Festzeit.ch Forum » Politik / Religion » Guantanamo
| Autor | Beitrag 1 - 15 |
|---|---|
| finelineMi 30.4.08, 09:35 | Dass das wo in Guantanamo abgoot nid suuber isch hani scho lang gwüsst. Aber geschtert hani e Dokumentation uff N-TV gse, wo si Guantanamo mit freiwillige nochegstellt händ. Und zwar so realistisch wie möglich. D.h. D'Probande händ alles über sich müesse lo ergo lo. Die meiste vo de Probande sind aafänglich für die amerikanische verhörmethode gsi. Ich list euch moll uff, was ich gescht alles in dere Dokumentation gse ha. Eifach für die wos interessiert. Ich dängg es isch no rächt wichtig, dass me sich e chli im klare isch, was die sich dört erlaube, was si alles mache zum de Wille vo de Gfangene zbräche, damit si alles stönd, au das wo si gar nie gmacht händ. - Zälle ca 3 uff 2 Meter gross, wie Hamsterkäfig anenandergreiht. Inhalt: Bett, Kessel für väkalie, Decki und Koran. - Schlofentzug vo dr UN verbotte. Jedoch vom Rumsfeld so relativiert, dass die Gfangene jederzyt zum Bett ussghohlt wärde chönne. Oder während em schlofe mit Schiinbwärferliecht belüüchtet wärde. - Folter durch Extremtemterature isch au verbotte. Jedoch mache sis eifach so, dass si dä sahl mit de Käfig uff 6 Grad abeküehle. Durchgehend. Die Gfangene händ ussschliesslich ihre overall aa. Schunsch gar nütt. - Zämmefessle vo Händ und Füess mit Kabelbinder füert zu minimaler Bewegigsfreiheit. Die Gfangene sitze Stunde bis Tage näbe ihrer Bett unter dene Umständ. - Nahrig: Ussschliesslich Trockenahrig uss Büttel, muess mit gfesslete Händ und füess zue sich gno wärde. - Wird e mahlzyt verpasst wäge emne verhör oder so, denn isch das gliich. Gitts halt nütt. - Körperlichi Folter: Me losst die gfangene in de müehsamste Positione verharre. Das verursacht unglaubliche schmärz ohni üsserlichi folge. Z.b. Händ über stunde in dr Luft bhalte, uff e buuch ligge und d'bei uffehebe, uff e rugge lige und in dr rumpfbäugeposition verharre. vo dr UN ebefalls verbotte. aber dr Rumsfeld findet das guet. - Die Gfangene wärde in e Ruum brocht, d'auge verbunde und e kopfhörer uffgsetzt und gfesslet. denn müend si stundelang e sogenannts "weisses rauschen" in voller luttstärki lose. So öppis wie e funkgrät wo kei richtige empfang hett. Verursacht Wahnvorstellige und Verluscht vo allne Gfühl und koordination. Verstärkt wird das no, durch das de Gfangeni mit kalter luft ablose wird. Vo dr UN au verbotte. Wird trotzdäm duuregfüert. Mit freundlicher Unterstützung vom herr Rumsfeld. - Nach däm prozedere händ si alli Koordinationsgfühl verlore. D'kopfhörer wärde nach 2 bis über 24 stund abgno und denn wärde si vo mehrere "verhörer" gliichzittig mit froge bombardiert. Natürlich isch de gfangeni denn nümm fähig nur ei klare gedanke zfasse. - Demüetigung: D'Gänfer konvention schriibt vor, dass sälbst e gfangene sine religiöse pflichte darf nochecho. Bi de moslems ghörts zum bispil dezue, dass me sich mit wasser wäscht vor em gebätt. Si maches eifach so, dass si de gfangene wasser zur verfiegig stelle, wo kurz vor em gfrierpunkt isch. - Vor allem in dr Zyt vom Ramadan, wo de Moslems die Körperlichi Nöchi zu Fraue eigendlich unterseit isch hole si prostituierti ins Gfängnis und die wärde uff die Gfangene aagsetzt. Oder si wärde sogar vo männer an intime Stelle berüert. - Jede wo verhört wird hett s'rächt sich z'enthalte bis är weiss vo wäm är uss welem grund ussgfroggt wird. Aber die Informatione wärde de Gfangene uss Prinzip nid usegä. - Zum Uriniere wird de Gfangeni anegstellt mit dr awisig är söll jetzt uriniere... ohni si overall abzieh. - Zur üsserste Demüetigung ghört, wenn sich eine muess usszieh, resp. Nackt zeige vor allne gfangene. Will sich das mit em Muslimische Glaube nid veriibare losst. Regelmässig wärde Gfangeni zu däm zwunge (--> das isch denn au de Punkt gsi, wo de einti freiwilligi Proband ussgstiige isch, so iischnidend isch das) - Natürlich ghört die pauselosi verbali Demüetigung au dezue. Das Experimänt isch 48 Stund lang gange. 4 vo 8 Probande händs duurezoge. 4 Händ miesse vorzittig uffhöre. Und... Es hett sich bi däm Experimänt um e abgschwächti variante ghandlet. Mir isch fascht schlächt worde woni das gse ha. Und s'truurige isch, dass es legitim isch vo dr Amerikanische regierig! Si befürworte was dört inne abgoot. Ofiziell, obwohl jede einzelne vorgang dört inne gege d'Gänfer konvention und Menscherächt verstosst. Naja, ich chönne jetzt no ewigs witterschriibe, weiss au nid öbs öppis brocht hett, dass ich das gschriibe ha. aber ha irgendwie s'gfühl gha, ich muess jetzt das loswärde. |
| SubsonicParkMi 30.4.08, 09:40 | jooo ich het e frog, aso ich ha null ahnig zu dem thema muessi zuegeh.. aber vo wo sin die infos denn wie öper gfolteret wird? aso jo, das sis hen chöne nochestelle? wird jo nit öffentlich bekannt geh nimmi ah= |
| proiureMi 30.4.08, 09:46 | s isch scho e schand was die derzitigi US administration mit de amerikanische wärt in 7 joor agstellt het! i hoff dr nögscht präsident (John McCain ) schliesst das lager endlig.terrorischte oder verdächtigi schnappe isch guet und rächt aber sobald meh die eigene wärt und prinzipie ufgit zum die sieche z bekoh, hän die jo gwunne! |
| finelineMi 30.4.08, 09:47 | Die Informatione chömme grösteteils vo ehemalige Guantanamo Häftling wo unter anderem au Aaklag erhobe händ. Andersitts wird jo au vill über Foltermethode im Senat diskutiert. Das zügs isch jo alles offiziell zueglo und vom Rumsfeld unterschriibe. vo däm här gitts au schriftlichi Dokumänt. Es gitt au ehemaligi aagstellti in Guantanamo wo ihri Gständnis abgleggt händ. Usserdäm sind jo au immer widr Filmfätze zfinde. |
| SubsonicParkMi 30.4.08, 09:49 | aso heisst: si chönte eigentlich efach irgendein, wo vilicht wie en terrorist überechunt, wo aber rein gar nüt gmacht het, dört isperre und foltere? ohni ihm zsäge was abgoht? |
| finelineMi 30.4.08, 09:51 | Jo genau das isch jo das wo dört reihewiis passiert. chunnt eine schräg übere chönnt är dörte lande. Schluss ändlich mache si en so fertig, bis är irgend öppis gestoot wo är niemolls gmacht hett. die propande im experimänt händ sich sälber überleggt nach nid moll 48 stunde, dene irgendöppis z'verzelle wo d'wärter chönnt zfriide stelle, nur damit si e bitzli friide händ. |
| SubsonicParkMi 30.4.08, 09:52 | omg...  wie sind denn die druf.. scheisse hei... |
| ArkinaMi 30.4.08, 09:54 | Zitat: proiure pah die Repuplikaner sind alli glich, wenn dr John McCain Presidänt wird, wird sich genau gar nüd ändere.... John McCain |
| finelineMi 30.4.08, 09:55 | Zitat: Arkina Wär himmel truurig, wenn dä and macht cho würdi.Zitat: proiure pah die Repuplikaner sind alli glich, wenn dr John McCain Presidänt wird, wird sich genau gar nüd ändere.... John McCain |
| ArkinaMi 30.4.08, 09:56 | Zitat: fineline es wird aber so cho, e schwarze, wo de amis sowieso gege dr strich goht, oder e frau, wo viel uff lüege uffbaut, gwünnt nid gege dä Wär himmel truurig, wenn dä and macht cho würdi.  |
| finelineMi 30.4.08, 10:00 | Zitat: Promö PS: Wikipedia:aso heisst: si chönte eigentlich efach irgendein, wo vilicht wie en terrorist überechunt, wo aber rein gar nüt gmacht het, dört isperre und foltere? ohni ihm zsäge was abgoht? Das Internationale Komitee vom Roten Kreuz (IKRK), die einzige humanitäre Organisation, welche befugt ist, das Lager regelmäßig aufzusuchen, hat nach Berichten der New York Times bereits im Juli 2004 in einem vertraulichen Bericht an die US-Regierung die angewandten Verhörmethoden als Folter bezeichnet und die Haftbedingungen scharf kritisiert. Auch in wiederholten Medienberichten ist von Folter und unmenschlicher Behandlung die Rede [2]. |
| proiureMi 30.4.08, 10:01 | dr john mccain isch integer! im gegesatz zu dr hillary isch er nit sone lüegebolze und dr obama isch efach zu unerfahre usserdem sins die republikanische wärt wo das land vorwärts brocht hän (machet nit dr fähler und stellet republikaner=bush gliich  ) |
| TexanDudeMi 30.4.08, 10:03 |  McCain isch dr besti Kanditat... Erfahre, integer, konsequent und offe au mit de Demokrate zrede und anderi Meinig und Idee azlose und izbezieh... sini Haltig bi dr Iwanderig isch e Bispiel drfür |
| ArkinaMi 30.4.08, 10:08 | mir wärdes seh wenn dr McCain gwählt wird wie sich das entwickelt und wie är sich beiflusse losst, und schliesslich het jo no öbis uffzruume, die ganzi irakgschicht wo em dr Bush (cha mr nid vorstelle das dä erfahre isch, glaub Vitamin B vo Daddy het en vor allem dött führe brocht) fründlicherwies überlost. Naja schlussändlich gohts do jo um Guantanamo, wo dr Rumsfeld sini finger din ka het, dä isch jo jetzt au wäg... weiss gar nid welles als dr neui isch an uff sim poste ( verteidigungsminister oder?) |
| proiureMi 30.4.08, 10:08 | Zitat: Reaganomics God Bless America McCain isch dr besti Kanditat... Erfahre, integer, konsequent und offe au mit de Demokrate zrede und anderi Meinig und Idee azlose und izbezieh... sini Haltig bi dr Iwanderig isch e Bispiel drfür  |
Als angemeldeter festzeit.ch Member kannst du Themen erstellen und auf Beiträge antworten.
Infos/Hilfe » ©