Autor | Beitrag 1 - 15 |
---|---|
TonyMontanaFr 25.5.07, 11:50 | Für alli wo de Bahnhof Liestel mitem Kantonsgricht kenne händ sicher scho mitbecho dass sit neustem e pfiffendi alag installiert worde isch zum d lüt- oder besser gseit die jugendliche z vertriibe wo dört ihres mittagässe wänd inehaue. ich mach au jede tag mittag z liestel und langsam aber sicher chum ich mir mehr und mehr verarscht vor! me cha niene mehr in rueh anehogge ohni dass me vo awohner vertriibe wird. oder es het eifacht keini plätz zum anehogge und gschnäll si mittag mache!! i mein normalerwies sött me doch chöne mitenander rede und gmeinsam e lösig finde, aber nei me installiert so es scheiss dings und schisst druff was mit de jugendliche isch!! was dänket dir zu däm thema? gits no anderi wo z liestel ihre mittag verbringe? do no de link drzue: http://www.20min.ch/news/basel/story/16704960 |
00000000000000000Fr 25.5.07, 12:06 | ich würd eifach trotzäm immer dört go ässe, irgendwenn schaltes sies ab, wills ned funktioniert |
nundefaaahneFr 25.5.07, 12:07 | i verstand die neume dure scho, wenn do jede dag so viel abfall liege bliebt! |
ARTgerechtFr 25.5.07, 12:08 | nimmsch aifach böxli mit und losch dini aigeni muusig lo laufe und s problem isch erledigt... (bitte nit uffe natel! das isch derb füre arsch) |
r2kFr 25.5.07, 12:09 | Super Sach ne im ärnscht: Ich dänks uf d Lüt zuegho würdi mehr bringe aber jo. ich wart nur druff das öpper s Gricht verklagt will är wäge däm Grät nüt meh ghört..... Ich dänk sogar dass dä Schuss hindeuse goht, will doch alli wei wüsse wie das dönt und sogar bewise will dass es nid lauft. Das mit em Abfall isch es Problem, aber das könnt me durch Abfallkübel (wo au glehrt wärde!!!!) sicher löse.. EDIT: nach was dönts denn? 1 mal bearbeitet, zuletzt Fr 25.5.07, 12:10 |
ARTgerechtFr 25.5.07, 12:11 | jo also abfallkübel hets dört jo gnueg! |
r2kFr 25.5.07, 12:15 | au leeri? will ich ha teilwis d erfahrig gamcht, dass eifach die nid glehrt wärde (guet lieschtel --> isch schaff im e andere egge).... aber das isch definitiv dr falschi wäg.... |
r2kFr 25.5.07, 12:19 | Do könned ihr euch scho mol drgege Abhärte: http://www.bbc.co.uk/wiltshire/audio/mosquito_sound.mp3 ich wrt uf e Aktion dass dört ghörschütz stönde zum bruche |
RheinPiratFr 25.5.07, 12:19 | Das teil funktioniert scho - aber ebbe nur bi jugendliche bis öppe zum 17 läbenjoor. Denn hörte me no frequänze wo me spööter nümm hört.... gids ind GB scholang |
digitalrebelFr 25.5.07, 12:22 | Ohrestöpsel koschte e Stutz oder so, oder nimmsch im SoCa e Hampfle mit ame Konzert ... Problem glöst ... aso die Politiker hän Idee ... |
digitalrebelFr 25.5.07, 12:24 | @r2K: aso ich hör dä Pfiffton au no ... und ich bi bitz elter als 17 ... |
RheinPiratFr 25.5.07, 12:26 | Ich hör das nid .... nur die andere grüsch im hintergrund Schaad lauft das file nid uffm natel... denn könnte d'lüt im tram närve Wieso laufts nid? wells 48Khz isch und die meischte nur biss 44Khz unterstütze |
XxHeimJungexXFr 25.5.07, 12:33 | dä schissdräck bringt,wie mini bezeichnig für das grät scho seit, e schissdräck. mi störts eigentlich nid. |
TonyMontanaFr 25.5.07, 13:35 | ich bi sogar dörte gsi mit öberem wo 37 isch!sogar dä hets ghört und es het en extrem gstört und zu de abfallkübel, es het scho 2 stk, aber die länge doch niene ane wenn alli bim verbilaufe, bim dört hogge und die vom mc ihre abfall dört ine düent! i find uns wird eifach mehr und mehr ruum ewäg gno und me darf sich niene me ufhalte, isch scho chli truurig die ganzi sach.... |
RheinPiratFr 25.5.07, 13:56 | Logisch ischs truurig, aber was wotsch mache wenn eifach immer ä sauerei zrugg bliebt? du würdischs genau gliech mache wenns di platz wär Dehei lohsches jo au nid ummeligge Dorum verstandi die lüt voll und ganz |