Festzeit.ch Forum » Politik / Religion » Islamisches Zentrum in Bern
| Autor | Beitrag 91 - 105 |
|---|---|
| TexanDudeMi 2.5.07, 12:31 | Ich lieb sFremde, suschd würdi mi nit für Archäologie interessiere... ich lis gern Büecher über Islam und Hinduismus und lueg Dokus über sLebe dörte... heisst das dasi wege dem die Mensche in mim Garte mues wele? Bruch ich e Moschee in Bern zum dr Islam zverstoh und kenne? Ich glaub ich verstand meh vo fremde Kulture und Religione als all die Linke Trottle wo unter Multi-Kulti verstönde dasme eifach e Hufe lüt do aneholt zum bitz Farb do anezbringe aber den dUsländer eifach ällei lod und gar kei Dislog mitne füehrt oder e Dialog wo vo afang ah us kapituliere bestoht wie au wen dSP mit dr EU redet... Konservativi Lüt rede usere Positon vom Stolz mit de andere wie au die andere stolz hei... mir chöne sägä was eus nit passt an dene und sie chöne sägä was ihne nit passt, keine brucht e Muhlkorb vo dr SP oder suschdige Menscherechtler... weme immer nur schönredet und nie Strittet gits genau de unterschweligi Rassismus und Hass wo mir hüte hei willme isch sit Joorzehnte nit richtigi Ussprich sondern eifach nebeher lebt |
| WeisserWolfMi 2.5.07, 12:32 | @LordGändeBlüemli Genau das meint er ja... nur will dr Hitler gsi isch, isch me jetzt en böse Mensch, wenn me das nit will was anders isch. Chum sorry. Me cha guet nebe e nand lebe... in NATIONE, ja! Aber nit uf dr Stross im selbe Land. Und wo isch die westlich Welt vom Multi-Kulti abhängig??? Es sin nur paar profitgeili Manager wo spinne und d'Wirtschaft will die Lüt und nur weg em WW2 isch das ebe alles bös und die Firme chöne das guet usnutze. Wenn mal luegsch, wie d'Verbreche gstiege sin und all die Vorfäll mit dene Vergwaltigunge oder d'Raser! Hallo? Die köre do nit ane, will mir nit mit dene chöne umgoh. Sie ziehn unseri Kultur nur abe und do es Moslemzentrum z'baue isch voll birreweich. |
| PieceofPeaceMi 2.5.07, 12:44 | Lug ich ha nur gseit är het euri Ideoligie im extremscht Fall ussprobiert und was hets brocht? ebe nüt guets! löwe ich stimm dir bim unterschwellige Rassismus zue, also das es das git und halt würklich überall vorhande isch. Jo zu de verbräche, ich ha nie gseit das das alles ängeli sin alli unschuldig und numme zu unrächt verurteilt wärde. Nei! Aber das Hets au scho vorhär gä numme het me s verdrängt und jetzt cha me mit em finger uff dr Ussländer zeige und sage das är das do ane brocht het das är schuld sig und so witer. Löwe du interessiersch dich fürs Fremde aber losch es nid an di ane... miness wüssens erwartet niemmert vo dir das du die lüt in dim Garte muesch ha. Die gäldgeile Manager und Bosse wo das ussnütze mache aber unseri Wirtschaftalso sin mir devo betroffe. |
| TexanDudeMi 2.5.07, 12:48 | Mit Garte isch mis Land gmeint... und wen ich dene ihri Kultur will gseh gang ich zu ihne und benimm mich dörte... ich lueg ihres Land ah und red mit de Lüt und gniess das, den gangi HEIME... was isch aber heime go wens überall glich usgseht? Ich will nit immene Kulturmuseum lebe woni 24h lang alles anderes um mich umehan als mini Heimat... ich will heime in mis Land und nit neuem ane wos usseht wie in Delhi oder Ouagadougou... wo isch dr Spass an dr Welt wens überall glich isch? Userdem het dr Hitler nit EUSI Ideologie agwandt... er isch en NationalSOZIALIST gsi... also het er euchi Ideologie genau so agwant... ich hass Sozialismus egal ob rechte oder linke... 1 mal bearbeitet, zuletzt Mi 2.5.07, 12:49 |
| PieceofPeaceMi 2.5.07, 12:53 | Ich find me sött de andere d möglichkeit gä sich a z passe! Ich bi jo au gege das Zentrum! Aber es isch jo nid DI land es git ebe au no anderi in däm Land |
| PieceofPeaceMi 2.5.07, 12:54 | sry doppelpost 1 mal bearbeitet, zuletzt Mi 2.5.07, 12:55 |
| TexanDudeMi 2.5.07, 12:56 | Aber wen ich säg für mich isches eso und am Schluss denke 51% vode Mensche glich den isch das dMehrheit und drmit dr Wille vom Volk... egal was die andere 49% sägä... ich schrieb do nur mi Meinig ane und bild mir gar nit ih, dass das jede so handhabe mues... aber ich mach halt Werbig für mini Istellig wie jede wo in somene Forum schriebt  |
| PieceofPeaceMi 2.5.07, 12:58 | tja mir sin nümm bim Thema XD |
| TexanDudeMi 2.5.07, 13:05 | Hehe... mir si wieder bi dr Grundsatz diskussion acho wo die meiste vo mine Biträg ende |
| WeisserWolfMi 2.5.07, 13:15 | Die einte denke das und die andere das. Selte löhn sich d'Lüt do überschnurre, darum hen all die Posts in dene Forene eigentlich gar kei Sinn. Trotzdem isch es doch so, dass mir do in Europa überfremdet sin. Jedes Land in Europa kämpft demit und ständig nur vo "Integration" vo de Linke z'hör eund z'lese, funktioniert ja au nit. Wo mir e echte Boom ka hen, het me sie inegholt... doch die rosige Zite sin längst verbi und me sött sich endlich bsinne, was me will. Au immer "Mehr Gwünn" mache z'müesse isch völlige Irrsinn. Irgendwenn isch s'End vo dr Spirale erreicht und mir sötte das erreiche, vo uns us. Keini Usländer, zum unseri Rente sichere sondern die Alte lo altere und unseri eigene Junge züge. Wieder d'Familie in Vordergrund stelle und nit Lüt hole, wo wahrschinlich nur do sin, wills ne besser goht aber sunst nüt wüsse oder wüsse wenn vo unserem Land oder dr Kultur. 1 mal bearbeitet, zuletzt Mi 2.5.07, 13:19 |
| CHALLENGE2010Mi 2.5.07, 16:27 | dr sproch gebruch vo einige chunt däm vo me gwüsse Herr scho rächt noch ... macht mer fast angst. hmm sind italiäner es problem?? das würd hüt wohl kum me eine sage aber luegt me zrugg ind 60er isch d stimmig öbe gsi wie hüt gege d balkaner... luege mer doch eifach wies in 40 joor usseht ... denn motzed sicher all über die dütsche wo unser land stürmet(hüt übribens d gruppe wo dr gröst ateil ar imigration usmacht) und das d schwiz ohni fremde arbeiter kei chance hät chan niemerts wäg liege. d schwizer wirtschaft wär innerhalb vo me joor am bode wenn me alli usländer uswise würd. und jetzt mol ganz simpel: wenn du e firma hättsch und en schwizer und e usländer sich bewärbet und dr usländer isch besser qualifiziert ( sage mer dopplet so guet damit kei zwifel blibet) denn würdsch du au dr usländer istelle ansunste wärsch eifach dumm hmm was du seisch tönt alla " wir lieben das fremde in der fremde" und das isch nit nume licht rassistisch ( unteranderem teil vor Neonazistische propaganda in dütschland in lieder und uf flugblätter) 2 mal bearbeitet, zuletzt Mi 2.5.07, 16:29 |
| DudesonMi 2.5.07, 17:52 | ich finds e bitz verantwortigslos und me macht sich s sehr eifach wenn me seit unseri gsellschaftliche problem sin mit de usländer/multi kulti ko, es git au schwizer wo verbräche veriebe. zu däm würd ich nit behaupte das es im verglich zu friehner me verbräche git, es wird eifach mehr drüber gredet und me brichtet me in de medie und no öppis an alli vo wo do über d angscht vor fremdem gschribe hän: dere angscht ka me nur entgege wirke, wenn me s fremde bzw s unbekannte kennelernt. |
| checcaMi 2.5.07, 17:58 | ich finds wichtig das die ihri kirchene dörfe ha...gedankefreiheit und so...integration....i fänds eher scheisse wenn mr würd sage, nei es git keini kirche wo nid chrischtlich sind...mir sind e chrischtlichi nation...das wär alles andere als wältoffe!!! i glaub au nid das aschläg vom pfarrer in dr mosche heiliggsproche wärde wenn d schwiz ihne entgegekunnt. |
| CHALLENGE2010Mi 2.5.07, 20:34 | und genau für das kenne lerne isch sone zentrum (vorallem dr museeums teil) nützlich |
| CegeshMi 2.5.07, 21:16 | drgege |
Als angemeldeter festzeit.ch Member kannst du Themen erstellen und auf Beiträge antworten.
Infos/Hilfe » ©