Festzeit.ch Forum » Politik / Religion » Der Klimaschwindel
| Autor | Beitrag 76 - 83 |
|---|---|
| kevDi 18.9.07, 18:30 | lol mir alli sterbe irgendwenn...d frog isch nur wenn und wie @arcanis: in 200Johr??du bisch optimistisch...am afang hei d wüsseschaftlker au denkt dass s d polkappe längsämer schmelze odr das d Industrie (inkl. Autos, Fabrike etc.) nit so vill co2, co, methan usw. useschleudere...vo dem här  vilicht scho in 100Johr |
| holysmokeDi 18.9.07, 18:36 | de ganz klimawandel gfalltmer  i mein, d natur isch unsere einzige gegner, und so chunt de jaaaaagtinstinkt wider chli us eim use *blätter zermetzle* näi, i mein, me weiss jo immernoni 100% öb mir mensche defür verantwortich sin, aber schlussäntlich isch das jo egal. das ergebnis zählt ^^ also ebbe, i finds toll dases äntlech areiz git uf energie z setze wo uns 1x öppis kostet und denn nütme (sunne) - quasi e energie-flatrate i freumi scho druff das elekro-auto voder riichwiiti und betankigsmöglichkeit gliiich uf sin wie d benzin-konkurrenz. freumi ellei scho ufs dräimoment wo ke ferrari ka mithalte - seriemässig  1 mal bearbeitet, zuletzt Di 18.9.07, 18:37 |
| ARK0NDi 18.9.07, 20:20 | @nise ich denke das isch nid uf mich bezoge gsi?^^ |
| LaMoucheDi 18.9.07, 21:00 | sry aber dr klimawandel isch jo nit z leugne klar hets scho immer iszitte und nochher warmperiode ge, aber es isch no nie!!!¨so schnell gange wie jetzt, do sött dr mensch mind. e mitschuld ha. Ah jo klar Co2 sinkt an Bode... ohjeee |
| frighlanderDi 18.9.07, 21:25 | De "Klimaschwindel" isch en usred für fuuli Mensche und d Industrie, mitem Ziel, dass me au jo nid 1mm dr Arsch bewege mues für die andere oder evtl. nochfolgendi Generatione. Däne wos zpiinlich isch zsage: "ich bine totale Ego und mir isches scheissegal wenn de halb planet in Arsch gohd für min private Luxus" git das es paar lausigi Argumänt, sodass si sich au jo kei Müeh müen gä und si ihres reine gwüsse bhalte könne. Denn gits do Lüt wo sage "wieso sötte die Wüsseschaftler wo dr Klimaschwindel uffdeckt hän Liege?" und d Hälfti vo de Lüt het s Gfühl vorem Al Gore het no nie je irgend e Mensch vo der Klimaerwärmig gschnuurt. Erstens, wieso sötte die andere Liege? Ich glaub niemert verzichtet gärn uff Luxus, aber es git e paar Lüt wo gmerkt hän, dasses zum teil notwändig ka sii. Umwältschützer wärde wohl wäsentlich weniger finanziell unterstützt, als die wo im Interässe vo de Industrie forsche. Und zweitens: es git au wüsseschaftler wo de Holocaust leugne.Was händ eigentlich alli für Problem mit altenative Energie? Alli hän es riiiiese Problem drmit wenns Benzin es Paar Rappe tüürer wird, egal ob wäge normaler Priissteigerig, oder wäge CO2 abgabe. Rohstoff wärde Knapper und Benzin wird immer wie tüürer wärde, ganz egal ob me sämtlichi Umwältabgobe und -schutzmassnahme sofort abbricht. Wemme so viel in alternativi Energie würd stecke, wie in alles andere, wäre die Sache au einiges wiiter entwicklet und die ganze Argumänt vo wäge "utopisch" und "gohd nid" chöntsch grad rauche. Leider will kei grosse Konzärn Gäld ine Energie investiere wo unendlich und gratis vorhande isch. Denn würde si jo wenig bis garkei Stutz meh dra verdiene, dorum steckt me lieber alles gäld ine Promotion und lost alli die wo bitz ind Zuekunft luege als Verschwörigs-Heinis do stoh. Superschlau! Und do kame au grad no AKWs mitiibezieh, do heissts immer blablabla zwenig Strom und unseri AKWs seige jo so unglaublich sicher. Die wo dört schaffe und das alles baut hän, sin Lüt wie du und ich wo am Mäntigmorge müed ins Gschäft kömme und schaffe müen. Fähler könne passiere, mir sin alles Mensche und Mensche mache halt eifach Fähler. Nur das sone Fähler denn unter Umständ zumene Tschrnobyl in de Schwiz füehre ka und in unserem kleine Ländli sone versüüchts gebiet ziemlich fatal könnt si, jetzt mol abgseh vo de ganze Katastrophe an sich. Usserdäm ka en böse Mensch wo böses will tue, es Bömbli uffes AKW wärfe und e riese Fiasko uslöse. Das isch es extrems Sicherheitsrisiko und do bringe uns die neuste Militärjets und Panzer genau garnüt. Das die gfohr vorhande isch, könnt me jo no vermuete, grichtet an däm wasd Lüt hüttsetags füre Terrorparanoia hän. Und sone Risiko isch mir ehrlich gseit kei technische Komfort vo der Wält wärt. Und sogar wenn alles gloge isch und d Wält eigentlich immer wie kräftiger wird, je meh me si verschmutzt, triffts trotzdem uns Mensche. Was isch z.B. mit Lungekräbs durch fiinstaub? Das ka me nid leugne. Wenns drum gohd, dass ich e Ziggi rauch gits e riese Theater vo wäge passivrauch, aber wenn eine sini Abgas unserne Kinder ind Lunge pumpt isches allne Egal. Und vorallem isches lustig wie die ganze Lüt argumentiere. Zerst hän alli jeglichi Klimaveränderige gleugnet und über jede glache wos behauptet het und denn, wos plötzlich allgemein akzeptiert worde isch, dasses wohl wirklich e Klimaerwärmig git, hets grad gheisse "Tja, jetzt isch eh scho zspoot und me ka nüt meh mache", jetzt wo plötzlich Forderige kömme nach Abgabe undere Reduktion vo dr Umwältverschmutzig versueche die Lüt wider zbewiise dass alles garnid stimmt. Für das gän si widr weissnidwieviel Gäld us und denn no für e paar neui Modäll wo e bitzli weniger Schadstoff usstosse, statt diräkt in öpis bessers neuers z inverstiere. Aber mol ehrlich, wär bruucht denn eigentlich Öl? Mit däm scheiss Öl hets elläi in de letzte 20 Joor nur Problem gä. Krieg, Umwältverschmutzig, wirtschaftlichi und politischi Problem. Wie viel isch uns das Öl wärt?? Es gäbti scho lang diversi alternative, und wenn die nid systematisch blockiert und boykottiert würde wärde, wäre si hüttsetrags wahrschiinlich scho 20mol günstiger und effiziänter als das wo me jetzt bruucht. De grösst Witz isch, dass me jo früener oder spöter eh umstiige mues. Also was bringt das ganze chäre vo allne nur zums nomol e bitz uusezzögere? Und zum Schluss no eine für die Mensch vs. Natur aahänger. De Mensch kämpft do nid gäge d Natur oder d Ärde, sondern gege sich sälber. D Natur und alles Läbe isch sone Art Pilz ufeme Steibrocke. Däm Steibrocke isches schnurzpiepegal ob är jetzt Läbe druf het oder nid und es isch ihm au egal ob är in 2 Stück bricht. Dä isch nur en Stei wo us Staub entstande isch und irgendwenn au wieder zu Staub wird. "Natur" isch es wort wo mir benutze für alles läbe do bi uns. 99% drvo würds nidemol chegge wennd Wält untergohd. Aber uns stressts. Das isch eigentlich hauptsächlich unser Problem. Und wenn einem egal isch was mit dr Menschheit in zuekunft passiert, kanner sich vo mir us ere Vasektomie unterzieh oder sich sunst sterilisiere, aber denn söller sich bitte au us Entscheidige wo die gsamti menschlichi Zuekunft beträffe uusehalte und erst rächt kei dummi ha. Es fählt eifach de Respäkt. Wemme mol nochedänkt dass über 600 Millione Joor entwicklig vom Läbe uns vorusgön und mir alles wo mir hän vorhärgehende Generatione verdanke, isches eifach voll Arschig für dr Komfort vo es paar Generatione die gsamti Entwicklig zgföhrde und de nochfolgende ihri Läbensgrundlag in froog zstelle. Die einzige Vorteil wo mir us allem wies isch ziehn isch so kurzläbig, dasses eigentlich im Gsamte überhaupt kei Relevanz het. |
| kevDi 18.9.07, 21:39 | sehr gueti argumentation.Super Text. Mis ufrichtige Kompliment defür Du hesches mitem meischte zimlich ufe punkt brocht.Youre the Man |
| LaMoucheDo 20.9.07, 22:35 | extrem gut echt!!! Klimaschwindel , isch e scheiss ha mängmol s gfühl dass verschwörigstheoretiker sich die ganzi zit Katastrophe"ibilde" und wenn denn eini droht sie eifach leugne, immer gegen den strom wat?? me muess halt akzetiere dass oft d mehrheit rechtt het.( oft nid immer) |
| niseDo 20.9.07, 22:42 | @arkon: doch!! du bisch der einzig wo behauptet das co2 sinkt...ich muess immer lache wenn ich das ghör!@frighlander: props... |
Als angemeldeter festzeit.ch Member kannst du Themen erstellen und auf Beiträge antworten.
Infos/Hilfe » ©