Festzeit.ch Forum » Autos » Autounfall! Was isch dir scho passiert und wieso?
| Autor | Beitrag 1 - 15 |
|---|---|
| MäduSa 5.4.08, 16:48 | In Basel isch e ältere Maa falsch in dEinbahn gfahre. Ich bi nett und wart extra wit hinte bim Stopp dasser Retour cha fahre. Den goter voll ufs Gas und luegt nit retour und ich fang afo Hupe, aber er hets nit gmerkt und ischmer voll vorne ine gfahre! Den hani no angst ka er hets nit gmerkt und bi schreiend zum Auto führe gsprunge  , den ischer aber grad use cho und het sich entschuldigt. Hämer dr Schien usgfüllt und den hani mi Charre zum Mech brocht, het e neui Motorhupi, links e neus Liecht und e neui Frontstange geh. Es hät schlimmer chönte sie, es isch e Offroad gsie und het mitem Ersatzrad alles idruckt. Schiens ischer in Gedanke gsie, er isch grad vom Spital cho wo dFrau isch und dört isch use cho dassi immer e falschi Therapie gmacht hei  lol |
| ElLoco85Sa 5.4.08, 18:45 | hmm usser paar parkrämpler nur 1 unfall ich fahr uf e greissel zue, spur rechts i wil i 2ti use wot. fahr ihne und dos fürobeverkehr het hets halt recht viel autos ka... nebe mir isch au EINI gsi, natürlich e elsässer. ich ha welle 2ti use aber genau i dem moment kunt die vo links und ohni blinke oder luege krüzt si de ganz kreisel und gohta au dert use (eigentlich het si erst 3ti derfe, wil si jo links nebe mir i gspurt het) naja, ich den ufjedefall voll uf d glötz, has grad no gschafft das si mi nit streift, aber im gliche moment isch au scho hinde ein in mir ine... ebefals en elsässer, naja, den halt bulle gholtt etc... sach isch klar gsi, er hets au igseh.. und so ischs k das ich e neui stosstange biko und er (BMW) neui hube, küehler, radufhängig, schinwerfer und no paar sache... hehe janu |
| OutrageSa 5.4.08, 23:08 | i ha scho 2 crash erläbt ein mit mim eigene uf dr autobahn uffahrt in sissach bini mim kolleg voll hinde ihne brätscht, min total schade sine 13000 stei schade... und eimol mitem kolleg sim im auto ich bi bifahrer gsi, im oristal vo liestel richtig büre in neu nuglar mitte im dorf schnäll böschig uf mitemä überschlag ufem dach glande und no öbe 50 meter witer grutscht. mir sind vill zschnäll cho dört und hei abartig schwein kha das nur dr chare zämmegschlage het und uns nid... |
| NeptunMo 7.4.08, 13:32 | uffahr-unfall in allschwil. ich han aghalte vor dr kolonne bim tramkreisel im dorf. die hinde dra halt nid. mit 50 sache dri totalschade und e liechts schleudertrauma |
| HazadusMo 7.4.08, 13:36 | wär no interessant wenner jewiels d köschte agäh könnet |
| TokeeMo 7.4.08, 13:44 | i 3 fahrstd. fahrlehrer neus auto. Ampele isch uf rot, het huere in ample bländet kah sehr schwer zum erkenne, hinter mir ä alte mah sehts rot nid und knallt hinde dri. zum glück nur d stossstange unds nummerschild am arsch gsi  |
| KoenigAdrianDi 8.4.08, 13:02 | Ich ha erscht 1 undfall erläbt döt bin i noh 4 johr alt gse. Mir sind mit unserem auto in e anderes ihne und danach isch noh e andere uf uns druf. Ich bi mit eme "Schleudertrauma" ins spital ko.  Zum glück nüt broche  |
| Brise86Di 8.4.08, 13:13 | http://www.festzeit.ch/forum.php?show=thread&id=8951&page=1 |
| jossifDi 8.4.08, 13:18 | ha nonie öbbis gha... jäjääää, das gits au!!!  |
| MuchomuchachoMo 21.4.08, 16:09 | inere hügelige kurve, vorderi bodehaftig verlore, zerscht rechts ufe bordstein, nach links verzoge, mit em linke kotflügel, reife achse an dr leitplanke entlang gschlideret bis ind mitti vomene tunnel. Auto totalschade, bifahrer und ich unverletzt. kommentar vom bifahrer: " wie putschauteli fahre, he he" OPEL ASCONA 1.8 SPRINT R.I.P |
| MäduDi 17.2.09, 20:21 | Mei hütte isch öbis los gsie! Zwüsche Basel und Frick um ca. 5.30 Uhr, Autobahn vollkomme wiss und no nüt grumt, e Auto überholtmi bidr Baustell und wot vo links vor mi dure zudr Usfahrt Eiken, de trottel fahrt bi dem Wetter voll vor mi Lastwage (mit Ahänger) und chunt is Schleudere, hin und her, ha grad no so halb chöne abbremse und dene ischer am schluss retour is Bord use grutscht und ich grad nebe ihm dure... Dene hani schüst no viel Unfall gseh, zDavos obe isch e Auto o quer gstande ine Leitplanke ine, bi Lichtestei e Uflieger LKW quer ufdr Autobahn am hin und her rutsche, e Autoahänger vo eim ufdr Gegefahrspursite umerutscht etc. Frogmi ame scho, bi dene Strosseverhältnis fahrtme vorsichtig und wenns rutschig isch machtme Ketti dra! |
| D0paminDi 17.2.09, 20:38 | mir sind hüt z frick uf autobahn öpe 7.30 und naja würkli grumt isch den au nonig gsi..den vorem bözberg tunnel plötzlich platsch und die gaanz frontschiebe wiis.. |
| MäduDi 17.2.09, 20:49 | Scho wahnsinnig wieviel Schnee abe cho isch, ha kette mol dra gloh und bi jetzt bidr Raststät Rheintal, sin grad nomol Schnee cho schnütze, debi ischs mehr oder weniger nur no nass do unte Abr de zEike het schön id Hose gschisse, het sicher gmeint ich nimmen mit, ha den bim bremse selber angst ka dassi no ein im füdle ha  Isch sone silbrige Peugeot 206 gsie... |
| dominiicDi 17.2.09, 20:50 | hmm mir hend mol e unfall gha in basel.. bi dört öpe 14 gsi.. mir sind gfahre und rechts nebe eus isch grad e lastwage gsii und plötzlich ischer halt links abboge willer uns nit gseh het. mir sind denn untere ahänger cho.. verletzt worde isch zum glück niemer |
| MäduDi 17.2.09, 20:53 | Zitat: NextWay hmm mir hend mol e unfall gha in basel.. bi dört öpe 14 gsi.. mir sind gfahre und rechts nebe eus isch grad e lastwage gsii und plötzlich ischer halt links abboge willer uns nit gseh het. mir sind denn untere ahänger cho.. verletzt worde isch zum glück niemer  woww das isch krass, sicher e Uslangfahrer gsie, die bschisse meistens mite ruhezyt und sind z.T. 24 h unterwegs!!! |
Als angemeldeter festzeit.ch Member kannst du Themen erstellen und auf Beiträge antworten.
Infos/Hilfe » ©