Festzeit.ch Forum » Politik / Religion » Wenige machen Vieles und Viele machen weniges
| Autor | Beitrag 1 - 15 |
|---|---|
| StinsonMi 16.1.08, 23:08 | ich weiss komischs Dütsch  Zum Problem: Ich bi in x-Verschiedene Ämter Tätig und mach relativ vill (ehreamtlich) für d Gsellschaft. Numme muess ich leider sehr oft miterläbe, das villi wäge irgend em kline schissdräck miesse ko motze und es doch ned rächt finde oder öbbis miesse kaputtmache, was villi ehreamtlich baut händ. Au han ich e Problem, wenn ich für irgendebbis Lüt suech, für e Ehreamtliche Job oder so, Winke die Meisste ab, z.b. "Ha kei Ziit" "HA kei interässe" und näbebii suffe sie sich d Biire voll oder Zogge d Nacht duure... Wie stönd ihr do dezue, bin ich dr einzig wo das eso gseht? |
| DalleMi 16.1.08, 23:12 | isch meischtens eso...dlüt motze IMMER das wird immer eso si..leider isch im Gegezug niemers bereit die arbet dene schlussendlich zmache aber motze chönne sie jo isch mitunter en grund wieso ich so sache ufghört han..isch zwar au chli scheisse aber öppis freiwilig mache wo nocher eh nur alli motze und nit chönne besser mache das fickt eim eifach mit dr ziit ah  |
| röschtiMi 16.1.08, 23:12 | also ich suff mir au biire voll  aber mach viel gmeindnützlichs züg und bi au ehreamtlich tätig... und wenni gse wie die hütig jugend ufwachst sehni das bärgabgo... es liggt au an de eltere... oder ältere kollege... i find das ächt müehsam wenn so zügs kaputt isch etc... aber me cha nid viel mache...  |
| StinsonMi 16.1.08, 23:34 | Ebbe... ich kenn jetzt kuum jungi Lüt wo sich voll in das driiknüündle... Lieber alles mache looh... kunnt halt au e bits vo de erziehig här  |
| röschtiMi 16.1.08, 23:56 | jo si "henge" lieber mit kollege irgendwo oder surfe uf fz, im msn oder so... jungwacht (und pfadi) sin viel z'uncool... |
| Nala1983Mi 16.1.08, 23:58 | stimmt friehner isch das aber mol sehr sehr cool gsi wenn me bi dr Pfadi Jungschii oder so drbi gsi isch..!! |
| StinsonDo 17.1.08, 09:11 | Ich merks hüt no oft, dass wenn me in de Pfadi isch, sind villi, v.a. älteri Mensche beiidruckt  |
| elbenedettoDo 17.1.08, 09:35 | Also ich bin ganz ehrlich, ich habe auch keine Lust ehrenamtlich was zu machen, ich habe mein 42 - 50 Stundenwoche und habe wenn ich frei habe wirklich keine Lust noch mehr zu tun. Wenn es die Zeit und die Lust von MEnschen zulässt dann ist es eine sicherlich anzuerkennende Tätigkeit. |
| StinsonDo 17.1.08, 09:36 | jo, das isch scho klar, aber s git au villi wo vill freiziit hätte |
| pr0xlmusDo 17.1.08, 11:23 | Ihr sehnd jo au wie viel Verein Mitgliedermangel hennd. Niemerd will sich mehr verpflichte. Das isch echt trurig... Irgend einisch stärbe Turnverein resp. Verein allgemein total us. Jetzt isch es no kei Problem mehreri Verein zämme tue damits gnueg Mitglieder het. Aber irgend emol chömme au dört keini Lüt mehr.... Faulheit ist leider ein Laster der heutigen Menschheit. |
| StinsonDo 17.1.08, 11:37 | Merk ich au... Niermerds will ebbis mache, nur alli wänd profitiere |
| finelineDo 17.1.08, 11:40 | Bi sitt 18 Joor in dr Jungschar. Sitt bald 10 Joor als Teamler, sitt gli 7 Joor als Gruppeleiter und jetzt sitt emne Joor als Abtzeiligsleiter. Ehreamtlich, Hobby, Freizytgstaltig. Super sach, sinnvoll iigsetzti zyt. Usserdäm organisiere Events und Partys. E finanztechnischi entschädigung gitts für mi nid. Vo däm här... Ehreamtlich. Wasi im gegezug ha? Super Freizytbeschäftigunge, Verantwortig und vill ganz geili lütt um mi ume. Und wenn öpper zu mir chunnt und seit "Jungschi und Pfadi sind müll" muessi mer nur an kopf länge und dänke "dir hätts au guet do, lueg moll wie de usecho bisch"... 1 mal bearbeitet, zuletzt Do 17.1.08, 11:41 |
| pr0xlmusDo 17.1.08, 12:23 | hehe das stimmt @fineline.... Das sind hald die Obercoole geile Sieche wo mit sonige Sache chömme. "Ey man was willsch mit Turnverein, isch öbbis für Schwuli" I gang lieber in Usgang oder hang mit Kollege dumm umme.... So isch die hütigi Gsellschaft...i freu mi scho für in 10 Johr...würg 1 mal bearbeitet, zuletzt Do 17.1.08, 12:23 |
| TwitchyDo 17.1.08, 12:32 | Ehreamtlichs Engagement oder Miliz isch hützutags eher uncool... Aber spötischtens wenn's e Fescht git, kömme sie alli! |
| timmyDo 17.1.08, 12:33 | Jungwacht Rockt  |
Als angemeldeter festzeit.ch Member kannst du Themen erstellen und auf Beiträge antworten.
Infos/Hilfe » ©