Festzeit.ch Forum » Politik / Religion » ...stromsparlampen initiative...
| Autor | Beitrag 1 - 15 |
|---|---|
| niseMo 27.8.07, 10:35 | hallo zämme, der kolleg und ich hän das wucheänd mol e spontani idee gha und uns überlegt, dases sinnvoll wär wenn me in der schwiiz nur no stromsparlampe chönnt chaufe... für das bruucht me e initiative, und die z'starte, isch gar nid so eifach... jetzt hani euch mol wellä frooge was dir dervo haltet und öb der sälber scho erfahrige mit initiative gmacht händ...?? danggschön im voruus... |
| NilsBaselMo 27.8.07, 10:46 | finds guet wenn möglichscht viel Stromsparlampene benutzt wärde, aber schins sött me dene nit znoch ko wäge de Strahlige... kas mir zwar nur schwer vorstelle, dass es stimmt aber dr K-Tipp schribt das so...  edit: domit möcht ich eigentlich sage, dass me normali Lampene scho no witerhin ka kaufe wo me mit em Kopf noch dra isch wie z.B. schribtischlampene usw. 2 mal bearbeitet, zuletzt Mo 27.8.07, 10:49 |
| TokeeMo 27.8.07, 10:48 | das wäg dä strahligä stimmt scho, aber nur sparlampä bringts nid in rüm wo du all 10-15min s liecht a und ab machsch.. do sparlampä langsam agöngä bringts grad immänä wc me wen ä normali drin hesch.. |
| lookeeMo 27.8.07, 10:49 | und vorallem sin si abartig schäisse bide entsorgig und sLiecht isch huere dumpf! i würd warte bis es agmässeni Diodelampe git und denn umrüschte. Die hebe lenger, bruuche weniger strom und sin nid umwältschädlich und billig zum härstelle. |
| TokeeMo 27.8.07, 10:50 | mir hei in dr chuchi so vorgänger diodelampe, au die sind nid schlächt läbenserwartig isch minidstens 10 joor  |
| NilsBaselMo 27.8.07, 10:51 | ich find meh sött meh Solarzällene ufstelle z.B. uf Dächer (aber so dass es no schön usseht) |
| TokeeMo 27.8.07, 10:52 | i find mi sett grossi räder ufstellä wo jedä bewohner vo basel 1min voll mues rennä  |
| fönkyMo 27.8.07, 10:54 | gueti idee! es treid sogar zur fitness vo dr bevölkerig bi... wenn au nur ä bitzli  |
| NilsBaselMo 27.8.07, 10:54 | dIWB könnt doch e Fitness-Center bi sich ufmache.... do radle doch sovieli Lüt, das könnt me doch in Energie umwandle  |
| finelineMo 27.8.07, 11:02 | Mer händ au Energiesparlampene dehei. Und die sind wirklich arg dumpf. also wenn de e lampe hesch wo nid grad wiss isch denn wirds knapp mit em liecht. D'idee isch guet. aber ich bi mer ehrlichgseit nid wirklich sicher öbs öppis bringt. wenn ich gse was scho ellei do bi mir im gschäft eins an saft verbruucht wird, denn weissi nid öbs das bringt, wenn do d'huushält uff energiesparlampe umstelle. aber jo... fürs portemonnaie ischs garantiert interessant. |
| NilsBaselMo 27.8.07, 11:07 | also ich ha Dähei au Energiesparlampene und es goht halt scho e Wili bis es ordentlich hell isch, aber nach so 5min isch es scho ordentlich hell klar bringts nit ganz e soviel aber immerhin ebbis |
| SubsonicParkMo 27.8.07, 11:08 | naja nach 5 minute bini deheim jo scho lang nüm im gliche ruum hehe |
| niseMo 27.8.07, 11:17 | das mitem weniger guete liecht isch mer klar...aber ich find das isch kei guete grund zum nid stromsparlampe bruuche... aber das mit der strahlig hani nonie ghört...guet wenn mes natel immer im sack het cha jo e lampe nid so schlimm sie... |
| niseMo 27.8.07, 11:21 | ich dängg es isch mol e guete afang... will ich ha d'nase ächt voll...in däm scheiss bundesroot goht alles immer so lang... jetzt hämer dänggt mir mache mol öppis, statt immer nur dumm motze! |
| NilsBaselMo 27.8.07, 11:22 | jo das mit em Natel isch au sone Sach.... ha ichs in de Hose, isch es grad näbe de... jo.. ha ichs in dr Jacke, isch es grad bim Härz oder Lunge ha ichs am Gürtel, sehts beschisse us |
Als angemeldeter festzeit.ch Member kannst du Themen erstellen und auf Beiträge antworten.
Infos/Hilfe » ©