Was ich mit minere Ussag notürlich nit befürworte würd wäri s Phänomen, dass es en Apartheid würd geh.

Aber neme mr s Szenario: Me isch anere Party mit Kollege, denn kunnt en homosexuelle Kolleg vonere Kollegin (Klischee, du schönes^^), jetzt isch in dere Gruppe eine, wo sich unwohl fühlt, wenn en Homo umeweg isch.

Und wenn das bi dere Person so tief in dr Psyche verankeret isch, denn losch em halt die "Marotte". Die Person isch durchus trotzdem in dr Lag, das z toleriere wie au z akzeptiere, und macht Homosecuelle allerhand Zuegestäändnis, setzt sich vil sogar für die i. Will sini Überzüügig die selbigi isch, wie die vo allne andere Mensche wo mit Schwule keini Problem hend. Halt eifach dr direkti Kontakt macht en unwohl.

bi uns gits das würklich nid.

e apartheid würds drum scho nit gäh, will die meischte homos gar nit als homos uffalle. abr trotzdäm gits sehr vieli homos, wo sich au sälbr vo de heteros abgränze (bewege sich nur in dr homoszene) und zum teil ka me ihne nit mol e vorwurf mache



jo klar. dä het vorurteil, kompläx odr isch sälbr schwul. abr genau das gilts z bekämpfe.
das isch öbbe so, als würd ich rächtfertige, dass mini fründin sich unwohl fühlt, wenn e hetero-kolleg vo mir zu uns kunnt

do ka ich dr ebbe nit rächt gäh. ich setz mi au nit für öbbr i mit däm ich nütt will z tue ha. du öbbe scho?

Also, in dem Fall muess me wohl fescht halte, dass mir eifach anderer Uffassig sind, diesbezüglich^^ Mis Grundprinzip isch simpel: "Jede Mensch het s Recht sich vo öpisem/öperem fernzhalte./ Me dörf e Mensch nit zwinge, t Gegewart vo öpisem/öperem z sueche, wenn em das nit passt." Khört für mich eifach zu dr Freiheit vom Einzelne derzue. Was nit heisst, dass me mit dere Person nit drüber rede sött, aber Vorhaltige mache, oder gar beleidige fänd ich unagebrocht.


Edit: Wenn ich mr jetzt vorstelle t Nöchi vomene Homosexuelle täti micht beunruhige, aber ich häti nüt gege si als Mensche, eifach nur t Vorstellig vo dem würd mich ufwiehle, denn würdi das für mich a priori nit bedüüte, dass das Mensche sind wo's verdient hend anderscht behandelt z werde, oder verleumdet z werde.

S Biispil "Gandig", de het jo genau das gmacht: Sich igsetzt, aber selber gmeint, dass er doch dr Abstand zu denne suecht.

abr das isch jo das, wo nit goht.
klar kas si, dass me e schlächti erfahrig gmacht het mit öbberem, denn vrstandi au, dass me zu däre person abstand suecht. abr sich vonere ganze gruppe z distanziere isch für mi unvrständlich und ich find, dass me das au nit eifach so ka stoh lo.

und sorry, wenn di dr gedanke ufwiehlt mitemene schwule z rede (jetzt als bispsiel), denn kasch mr wohl nit sage, dass du die person zu 100% wie e anderi aluegsch? denn sehsch sie denn ebbe doch als mindrwärtigr/krank a.
jetzt kasch sage ''jo, abr villicht het das mitem glaube z tue odr dä isch villicht mol vomene schwule vrgwaltigt worde''.
die betroffeni person, wo vo daheim mitkriegt het, dass homosexualität schlächt isch odr die person, wo vrgwaltigt worde isch, wird wohrschinlig für immr die homosexuelle/ dr homosexuelli vrgwaltigr vrurteile und wird somit alli in dr glich topf schmeisse was zur folg het, dass sie ALLI homosexuelle nit als mensche wie du und ich wärde wohrnäh.
und do kasch mr denn nit sage, dass sie sich nur distanziere, abr trotzdäm in dr lag sind sie zu 100% z toleriere und z akzeptiere

Ich gseh das andersch. Du entscheidisch tagtäglich mit was für Lüüt du möchtisch Kontakt ha und mit welchne nit, emol etwaigi Eigeheite (Homosexualität, Ethnik, Religion, Gsinnig etc , alles Sache wome sich gern druf stürtzt wenn's drum goht öperem Diskriminierigsvorwürf z mache) usser Acht gloh. Wege dem gsehsch die Lüüt nit als minderwertig ah. Oder wenn du "Nun mal die Antipathie hast", das git's. Wegem dem hesch du dr Mensch no lang nit verurteilt, wie willsch au. Du kasch en mensch nur für sini Meinige minder bewerte, für sini Tate, für sini Ambitione. Aber nit für en tief verankerti, emotionali Veranlagig, die hen die Lüüt eifach. Aber genausoguet wie du denne anderscht Orientierte kei Vorwurf kasch mache, will's t Emotione sind wo si so handle lönd, und nit us em Affekt, sondern en ihne stetig eigeni Neigig, wo nit mit akkute, momentane Emotione verbunde sind, genauso wenig dörfsch du öperem s Recht abspreche die umgekehrt-polti Emotion z ha. Das muesch eifach eso akzeptiere. Wie öper wo sich lieber mit Hochhüüser als mit Bäum umgit. So Sache sind, und jetzt behaupt i emol öpis, in dr Seele manifestiert. (imo)

Ich ha jo au nit vonere Charaktereigeschaft gredet, sondern vonere Eigeheit. Und Atnipathie muess nit entstoh, die kasch eifach ha. So wie dr öpis uf Anhieb sympathisch kha si.

Dr Russiaplaya isch au eine gsi wo gern Voruteil bedient, und Stunk gmacht het^^ De kasch nit würklich ernscht neh.

Und ich ha mini ganzi Meinig jo nit ufeme Bild voneme Schwule-verhetzende ufbaut, sondern uf Lüüt, wo gegeüber dr Homosexualität t Antipathie hend und nit gege t Mensche wo de Wesenzug hend, dr Tüüfel liigt im Detail, nit t Mensche wo homosexuell sind, sind's Problem, sondern t Homosexualität an und für sich rieft halt bi gwüssne das, scho so oft erwähnte, Unbehage/Unwohlsi hervor.

Und ich due das keinesfalls guet heisse