Festzeit.ch Forum » Politik / Religion » Wieso sind so viel schwyzer gege d`ibürgerige vo usländer?
| Autor | Beitrag 1 - 15 |
|---|---|
| xXxRiChBiTcHxXxMi 4.4.07, 09:05 | also ich möcht mol gärn wüsse,wieso so viel schwyzer immer drgege stimme,weme usländer möcht ibürgere. und allgemein,was händ so viel schwyzer gege usländer??? |
| finelineMi 4.4.07, 09:14 | Lueg, es isch ganz eifach, es gitt 2 Sorte vo Ussländer Sorte 1: Si chömme do aane, Sueche sich e Job, D'Kinder lehre d'Sproch, gänd sich Mieh, mache e lehr usw. Stresst die öpper? Nö, ich glaub niemerds hett nur es chliins Problem mit dene. Sorte 2: Jugendlichi Poser, scho sitt 15 Joor in de Schwiz, oder sogar do gebore, Rede in emne Slang (hey man...) Und das liggt denn nid dra, dass si nid dütsch chönne, sondern will sis nid wänd lehre will si denn uncool wäre oder was au immer. Si hänges uff strosse ume, ficke anderi aa, usw. Weisch was s'truurige isch? Es gitt vill lütt wo nid chönne unterscheide. Die gsend denn so lütt und sage eifach moll "Scheiss ussländer". Und das isch ebe falsch. Müehsam sind nur die, wo sich nid integriere lönd, wo eine uff Poser und Stresser mached. Und ich muess dr ganz ehrlich sage: Wenn e ussländer do wohnt und seit "Scheiss Schwizer" denn... sorry, was suecht är denn do? Es gitt do no e grosses Problem. Ich glaub vo de Sorte 1 gitts meh als vo dr Sorte 2. NUR bemerkt me d'Sorte 1 nid. Si wärde Akzeptiert vo dr Gsellschaft. Usestäche duet d'Sorte 2. Und die definiere automatisch es allgemeins Bild für de Ussländer. Und das Bild isch denn das wo zieht und drumm gitts Rassiste. Pusht wird das ganze natürlich durch d'Medie, wo bi jedere gwalttag 3-fach unterstriicht, dass es ussländer gsi sind. Aber jo, luegt me moll statistike aa, denn merkt me, dass ussländer verhältnissmässig vill öfters an kriminelle tate beteiligt sind wie schwizer. (Ich ha moll e ussfüerig gse über Gfängnis: Gliich vill schwizer wie ussländer. Denn cha me doch sage: "sehr schön, do händ mers, beidi gliich". Nur... In dr schwiz läbe 4 moll so vill Schwizer wie Ussländer. Und wenn me das hochrächne duet isch es ebe scho no krass... Hui, jetzt hani vill zvill über das gschriibe. Aber lueg, es gitt so vill iibürgerige wo OK sind, aber wenn denn lütt chömme, behaupte, si wohne sitt 20 joor do und das chuum uff dütsch chönne ussdrucke, denn findis problematisch. (wenni ganz ehrlich bi findi d'iibürgerig vom Chipprefield au e Witz... Will är cha au kei wort dütsch) ich hoff ich ha das einigermasse objektiv gschriibe. 4 mal bearbeitet, zuletzt Mi 4.4.07, 09:19 |
| digitalrebelMi 4.4.07, 09:24 | bini genau dr gliche Meinig wie Fineline ... |
| TexanDudeMi 4.4.07, 09:26 | Will jede Bürger e andere Massstab het was integriert bedütet... bide einte heissts: Sit 15 Joor do, cha Dütsch, arbeitet, isch fründlich und hilfsbereit... bi andere heisst: Isch do gebore, cha perfekt SChwyzerdütsch, isch Christ, verkehrt nur in Schwyzerkreise, het si alti Staatsbürgerschaft abgeh, god nieme in sis Heimatland usw. und die meiste wo gönge go abstimme nämä szweite als Massstab |
| finelineMi 4.4.07, 09:27 | Jo wobii ich s'2. absolut übertriibe isch. Integration isch wichtig, aber wäge däm muess jo niemerds sini heimatvrgässe miesse. |
| TexanDudeMi 4.4.07, 09:33 | Doch, schliesslich wird me Schwyzer und het somit e neui Heimat... und wen eim die alti besser gfallt söllme doch au die Staatsbürgerschaft phalte |
| finelineMi 4.4.07, 09:36 | Y bi jo wirklich au nid de SP-Fründ, aber mit so derart ängstirnige ussage hani ebe e chli mini problem... |
| WeisserWolfMi 4.4.07, 09:39 | Also bitte! Wieso stimme Schwyzer immer mehr gege Ibürgerige? Lueget s'letschte Jahr mal a! Massevergwaltigung vo MEITLI(!!!) und alles Usländer oder Ibürgerti us em Balkan. Da sin die mehr als selberschuld, dass me sie do in Europa immer weniger und scho gar nit als Bürger vom Land bezeichne will. Oder grad jetzt s'neue Problem an de Schuele in Zürich. Die Type sin nit integriert, also gits au kein Pass. So eifach isch. Zudem isch en usbürgerig + Wegwisig wenns sowit chunt gar nit verkehrt. Denn gebe sich die Balkaner viellicht au wieder Müeh mit em Zämelebe in dr Schwiz oder sunst emene europäische Land. |
| carmizamaMi 4.4.07, 09:44 | jep mir ussländer sin sowieso nur guet zum do in dr schwiz bauarbeiter, putzfraue usw. zwärde, aber wenn me sich den will ibürgere loh, heissts nei, du hesch di zwenig integriert!! PS: in dr schwiz redetme immer no 4 sproche, ich seh nid wurum me dütsch miesst könne! |
| NilsBaselMi 4.4.07, 09:44 | Sorte 1 sin härzlich willkomme! Sorgt au für e schöne Kultureustusch. Sie mien nit emol perfekt dütsch könne das isch mir glich. Eifach fründlich und hilfsbereit und offe für anderi Kulture. Und natürlich mien sie sich uns au apasse. Nur leider gits vo dere Sorte immer wie weniger (so hets für mi emel dr Aschin...) die eigeni Heimat vergässe?  |
| AgentOrangeMi 4.4.07, 09:45 | was het den vergewaltigunge etc.. mit integration ztue im balkan döffsch das au nit mache also het das nüt mit itegrierig ztue |
| finelineMi 4.4.07, 09:47 | @ Ashido, doch hetts ebe scho. D'Wärtvorstellige vo de Verschiidene Kulture sind eifach total verschiide. Und wenn öpper do anechunnt muess är sich halt de Wärtvorstellige do aapasse. und @ fibi, jetzt übertriib moll nid. Du muesch de Fähler nid unbedingt bim schwizer sueche. Irgend neume chömme die ville Vorurteil jo här. Und das chasch dene verdanke, wo do ane chömme und sich denäbe benämme. De Mensch isch beschränkt. Und d'Beschränktheit wiist sich in däm fall so uss, dass dr bünzlischwizer gset, dass es gwüssi ussländer gitt wo dumm diend und denn findet "alli ussländer sind bös". So mensche sind schwiirig, aber schlussändlich chasch das dene verdanke wo do ane chömme und dumm diend. 1 mal bearbeitet, zuletzt Mi 4.4.07, 09:50 |
| WeisserWolfMi 4.4.07, 09:48 | @fibriga MIr wenn au immer weniger Dütschi & Franzose, will die uns d'Jobs obe wegnehme. Alles, was em Bürger öpis nimmt, will er nit. Bi de Usländer us em Oste wenn mir d'GWalt und die asozial Haltig nit und bi de westliche, dass sie die guete Jobs für weniger Geld mache. @NilsBasel Nit vergesse, aber nit in VOrdergrund stelle. Vo mir us darf jede e Fahne vo sim Land deheim ha. Aber uf de Stross muess er nit mit ere andere Flagge als dr Schwizzer umelaufe... sofern er nit grad Tourist isch. @Ashido Will wenn im Balkan sowas machsch, chunt ev. die ander Familie und viellicht isch ja dört eine bi dr UCK, denn gohts so Büebli an dr Krage. Zudem e Land wie Albanie, wo d'Haupt"wirtschfaft" us Fraue- und Waffehandel bestoht... wieso sötte die dört anders si als do? Sönigi wei mir nit und scho gar nit als Schwizzer bezeichne. |
| TexanDudeMi 4.4.07, 09:49 | Genau, userdem hets fangs vo allne Volksgruppe soviel Mensche do das si sich gar nüm integriere sonern nur no in ihrne Kreise verkehre... git jo türkisches Fernseh, türkischi Restaurant, Moschee, neuerdings Friedhöf mit muslimische Gräber, türkischi Läde und gnueg türkischi Verein... muesch mr nit sägä das sig asimiliert (ha den eifach dTürke gno als Bispiel nit dases heisst ich red speziell vo dene   ) |
| XxAggroBaselNordxXMi 4.4.07, 09:49 | Immer alli gege d'balkaner. Klar mache vil vo dene Problem, aber alli ide gliiche topf z'wärfe wär falsch.ich ha vil balkankollege wo keini Problem mache. Ich bi für meh integration, aber au für meh toleranz.. |
Als angemeldeter festzeit.ch Member kannst du Themen erstellen und auf Beiträge antworten.
Infos/Hilfe » ©