstatt dr statt anestellt wird doch so nur die inhumane arbeitszueständ gförteret. wenn aber dr staat die stell übernimmt wird er au luege das alli arbet hän wel si jo kei interesse hend vieli arbeitlose z`ha und uf em märt hen si monopol. d`gwunn wo dr staat erzielt werde denn aber wieder usgschüttet in allgemeinnützigi dienscht. so ka gwerleischtet werde das mir kei klassegselschaft hen und das es au nie an infrastruktur fählt. zuedem könnt me in minere asicht d`stüre ruihig jetzt no erhöhe drfür d`mehwertstür abschaffe den das isch jo die assozialschti art und wis geld ihne bringe |
| MythINCFr 20.4.07, 16:14 | @BandieraRossa WTF???? Du wilsch die private Firme stürtze? Was hesch du für e Problem mit dem vom Volk erbaute? Ich gseh du bisch imemrno in dr Schuel und ihr hend das wohl nonig duregno. Wenn de Staat (oder e Firma) s Monopol het, denn cha er d Priese so hoch asetze wie er will. Zudem het er kei Grund neues izführe -> moderneres, will jo kei Konkurrenz umme isch. Wilsch du das ? Les bitte erst mol s ganze Stürgsetzt dure und informier dich anderswitig über de Sinn vom ganze. Ich ha tagtäglich demit ztue und ich gseh do kei Grund, das abzschaffe. Edit: Mich würd s Bruefsläbe so ehlend aschisse, wenn i wüsst, dass ich nur für de Staat schaff und jede in dem Land au. Es würd keine e Grund gseh, sich azstrenge. Das bedütet es wird kei Fortschritt gäh in de jemwilige Branche und irgendwenn wird d Schwiez international nümm mithalte chönne und eures bescheuerte "System" wird hoffnigslos zämme breche. Echt kei Chance het das System. Inwas für eme Johrhundert lebsch du, dass du die privati Marktwirtschaft wilsch abschaffe? De Staat als einzig und alles - de wo dir s Geld in Ars** schiebt. OMG, so öppis zghöre. 2 mal bearbeitet, zuletzt Fr 20.4.07, 19:17 |
| BandieraRossaFr 20.4.07, 18:30 | wennn du inere private firma schaffsch wirsch du nid für di volli arbeitskraft uszahlt das heisst de mehrwert wo du als arbeite produziersch bruche d`chefe für ihre private bruch oder d`firma bruchts für forschig etc. wo du als abeiter au wirsch drunter lide wenn dini arbet z.B. Industrialisiert wird. wenn dr staat d^lüt astellt wird das geld wieder em kollektiv usgschüttet und zuedem hesch demokratische iifluss drzue. allerding isch das nur e zwüscheschritt ich stell mir e welt vor wos kei staat me brucht. |
| MythINCFr 20.4.07, 19:27 | ich stell mr e welt vor, wos so dummi idee nümmi brucht Also, was bitte söll dr Mehrwert vo minere Arbet si, wo mir dr Arbetgeber sött mehr uszahle? Lueg, ich schaff in dr Buechhaltig und ich weiss, dass es e harts Gschäft isch. Mir hei sehr viel KMUs in dr Schwiez und immene Hochpriesland trotzdem überlebe z chönne isch nit liecht. Stell dr vor, au durch d Forschig gits neui Jobs. Au ich han durch das min jetzige Job. Wenns kei Forschig gäbti denn würde mir immerno mit Recheschieber und schriebmaschine schaffe - o wie geil, cha mr jo nüt töllers vorstelle. Nach dinere These, würdi durch das natürlich mehr Lüt agstellt werde - NUR - durch das wirds Produkt wo mr produziere au türer und somit chönne mirs nümm vrkaufe. Wärs dir lieber gsi, wenn mir nie e Industrialisierung gha hätte? Denn würdsch dis ganze Läbe ufem Buurehof Rüebli usem Bode rupfe - wenn du das mache wotsch - wird Buur. Chan das sie, dass du mi Antwort nit glese hesch bzw. nit verstande? "Wenn de Staat s Monopol het, denn cha er d Priese so hoch asetze wie er will. Zudem het er kei Grund neues izführe -> moderneres, will jo kei Konkurrenz umme isch. " wenns dr immene Staat nit passt, de verreis, git sicher no irgendwo e Insle wo de chasch in din besitz näh und ohni staat dahin vegetieren. |
| CHALLENGE2010Fr 20.4.07, 19:56 | genau dr punkt mit dr forschig isch jo dr rise vorteil vom kapitalismus zur planwirtschaft. inovation gits nit uf befehl und forschig isch det sinnvoll wos au e bedarf drnoch git und im kapitalismus wirdsch drzue zwunge dassd nit sinnlos ind gegend forschisch will dr das nit leiste chasch |
Als angemeldeter festzeit.ch Member kannst du Themen erstellen und auf Beiträge antworten.
Infos/Hilfe » ©