Festzeit.ch Forum » Politik / Religion » eueri Ideen für e besseri Wält :)
| Autor | Beitrag 121 - 135 |
|---|---|
| EssenzzSa 23.6.07, 14:51 | und alli Länder, Firmene oder Konzärn wärde in de finanzielli Ruin brocht! es het alles sini Vor- und Nochteil, aber Frauen an die Macht?.. ich blieb bi "nein"!  Who's with me??  |
| pünktchenSa 23.6.07, 15:02 | "es sind scho rächt viel fraue mittlerwile an dr macht" das sage alli wo KA händ bisch no nie in asie gsi odr in afrika das sind länder wo sicher meh als thelfti vo unsere wält iinimmt! abr dört herrscht immer no die unterdrückig vo fraue grad dört wo sie no im 12. johrhundert läbe wäris vo vorteil wenn d fraue grad was wirtschaft betrifft macht chönte ha denn würds kei hungerliede geh aber nei d männer gänd lieber meh geld us für waffe und und was abr de bevölkerig jedefallss nit witer hilft! |
| KorkenSa 23.6.07, 15:45 | ich glaub fraue würde sich denn ändere und es wär wieder glich schlimm^^ wenn nit schlimmer ^^ |
| pünktchenSa 23.6.07, 15:52 | do mes nie usprobiert hett und das wahrschienlich au NIE wird geh, dänki chame sage so viel meh will. was verstohsch du scho unter "wenn nit schlimmer"? mir fraue sind nit so rächthaberisch und kriegerisch und und veranlagt abr keine regel ohne ausnahme^das abr meistens e kline przäntsatz. |
| EssenzzSa 23.6.07, 16:20 | do muessi aber langsam Ispruch erhebe! Wie du uns do mehrmols demonstriert hesch, SIN fraue rächthaberisch! Und au em KillaBeez54 muess i zuestimme, es sin bereits Fraue in höhere Machtpositione! Ich sag demit nid, dass ich das was in de dritt Länder oder im Osmane Beriech mit de Fraue passiert billige duen! Aber die hän ihri Gsetz so wie sie mir au händ, und das liggt nid in unsere Händ!! Fraue würde genauso Krieg führe, aber nid in dere Form wie's d Männder düen (mit "Form" isch d Art und Wies vo de Kriegsführig gmeint und nid d Hüfigkeit oder sogar dr Usblieb vo Krieg). Meinsch wenn Fraue d Wält regiere, wärde sie sich alli wie die beschte Kollegine verhalte oder was? Neee... definitiv nid! 1 mal bearbeitet, zuletzt Sa 23.6.07, 16:23 |
| hoquetSa 23.6.07, 16:28 | Das liggt nid in eusere Händ? Was isch denn jetzt das für en üsserscht intellektuele Erguss gsi? I find ebe grad, dass es in euserne Händ liggt. Als Iwohner vomene freie Land, wo's kei unterdrückig in däm Usmass gitt, sind mir doch drzue verpflichtet de ärmere, wehrlose, wo kei Grächtigkeit erfahre in de Drittwältländer z.B., z'hälfä. Wenn's mir nid machä..wär macht's denn? Die Lüt könnä jo nid für sich sälber istoh und für ihri Aliege istoh, will sie das Rächt so öbis z'machä sowieso nid händ. Mir sind ihri einzigi Chance, drmit sich in ihrem Land öbis änderet.... |
| pünktchenSa 23.6.07, 16:41 | genau! do erübrigts sich grad mini anwort! |
| J4LSa 23.6.07, 17:10 | scho mol öbis ghört vo Religion und Kultur? Mir händ au scho drüber in de schuel gredet..... Mir könne dene lütt in Afrika nit sage was sie sölle mache und wenn doch... würd das nur durch krieg go... das heisst nit das i krieg guet find im gegeteil! Das liegt an dene sälber..... |
| J4LSa 23.6.07, 17:11 | Zerscht müesst meh sowieso mol öbis gege die ÄRDERWÄRMIG... mache |
| pünktchenSa 23.6.07, 17:24 | stimmt scho dass das an ihne sälber liegt aber ebe wenn me d fraue würd füehrig überloh denn wär dene au scho gholfe will die luege nähmlich um realistischi problem nix mit religion und kultur. aber d männer wänd sich dört das nit iigehstoh süst würd me ihri würde=religion und ebe kultur verletze odr verachte drum wärde mir europäer nie chöne witerhälfe wills nit angebracht isch anderi religione z missachte! |
| TokeeSa 23.6.07, 17:28 | ne au frauä an dr macht wer nid guet würd anderi problem geh, zwar wer gfohr wie krieg vergwaltigungä vil chliner aber i wet nid wüssä wies isch wen ä land vo einerä wie d paris oder schüschterä tussä regiert würd wärdä |
| J4LSa 23.6.07, 17:29 | ebe... das würd nur zum krieg führe |
| hoquetSa 23.6.07, 17:43 | jä, i ha scho Mol öbis vo "Religion und Kultur" ghört, dankä aber für die nätti und gar nid deplatzierti Nochefrog I mein jo au nid, dass mir anderne Kulture eusere Läbensstil ufzwingä müesse (durch Gwalt scho gar nid, wie's z.B. teil Missionare mit em christlichä Glaube bi de Indianer in Amerika gmacht händ), will dadurch würdä mir sie jo ischränkä und das isch dr falschi Wäg zur Lösig vom Problem..Es würd s'Problem sogar no verstärkä. Aber weisch, es gitt au Weg mit dene kasch d'Lüt in de Drittwältländer hälfä ohni sie zu ihrem "Glück z'zwingä". Es gitt jo z.T. Frauerächtsorganisatione in dene Drittwältländer, gründet vo Landeseigene Fraue, wo sich für d'Frauerächt in ihrem Land isetze. Mir könntä die Organisatione, wo jo nid vo eus gründet wordä sind, unterstützä in ihrem Kampf für mehr Grächtigkeit in ihrem Land. D'Schwiiz chann anderne Länder au es guets Bispiil sii und benochteiligti Lüt in anderne Länder drüber ufklärä, dass es au anderscht goht. Das es es Läbä ohni Unterdrückig (oder weniger Unterdrückig, denn Unterdrückig gitts immer..es kunnt eifach druff ah in wellem Usmass) gitt, sie in ihrem Kampf unterstützä und ihne Hälfe und Bestätigung geh, dass sie ufem richtige oder ebe ufem falschä Wäg sind...eifach nume do sii wär nätt. E ischlaggebendi Änderig könnä sowieso nid mir elei bezwäckä, sondern d'Ihwoner vo däm Land müesse au mitmachä...Mir sind lediglich fürd Unterstützig do..aber ohni e Unterstützig gohts ebenid. Die Lüt bruche uns..dorum söttä mir ihne au euseri Hilf abiete, wenn sie eus drnoch frogä..und weisch was??? In däm Momänt, bittet öber irgendwo imene Drittwältland um euseri Hilf..vellicht e verschleierti Frau irgendwo imene Bärgdorf im Jemen, wo vo ihrem Mah gschlagä und vergwaltigt wird, inere Zwangseh läbt und vor Hunger dräck frisst, will ihre ihre Mah nütt anders zum Ässä gitt..I gläb i ha mini Meinig klar gmacht. |
| pünktchenSa 23.6.07, 17:50 | do hesch du völlig recht @hoquet! @nitroxo hehe es wird vilicht höchstens en zickekrieg ... |
| TokeeSa 23.6.07, 17:52 | nei d pelzindustrie würd no vill me absetzä |
Als angemeldeter festzeit.ch Member kannst du Themen erstellen und auf Beiträge antworten.
Infos/Hilfe » ©