Festzeit.ch Forum » Liebe & Sex » PROBLEM: Die "Richtigi" / Dr "Richitgi" finde
| Autor | Beitrag 16 - 30 |
|---|---|
| finelineFr 13.7.07, 16:14 | Hehe eures Problem chunnt mer bekannt vor. Ich ha das au gha. Aber ich ha einiges chönne dezue lehre wo mir mächtig gholfe hett. Wenn dir öpper gfunde händ, denn lerned die person kenne. Lerned die positive Sitte vo dere person gniesse, lehred die negative sitte z'akzeptiere oder villicht sogar z'liebe. Uff de erscht blick verliebt me sich schnäll moll. ABER wenn dir wänd, dass es so bliibt dörfe dir euch nid zvill gedanke mache, sondern eifach das gniesse wo dr händ. fönd nid afo studiere "das stört mi und was isch wenn und sowiso" dänked an das wo schön isch. ich sag euch, ich ha scho so oft mini eigene gfühl tötet wäge so scheiss gedanke. Nobody is perfekt au dir nid. Dir wärdet nie e person finde, wo keini mackene hett usw. und genau die mackene miend dr liebe. ich weiss es tönt blöd. aber dir wärdet usefinde, dass e macke so öppis liebenswärt härzigs cha sy. Denn lönds uff euch zuecho. Wenn öppis mit öpperem lauft, denn lönds laufe. mached kei stress. wenn dr nach 2 wuche nonig zämme sind isch nid so schlimm. dir händ no monate zyt. nämmed euch zyt zum die person kennelehre. Do e chli mini persönlichi Note: Ich ha e frau kenneglehrt und es isch bald öppis gloffe. aber denn hani afo umestudiere und ha ganz e huffe an ihre gfunde wo mer nid passt. denn hetts mi afo aaschisse. aber denn hani e strich gmacht und ha witter gluegt. und ich ha gmerkt, dass die sache wo mi störe absolut nid ussschlaggäbend sind. ich ha chönne in die person ineluege und ich bi mir sicher, dass ich über die sache wo mi störe cha wägluege. sitt ich so dänk hani e unbeschrieblichs gfühl in mim buuch. vor allem wenn ich an si dänk. ich ha gar nid dänkt, dass das gfühl chunnt  mir sind no jung, mached euch kei stress und gniesseds was dr grad händ. |
| VentiSupportFr 13.7.07, 18:36 | ich cha nur eins säge: Liebi chunnt und goht wie sie will fixiert euch nit druff es passiert oder ebbe nit mir chönnes uns nit ussueche und wenn gfühl entdstönnd, denn au nit wäge nüt denn isch mehr dehinter ob s gägestück denn demit spielt oder nit isch nie klar und macht natürlich weh aber uf das loht me sich mit denne gfüühl ebbe leider i.... |
| chillagorillaFr 13.7.07, 21:59 | i personally recommend drugs yeah drugs or some quincy jones records  |
| Schnüggeli87Sa 21.7.07, 08:34 | ich ha friener immer nur kurzwieligi beziehige gha woni oft gege use gseit ha dass ischen aber i mir inne hetts totale chaos gherscht, i has gfühl gha i lieb se aber woo si mol weg gsi sind hani mi weder lär no einsam gfühlt, jetzt hani sittemne johr e fründ und am afang hani denkt dass wird warschinns nid länger hebbe als die andere aber ich denkt (h0ff) diesmol chentis echt de richtig si! |
| CancyMi 25.7.07, 10:51 | dr gröscht fehler wo me minere meinig cha mache isch e beziehig eintönig wärde lo..denn chas no so dr richtig sii..mit dr ziit wirds langwilig |
| TokeeMi 25.7.07, 10:55 | sich in öpper verliebe goht guet und ä beziehig afo au aber haltä isch schwer, do mä sich ständig vränderet vorallem wen mä no jung isch |
| CancyMi 25.7.07, 10:56 | jo und denn chunnt dass me sini bedürfniss zrugsteckt..kompromiss sind jo guet und notwändig aber si mache uf langi ziit gseh nit glücklich.. |
| finelineMi 25.7.07, 11:02 | Jo e beziehig darf nid langwiili gwärde. Das isch wohr. Drumm muess me zämme sache unternäh, evt au mängisch öppis speziellers. Aber d'Frau darf sich au nid druff verlo, dass dr Fründ jetzt de unterhalter für si isch. ha leider scho oft chönne zueluege, dass Fraue dä aaspruch händ. Und uffd duur use goot das eifach nid. D'frau muess genau so investiere und söll nid nur konsumiere. |
| CancyMi 25.7.07, 11:04 | hmm ich ha eher die erfahrig gmacht dass ich sache vorgschlage han und är nie het wellä.. |
| TokeeMi 25.7.07, 11:06 | zitat von fineline: ...Aber d'Frau darf sich au nid druff verlo, dass dr Fründ jetzt de unterhalter für si isch... do hesch volkomme rächt d frauä vrlönd sich z fest ufä ma das är d sachä organisiert. aber ebe den chas halt usächo das d frau das im nochhinein gmerkt het das ihrä das nid passt. |
| CancyMi 25.7.07, 11:08 | wieso säge eim das männer denn nit? |
| ArkinaMi 25.7.07, 11:08 | also ich muess au dr stärnli zuestimme |
| finelineMi 25.7.07, 11:10 | Jo es isch mängisch huere schwiirig. ich kenn die situation eifach ich. was wänd mer mache? si: sag du ich: jo mache mer das und das? si: hmm nei kei luscht usw usw... das isch eifach mega schwiirig und denn laufsch eifach gfohr, dass es glii heisst, dass du langwiilig bisch. obwohl de gar nütt defür chasch. klar, das isch jetzt e extremsituation, aber trotzdäm. |
| CancyMi 25.7.07, 11:10 | juhuii ich ha unterstützig.. aber die frog würdi scho no gärn beantwortet ha  |
| ArkinaMi 25.7.07, 11:10 | also bi mir isch es so gsi, jo das dörfsch du sage, jo ich weiss nid sag du..... und das het dr maa gseit und nid ich  edit: ajä, "mir isch glich", au sehr beliebt gsi 1 mal bearbeitet, zuletzt Mi 25.7.07, 11:11 |
Als angemeldeter festzeit.ch Member kannst du Themen erstellen und auf Beiträge antworten.
Infos/Hilfe » ©