Festzeit.ch Forum » Liebe & Sex » Schweigen, der neue Trend ?
| Autor | Beitrag 1 - 15 |
|---|---|
| SpacecowboyFr 8.2.08, 00:44 | Ich ha mol wölle froge, ob au e paar (oder viel) andere usser mir ufgfalle isch, dass schwiege (egal in wellere Form) e neui Modeerschienig isch ? Mit däm mein ich eifach, dass me vo öpperem wo me persönlich oder au nit persönlich kennt, eifach kei Antwort kriegt. Das cha e diräkts Gspräch si oder au über Telefon, E-Mail oder SMS, git eifach immer Persone wo meine sich "Tod" stelle z müesse. Am schlimmste isches glaub inere Beziehig, wenn e Problem ume isch oder öppis wo me drüber rede sött und d Fründin oder dr Fründ will das nit oder reagiert nit druff. (Bi däm Biespiel schrieb ich us Erfahrig und ich ha kei Bock me uf e Beziehig mit öpperem wo dr eifachsti Wäg vom Widerstand goht.) Es zeigt ame dr Charakter vom Mensch, wenn me ame so Erläbnis het. Naja, Kommunikation isch in dr Gsellschaft langsam zur Mangelware worde, hüt schloht me jo lieber grad dri oder macht sich usem Staub, das löst d Problem viel diräkter und effektiver.  Händ ihr au scho so Erfahrige gmacht ? |
| LiebeIstSchönFr 8.2.08, 00:46 | vilicht will die person eifach nüd mit eim z tue ha und dorum seit die person nüd?!?!?! |
| PinkBabyFr 8.2.08, 00:48 | ich find nit dass das öpis neus isch.. das gits doch sits uns Mensche git.. ich nenn das s Zeiche für "kein interesse".. |
| SpacecowboyFr 8.2.08, 00:53 | Zitat: PinkBaby Das hät ich jetzt nieeemols allei gwüsst! ich find nit dass das öpis neus isch.. das gits doch sits uns Mensche git.. ich nenn das s Zeiche für "kein interesse"..  Jo ha eifach s Gfühl dass es fang mega extrem isch, mir läbe halt inere Ego-Gsellschaft...do isch jede e Star und zuglich si grösste Fan, do hets halt kei Platz für anderi ume. Isch jo mega asträngend, das z schriebe und z sage als nur z dänke  Find so es Verhalte scho drnäbe, mi Meinig zu däm. Aber dr besti isch: Im Gschäftsläbe cha sich niemer so e Verhalte leiste oder nur die wenigste, suscht isch me ziemli schnell wäg vom Fänschter. 3 mal bearbeitet, zuletzt Fr 8.2.08, 00:59 |
| PinkBabyFr 8.2.08, 01:00 | du findsch dasses "zuegnoh" het und ich find dasses scho immer glich blibe isch.. das hani demit welle säge.. |
| YelinaFr 8.2.08, 07:12 | Jede isch sich selber de Nächscht... das Motto hend offebar sehr vill Lüüt und au Fründschafte bedüted hüt immer weniger, will Niid und Missgunscht s'Lebe vo mega villne Lüüt beherrscht.  |
| TiefenweltenFr 8.2.08, 09:54 | Yelina hesch voll recht |
| dänäläFr 8.2.08, 10:07 | Spacecowboy:"Find so es Verhalte scho drnäbe, mi Meinig zu däm. Aber dr besti isch: Im Gschäftsläbe cha sich niemer so e Verhalte leiste oder nur die wenigste, suscht isch me ziemli schnell wäg vom Fänschter" ich find ebbe genau im gschäftsläbe isches no extremer..i mein döt lueg ich au zersch mol für mi und denn für anderi..i lueg dassi mini freizit wo mir zuestoht bechum, klar bliebi ame länger wenns unbedingt nötig isch, aber do gits söttigi die löhn alles mit sich mache, wenn der chef pfifft denn wird grennt...die hän keini eier zum nachem 3.mol nachtschicht schiebe mol z sage sorry aber hüt hani öbbis vor hüt bliebi nid länger..und tschuldigung denn isches mir scheissegal denn gangi nid ahne und sag "hey kum i mach das für di gang du heime!!" vor allem wenns total unnötig isch und die arbet nur sött erledigt wärde damit der chef besser ka schlofe!!und denn hani au kei erbarme wenn genau die denn no meine si mien jommere dass si z viel mien schaffe..d.h. jetz nid dass ich unfründlich bi oder mini arbet nid richtig mach, aber ich ha mini linie und die wird wenn möglich durezoge und do dra het sich der chef bereits grichtet und er weiss genau was er vo mir cha verlange und was nid!! und i find dä gwüssi egoismus bruchts susch bisch eifach der depp vom dienscht...soviel zu minere meinig!! 3 mal bearbeitet, zuletzt Fr 8.2.08, 10:24 |
| MinuvonBattenbergSa 9.2.08, 00:31 | das Problem esch wiit ome verstreut, han chörzlech vonere Bekannte verzellt becho, wie extrem das bischpelswiis in Interlake sig. En (ehemaligi) Kollegin vonere het ehre sogar fadegrad is Gsecht gseit sie müessi veell arroganter wärde. *g* Naja, die Lüüt wo das bruuchet söllets doch, ou wenns för die Läbesfrohere Mönsche mängisch närvig esch ^^ Aber die wo met settigem Verhalte am meischte Schade dervoträge si die Lüüt sälber wo sones Vorgehe praktiziere: denn sie wissen nicht was sie alles in ihrem Leben versäumt haben!! En Kollegin vo mer bereuts höt schwär, dass sie sech früehner ou so extrem igschnappt gä het ond dor das sehr vell verpasst het  Aber sie esch eini vo de wenige woni kenne wos zmend. teilwiis checket het.Metrosexualität esch out, emmer meh *g* |
| JunoSa 9.2.08, 00:39 | ich gseh das au oft eso, dass es lüt git die chöne eifach schwige. aber ich cha das nit, ich cha nit ufem muul hocke und das loh ich mir nit neh. öbs zuegnoh het, weissi nit. zum thema egoistisch: hüt muesch ä egoischt si, wenn du dure cho willsch. ich nimm mir s'rächt, egoistisch z'si, will ich mich sunscht zu sehr uf anderi konzentrier und mich vergiss. |
| BeGreenSa 9.2.08, 00:41 | |
| EvergreenTerraceSa 9.2.08, 00:42 | Haha dr BeGreen folgt jo richtig em Trend |
| nonameSa 9.2.08, 00:43 | scho isch au besser das de schwigt 1 mal bearbeitet, zuletzt Sa 9.2.08, 00:43 |
| heimdallSa 9.2.08, 00:55 | Zitat: BeGreen  |
| BeGreenSa 9.2.08, 01:42 |  |
Als angemeldeter festzeit.ch Member kannst du Themen erstellen und auf Beiträge antworten.
Infos/Hilfe » ©