Festzeit.ch Forum » Politik / Religion » Abrüstung im Kinderzimmer !!
| Autor | Beitrag 61 - 72 |
|---|---|
| YelinaDo 6.12.07, 12:38 | gwüssi fraue sötted äbe pille nid schlücke, sondern zwüsche de knie iklemme.   |
| ButtersDo 6.12.07, 12:51 | Ich persönlich find au das e Spiilzüügwaffe nid unbedingt nötig isch, obwohl e Waffe für e Kind halt e gwüssi Faszination het. S Färnseh duet jo bekanntlich miterzieh und Kindersändig hin oder här, Gwalt isch immer präsent. Isch jo nid nur hüt eso. Nämme mr mol d Helde vo minere Kindheit. Asterix und Obelix löse ihri Konflikt indäm sie d Römer verbrätsche, dr Popeye bringt de Kinder bi, dass Spinat ässe cool isch aber was macht är wenner Spinat gässe het? Är wird stark ud fangt aa bösi Buebe z Verhaue. Teenage Mutant Ninja Turtles hanni früehner sau toll gfunde und die hän au alli mögliche gföhrliche Waffe, sälbscht wenn sie die in dr Zeichetrickserie so guet wie gar nid brucht hän, ganz im Gegesatz zu de wesentlich düsterere Comics. E Cowboy isch wohrschinlich für jede kleine Bueb e typischs Heldebild und dä isch ebbe au bewaffnet. Was i demit will sage isch: Ich ha früener mit Plastikschwärter und künschtliche Revolver gspiilt und es het mr nüd gschadet. Ich könnt keiner Fliege was z leid due.  Also fändis e bitz übertriibe wenn mr jetzt dr Finger uf alli Rabe-Eltere richte, wo ihrem Kind e Käppseli-Pistole in d Hand druuge. Eso e Spiilzüüg isch zwar nid wirklich nötig aber mit dr richtige Erziehig sött au das nid wirklich e riise Problem si. Zumindest nid i unserem Land. |
| TeRRorBiBerLiDo 6.12.07, 12:55 | das sagi jo.... me ka a me kind alles mögliche zum spiele geh... me sött aber druf luege wie die chind mit dene sache spieled..... |
| Nikita75Do 6.12.07, 13:12 | Jo das mitem Färnsehluege... ich los mi Sohn zB äifach gar käi Färnseh luege... find das au absolut unnötig mit drey Johr. Ha nit dr Ydrugg asem öppis fählt ehner im Gegetäil. Är findet Ritter toll und wäis was e Schwärt isch...är isch au scho mit Ballergrüsch usem Hort ko... i hanem gsäit as me das nur macht wenn me abgmacht het ases gspilt isch... es wird nit uf Persone balleret. Äi- zwäimol isch das vorko und was är denn in dr Hand gha het hanem grad wäg gno. Hanem erklärt as öpper tot isch wenn me ihn erschiesst und asi das nit luschtig find. Jetzt macht är's nüm. Isch irgendwie unintressant worde. |
| YelinaDo 6.12.07, 13:19 | Isch wohl besser, wenn ich so lueg, was hüt so im Fernseh lauft?! Ich mein, wie intelligent cha es Chind wärde, wo immer Sponge Bob luegt...  (Falls ich mit dem irgendöperem uf d'füess tramped bin, isch nid persönlich gmeint, aber ich find die sendig so öpis vo unintgelligent).1 mal bearbeitet, zuletzt Do 6.12.07, 13:21 |
| KevinCarterDo 6.12.07, 13:46 | also ich han als Kind eigentlich nid mit Waffe dörfe Spille, han mer sie aber trodtzdem Kauft, usglehnt oder so. Also ich mein demit dass es nid vill bringt emene Chind das zverbiete, me muess em eifach sage was e Waffe füre bedütig etc. het. Und ich dänk au als chleises Chind realisiersch velicht au nonig das es schade arichte kann etc. also e plastik pistole isch öbbe sgliche wiene plastik auto, i dem alter.. |
| babycakeDo 6.12.07, 13:49 | ich fin dspongebob härzig!!! Psychisch, aber härzig!!! teletubbies sin schlimmer gsi!!! |
| YelinaDo 6.12.07, 13:54 | baby, das isch nid die ernscht? teletubbies und de spongebob stönd uf de gliche stuufe, was d'förderig vo intelligenz agaht¨! |
| babycakeDo 6.12.07, 13:58 | ich ha nur gseit, dass en härzig find!! Ich bi au nid dr meinig, dass kinder wo nonstop spongebob luege genies wärde, wenn si sunsch nüd schlaus mache!!! |
| ButtersDo 6.12.07, 13:59 |  |
| CeikorDo 6.12.07, 19:53 | ich han frühner gärn cowboy gspiilt mit de Revolver in de Hand!!! Bini jetzt en potenzielle Amokläufer? Man die Politiker sind doch sowas vo blöd |
| heimdallSa 8.12.07, 03:43 | jaja, seit deh wose mitgwählt het... |
Als angemeldeter festzeit.ch Member kannst du Themen erstellen und auf Beiträge antworten.
Infos/Hilfe » ©