Festzeit.ch Forum » Politik / Religion » Neutrale Schweiz als Waffenlieferant...
| Autor | Beitrag 1 - 15 |
|---|---|
| MaleschMi 20.2.08, 19:13 | Was haltet ihr vom Waffe-Export vor Schwiiz in anderi Länder? Ich persönlich find, dass dr Export vo Chriegsmaterial jeglicher Art in keiner Wiis mit der Neutralität vor Schwiiz z' veribare isch!!  http://www.nzz.ch/nachrichten/schweiz/ausfuhr_von_kriegsmaterial_stark_gestiegen__1.673269 .html Oder: http://www.20min.ch/tools/suchen/story/12927495 |
| tschugileMi 20.2.08, 19:14 | Weli Neutralität bitte ??? Die isch vor Joore scho dr Bach abe ! |
| MaleschMi 20.2.08, 19:21 | Naja, scho, abr me chönt sich jo wenigschtens chli Müeh geh! Es isch jo nit immer eifach, d Neutralität z bewahre, abr zumindescht i däm Zämmehang wäris sehr eifach... |
| hanauMi 20.2.08, 19:23 | Zitat: tschugile "zieht swisscoy vo ks weg" Weli Neutralität bitte ??? Die isch vor Joore scho dr Bach abe !  |
| PetitJackBauerMi 20.2.08, 19:24 | Zitat: tschugile Uf die beriefe sich aber zahlrichi Politiker me als gnueg...Weli Neutralität bitte ??? Die isch vor Joore scho dr Bach abe ! |
| VillaniMi 20.2.08, 19:25 | Das macht d Schwiz doch sit johre. Wieso au nid? Egal woane und vowo, alli Waffe werde nur für öbis gnützt. Und wenn d Schwiz mol Geld mache cha, sölle sis au mache. Isch jo nid so, dass es nid öbis ganz normals isch. Im endeffekt wird überall so s Militär ufgrüschtet. |
| MMVBlerMi 20.2.08, 19:35 | Wenn "Kriegsmaterial" nid bi eus produziert wird, denn wirds ebe 10km näbedra in Dütschland produziert... (Nachfrage schafft Angebot. So lauft das in dr freie Marktwirtschaft ebe...) D'Wält würdi kei besseri wärde, wenn d'Schwiz kei sogenannts "Kriegsmaterial" meh würd exportiere. Zuedäm sind d'Kontrolle bi eus sehr sträng. (Es cha nid eifach jede e Panzer exportiere! Für das bruchts e Bewilligung.)  Dr Titel vo däm Trade isch mitere Blickschlagziele zvergliche... |
| MaleschMi 20.2.08, 20:34 | @MMVBler: Natürlich isch dr Titel mitere Blickschlagziile z vergliche, susch liests jo niemer Abr das spielt jo eigentlich kei Rolle.. meintiS Argumänt "Alli rundum maches au, wieso sölle mir das ned au mache.." isch es biz zu eifach und ebe genau die falsch Istellig! Nur wills alli andere rundum au mache, muesses erschtens ned richtig si und zweitens uf kei Fall denn au eifach nochgmacht wärde. Wenn öpis vo allne gmacht wird, legitimiert das no lang ned, das denn au zmache. Was isch denn das füres Argument?! Und jo: Leider isches ganz normal (d Waffe-Industri), und das isch au s Trurige an dere ganze Gschicht! Mir isch au klar, dass dr Wältfriede ned usbricht, wenn d Schwiz kei Waffe würdi exportiere (!), abr um das gohts jo au ned. Es goht ums PRINZIP!! Und d Schwiiz isch nun mal us Prinzip (eigentlich, hust hust) neutral. Sowieso find ichs absolut beschisse, wenn jeglichi Prinzipie mitem Argumänt vor freie Marktwirtschaft und ebe mitem Satz "die andere maches jo au" über Bord gworfe wärde!! Und dä Satz chame no bi ganz vyl andere Sache awände! |
| AläääMi 20.2.08, 20:48 | das mim waffe verkaufe isch jo nur ei aspäkt, mein do kame sich no drüber stritte ob mr uns do nuem neutral verhalte aber dr hammer isch eifach s Armee-Aufklärungsdetachement 10. tönt neutral, ischs aber nit. die einheit isch speziel für uslandsisetz gmacht worde... Edit: für die wos intressiert, do isch no dr link zu däm absolut hirnrissige unternähme: http://www.he.admin.ch/internet/heer/de/home/themen/grenkdo1/aad.html 1 mal bearbeitet, zuletzt Mi 20.2.08, 20:58 |
| heimdallMi 20.2.08, 21:15 | boah, läse isch scho hüere schwer...  Einsatz und Auftrag Das Armee-Aufklärungsdetachement 10 (AAD 10) ist eine Berufsformation der Schweizer Armee, welche im Rahmen der Armeeaufträge folgende Aufgaben wahrnehmen kann: Friedensförderung: Beschaffung von Schlüsselnachrichten (risk assessment); Schutz von Truppen und Personen (force protection). Subsidiäre Einsätze im Ausland: Beschaffung von Schlüsselnachrichten; Rettung und Rückführung von Schweizer Bürgern aus Krisengebieten; Schutz von Personen und Einrichtungen bei erhöhter Gefährdung. Raumsicherung und Verteidigung: Beschaffung von Schlüsselnachrichten; Suche und Rettung im Kampf; Offensive Aktionen. |
| MMVBlerMi 20.2.08, 21:16 | @Malesch: Schön, dass du an e heili Wält glaubsch. Aber das isch si nid... Nur nomol zum mini Wort zverwände: Wenn mirs nid produziere, produzierts e andere uf derä Wält. Das chasch mit keim glaubhafte Argument bestritte! (Das isch nid zverwächsle mit "diä andere maches jo au"!) Bi eus findet wenigschtens im Verglich mit andere Staate no e Kontrolle statt, wo diä Sache anegönge. Es verletzt minere Asicht noche au d'Neutralität nid. Schlussentlich cha jo fascht jede Staat bi eus cho poschte. (Diä wo nid in Frog chöme, wärde ebe us ethische Gründ nid beliefered...) S'AAD isch für alli diä Persone nützlich, wo im Usland plötzlich in ä unagnähmi Situation chöme. Für das isch e rasch isatzbereite, chleini, professionelli Truppe wie s'AAD genau s'Richtige. Isätz mit Kampfuftrag vom AAD im Usland passiere nid eifach so, sondern sin politisch absägnet. S'AAD chönnt z. Bsp. au zur Evakuation von Botschafte igsetzt wärde. Es si aber au Ufträg im Inland dänkbar. Was si alles ganz genau mache, isch nid bekannt. (So wie d'Spezialeinheite vo dr Polizei chöne si us taktische Gründ au nid alli Details zu dä Ufträg bekannt geh...) |
| AläääMi 20.2.08, 21:26 | Zitat: MMVBler sone quatsch, in vergangeheit sin söttigi problem ufem diplomatische wäg glöst worde, und wenn d schwitz wie bishär als humanitäre staat wahrgnoh wird git uns das meh sicherheit als 100 rambos... S'AAD chönnt z. Bsp. au zur Evakuation von Botschafte igsetzt wärde. Edit: und Heimdall, messi für dä unnötigi comment...glaub s isch jede sälber fähig ufe link z klicke und das z läse 2 mal bearbeitet, zuletzt Mi 20.2.08, 21:29 |
| heimdallMi 20.2.08, 21:29 | und wenn d diplomatie nümme funktioniert? de muesch halt mit dene 100 rambos ihne und dini lüüt usehole...  |
| AläääMi 20.2.08, 21:38 | ich hoff eifach das d mehrzahl vode schwitzer nit uf dä schwachsinn drifalle, well suscht ischs ächt verbie mit dr neutralität... dr woori grund für die einheit isch zimli sicher "Beschaffung von Schlüsselnachrichten" und alles andere stoht döt damit Mensche wie du dänke dases e tolli sach isch und viel bringt... |
| MaleschDo 21.2.08, 17:32 | @MMVBler Dass es kei heili Wält git, muesch mr im Fall ned verzelle, das weiss ich sälber guet gnueg, das chasch mr glaube! Und dis Argumänt, dass d Waffe denn halt im Usland produziert wärde, hani im Fall au nie im gringschte bezwieflet no dementiert (das isch natürlich eso!! weiss ich sälber au). Dorum hani jo gschriebe: D Wält wird ned e besseri, wenn d Schwyz nüm Chriegsmaterial exportiert. Drum schrieb ich gärn nomol MIS Argumänt zu dere Sach: Es goht do ned um Wältverbesserig, sondern um PRINZIPIE!!! Dass d Schwyz neutral (gsi isch), nützt dr Wält genau so wenig, abr es isch e Ideologie / Prinzip dehinter. Und ich find, me sott das Prinzip ned nur eifach eso ir Verfassig ha für schön, sondern au usüebe!! I hoff, min Standpunkt hani dismol verständlich gnueg überebrocht... Ajo: Und natürlich isch Kriegsmaterial-Export ned neutral!! Unneutral isch scho nur, dass ned alli Länder chönne / dörfe chaufe. Und nur dasses klar isch: Ich will demit ned sage, dass dr Verkauf vo Militarias an alli Länder dämfall neutral wäri.. |
Als angemeldeter festzeit.ch Member kannst du Themen erstellen und auf Beiträge antworten.
Infos/Hilfe » ©