Festzeit.ch Forum » Politik / Religion » Gedankenmanipulation durch ELF-Wellen/HAARP-Projekt
| Autor | Beitrag 46 - 60 |
|---|---|
| BlackHatDi 13.5.08, 22:25 | und wie sölle die ELF-Welle bitteschön ins Hirn cho? s Hirn isch über nervebahne verbunde und het kei antenne gege usse! die strahle gönge efach durch uns dure, do passiert nüt! oder chasch du öppe d leitige in dr wand bestrahle um d frequenz vo dr phase z ändere?  |
| SplinterDi 13.5.08, 22:30 | ich empfihl iDoser fallst mol wilsch wüsse was so Frequenze chöne arichte xD http://www.i-doser.com/ EDIT: Nei ich zahl nid für de Schissdreck  2 mal bearbeitet, zuletzt Di 13.5.08, 22:31 |
| BlackHatDi 13.5.08, 22:38 | i doser isch e psychologisches spili mit tön, wo eidütig hörbar sin, oder nit? 1. sind das tön, mechanischi energie will luftschwingige 2. im hirn isch aber elektrischi energie unterwegs! |
| MöhreDi 13.5.08, 22:44 | so, nach kurzer recherche: usem faq vodr HAARP-homepage: How strong are the ELF signals generated using HAARP? Under optimum conditions, signals generated using ionospheric interaction techniques may be measured in the tens of pT range and tend to be strongest at frequencies around 2 kHz. die ELF- welle hän also e stärki im berich vo picotesla jetzt gits in dr erdatmosphäre e phänomen wo sich Schumann-resonanz nennt. das sin stehendi elektromagn. welle wo rund umd erde umegöhn. die welle hän e frequenz vo 7-8 Hz (also genau in däm gehirnberich) und hän e stärki wo ebefalls im picotesla-berich ligt. wenn das HAARP-projekt jetzt unseri gedanke sött beiflusse, denn müessti die Schumann-resonanz genau sgliche mache. sowit mir bekannt isch, isch das aber nit dr fall, sunsch würde jo immer alli sgliche dänke. i hoff i ha mi klar gnueg usdruckt. |
| BlackHatDi 13.5.08, 22:46 | unseri hirn explodiere demnächst? |
| KingNothingDi 13.5.08, 22:49 | dr Chuck Norris wird uns scho rette |
| SirJeansMi 14.5.08, 19:20 | Jou, also, das mit dere Schumann-Resonanz isch jo scho mol käis schlächts Argumänt, nur... ELF-Wälle eläi länge logischerwiis nid, um es Ghirn zmanipuliere, oder was sötte den das für Gedanke si?? Nee, also ELF-Wälle müen zersch mit Informatione belade wärde, is ja klar... Und was ich vo Wikipedia halt... 'räusper', bis jetzt hanich nixx gfunde, wo irgendöbbis mit de Wohrheit zdue het, lit vilicht au a mir, aber was 9/11, Nikola Tesla, Vikotor Schauberger(!!!), UFOs, Montauk-Projekt, HAARP (die schnure doch tatsächlich vo "untersuechig vo de Atmosphäre"  ), Verschwörigstheorie(!!!) etc... das isch SCHRECKLICH, was die fürn kak schriibe!! de artikel vo "Freie Energie" hän si sogar glöscht!!! Aber i will jo nid säge, das ganz alles falsch isch, also chönts jo durchus sii, das meh bis jetzt nur 10Bit/Minute chan verschicke. Chan jo guet sii, aaber: 1. wer will denn ganzi büecher verschicke?? es längt wenn du immer die gliche paar Wörter schicksch, so schtark, dass de betroffeni dem nid chan uswiiche. Und das mit de Schtärki isch sicher ohni Problem mit eme regler zlöse 2. Früener het me meterlangi PCs gha mit Speicher im MB-Bereich... was het me hüt? e gazi Million meh  wer will sich denn also do druf feschtlege, dass das mit de Dategrössi nümme ztoppe isch? PS: das wär jo schomol no e halbi erklärig, wiso, dass meh ELF-Technologie nid öfter im Chrieg isetzt, obwohl i das nid als hauptgrund gseh. 3. Wie scho xäit, das mit de Date verschicke isch mol nur äin chliine täil vom ganze. wie de Tesla sälber unter Bewiis gschtellt het, het jede Gegeschtand sini äigeni Frequänz. Er het au usegfunde, dases nid schweer isch, de Gegeschtand zum vibriere zbringe, wasi glaub scho erklärt han. Das klingt jo wohl weniger unrealistisch, als das mit de Gedankemanipulation... in dem Fall wärs aber äifach es künschtlichs àrdbebe oder e Sandschturm, Tsunami, etc zerzüüge! Erscht grad hüt isch en Artikel in de News gsi (http://www.news.ch/Offiziell+15+000+Tote+Tausende+verschuettet/309036/detail.htm?skq=Chin a), wo gschtande isch, dass es e meega fetts àrdbeebe geh het - und zwar direkt uf China. Chan läider käi Theorie mit Bewiis anelege, aber wies scho in verschidene Fäll de Fall gsi isch, chöme vili "Unfäll" grad rächtzitig zu Gunschte vo de Politische lag... Ich hoff mol, das jede mindeschtens äine vo unändliche bewiis geges 9/11-Attentat mitkriegt het!? Und das sind würkli feschti Bewiis! De Bush het aber immerno zur Vertäidigung behauptet, das sig e gemäini Aschuldigung (isch rot worde) und het gsäit, meh söl uf käi fall ufd verschwörigstheoretiker lose, wil die nur wän die rächte Atetäter befreie oder so  Ok, das het nüd mit ELF-Wälle zdue, aber es isch en klare Bewiis, das es ächti Verschwörige git und dass sogenannti "Verschwörigstheoretiker" zu Unrächt uf die link oder au die rächt Site gheit wärde  Wer behauptet, Verschwörigstheoretiker sind Fantaschte, het vilicht uf die äint Sitte Rächt, wil die sich echli meh Gedanke drüber mache, öb das würklich schtimmt, wo uns d regierig wider vormacht und sich nid graad druf verlönd, dass die nur d Wohrheit säge, wil si jo sowiso immer so luschtigi witzli risse und so fründlich lache, wies de George macht(!!), uf die anderi Sitte isches total falsch, wenn meh glaubt, dass meh nur in de Bupertät an so Sache glaubt! Oke, meh wäis denn noni so viil - das gibi au gärn zue - und es schtimmt denn vilicht au nic gaanz alles, was meh läst, aber die richtige Verschwörigstheoretiker sind LÄNGSCHT us de Pubertät!! Wer no nie de Name Alex Jones ghört het, söt sich dringendscht mol informiere, was de verzellt, will das isch wohl de bekanntischt amerikanischi "Verschwörigstheoretiker" wo au handfeschti Fakte uf lager het, für das woner verzellt. Und nur zum klar mache: sis Publikum beschtoht hauptsächlich us Lüt im mittlere Alter Also chan ich nur säge, 16jährigi wo sich mit Verschwörigstheorie befasse, wärde nur ignoriert, wil meh glaubt, das si in ihrem Alter eh nur schäiss verzelle und jetzt no en vierte Punkt zrug zum HAARP: 4. Wikipedia behauptet also folgendes: Das HAARP (High Frequency Active Auroral Research Program, auch High Frequency Active Auroral Research Project) ist ein US-amerikanisches ziviles und militärisches Forschungsprogramm, bei dem hochfrequente elektromagnetische Wellen zur Untersuchung der oberen Atmosphäre (insbesondere Ionosphäre) eingesetzt werden. Weitere Forschungsziele sind Erkenntnisse auf den Gebieten der Funkwellenausbreitung, Kommunikation und Navigation. Betrieben wird die abgelegene Anlage nordöstlich von Gakona in Alaska von der University of Alaska, der US Air Force und der US Navy. Insgesamt waren 14 Universitäten an der Planung der Anlage beteiligt. Isch doch lächerlich! Uf jede Fall chönt ihr jetzt nümme widerschpräche, dass do no öbbis fehlt, oder? Was isch mit dene 10 Bit? Forscht meh jetzt demit, oder nit? Isch das nid echli... komisch, das meh sone fetti Aalag zum untersueche vo de Atmosphäre baut? so abschide zmizt im Wald? Die Alag isch vor 15 Johr ufbaut worde und meh behauptet nüd witers demit zmache, obwohl meh chum cha widerschtoh, mol e paar ELF-wälle für "anderi Zwäck" zbenutze? Tatsächlich isch doch au uf wikipedia beschribe, dass es im momänt nur 3 ELF-sänder git, d frog isch, ob do sone grössi wie de vo Alaska drunterchunt!?Witer schribt den de Editor vo Wikipedia im HAARP-Artikel folgendes(  ):Einige Verschwörungstheoretiker sehen Zusammenhänge zwischen dem Betrieb der HAARP-Anlage und weltweit stattfindenden Naturkatastrophen wie Überschwemmungen, Stromausfällen und Vulkanausbrüchen, manchmal wird auch Gedankenmanipulation mittels ELF-Wellen unterstellt. Buhuuuuuu Sind die gemäin, die böse Verschwörigstheoretiker Also, es isch doch offesichtlich, dass Wikipedia e versüchti Enzyklopädie isch! Wiso söt meh denn suscht sötigi Sache schriibe, wo nid emol die halbi Wohrheit isch? Ich finds lächerlich und billig und erbärmlich, so gege Verschwörigstheorie zkämpfe  In der Hoffnung, dass Sie wohlauf sind! |
| WasiliMi 14.5.08, 20:28 | Verschwörigstheorie sinn genial. Für gwöhnlich in sich abgschlosse, und me het als Gegner Null Chance, dr Theoretiker vo sinnere eigene Mainig z' überzüüge. Äntwäder ghört me denne automatisch zu IHNE, isch sowieso drgege und, und, und. Übrigens stöhn Verschwörigstheorie au in dr Wikipedia dinne, bi dr Mondlandigsverschwörig wird zum Bischbiil uff jedes Argumänt vo de Verschwörer igange und widerlegt. Und wieso du dy "Woorhet" nyt findsch, liegt wohl dodra, dass es kei Woorheit isch oder nyt als solchi anerkennt worde isch... Übrigens isch d' Bielefeld-Verschwörig e gueti Satire uff die in sich abgschlosseni Argumentationsstruktur vo so Verschwörigstheorie  http://de.wikipedia.org/wiki/Bielefeld-Verschw%C3%B6rung Bielefeld? Gits nyt! Ebeso z' Empfähle isch s' Rosarote, unsichtbare Einhorn. PS: IceCAT liegt im Norde vo Europa und isch leischtigsfähiger als d' Amerikanische HAARP. D' Russe hän au e alag, wo aber schwächer isch. Komisch, dass nur de böse, böse Amerikaner zuetraut wird, die Alaage z' missbruche... |
| SirJeansMi 14.5.08, 21:44 | Tja, wider mol typisch Anti-Verschwörig, hesch au gwüsst, dass d Russe und d Nordeuropäer beschlosse hän, dass 1+1 jetzt nümme 2 git, wil das nämlich die ganz Mathematik scho würd lächerlich mache, wils zäifach wär, also hän si gsäit es git 23,5% vo x_2*78_10_2:5! |
| WasiliMi 14.5.08, 21:56 | Klar. Und Pi isch per Definition 4. Stoot schliesslich in dr Bible. |
| BlackHatMi 14.5.08, 22:06 | ei grundlegendi frog isch aber immer noni beantwortet: wie chöme die information in d nervebahne? klar chame mit dr resonanzfrequenz öpis zum schwinge bringe oder sogar ganzi brugge zerstöre (s git do sone schuelbispil vo resonanz, e brugg wo vom wind in schwingig versetzt wird und sich zerleit), aber bevor die usgstrahlte informatione nutzbar werde, müesse sie in d nervebahne grote! aso i ha kei antenne am hinterchopf... (wo bi so niedrige frequenze bis zu mehrer hundert meter lang si müesst, so mol btw) die böse ELF welle werde übrigens zur U-Boot komunikation igsetzt, will die als einzigi "tief" ins wasser idringe chöne. D U-Boot ziehn e sehr langi Antenne hinter sich her und lose die Frequenze ab. wenn ihres Kennzeiche chunt, tauche sie uf und hole mit dr satelliteschüssle d informatione vo satellite oder stelle e anderswitig funkverbindig her. und wie bitte willsch so bösi bösi welle, wo d resonanzfrequenz vo erde hän (isch jo übrigens no extrem homogen, so erdkruste... , dorum gits nur ei resonanzfrequenz) genau an ei ort leite? will vo akws im weltruum hani no nie ghört und das brüchtisch für es bebe mit dr stärki 8 uf dr richterskala.edit: Das mit em AKW isch no e riese untertribig, zum verglich: e erdbebe, richterskala 8, setzt e energie vonere gigatonne tnt-äquivalent frei, also e milliarde tonne huffe vo tnt uf ei chline ort konzentriert. die stärksti je zündeti atombombe, d zar bombe us russland, het e sprengkraft vo 50 bis 60 megatonne tnt-äquivalent, also tusig tonne gha. s erdbebe in china hätti also d energie vo mindeschtens 20000 zar bombe brucht. woher nimmsch die energie bitteschön? 1 mal bearbeitet, zuletzt Mi 14.5.08, 23:14 |
| LaMoucheMi 14.5.08, 22:15 | Zitat: Wasili wordVerschwörigstheorie sinn genial. Für gwöhnlich in sich abgschlosse, und me het als Gegner Null Chance, dr Theoretiker vo sinnere eigene Mainig z' überzüüge. Äntwäder ghört me denne automatisch zu IHNE, isch sowieso drgege und, und, und. Übrigens stöhn Verschwörigstheorie au in dr Wikipedia dinne, bi dr Mondlandigsverschwörig wird zum Bischbiil uff jedes Argumänt vo de Verschwörer igange und widerlegt. Und wieso du dy "Woorhet" nyt findsch, liegt wohl dodra, dass es kei Woorheit isch oder nyt als solchi anerkennt worde isch... Übrigens isch d' Bielefeld-Verschwörig e gueti Satire uff die in sich abgschlosseni Argumentationsstruktur vo so Verschwörigstheorie http://de.wikipedia.org/wiki/Bielefeld-Verschw%C3%B6rung Bielefeld? Gits nyt! Ebeso z' Empfähle isch s' Rosarote, unsichtbare Einhorn. PS: IceCAT liegt im Norde vo Europa und isch leischtigsfähiger als d' Amerikanische HAARP. D' Russe hän au e alag, wo aber schwächer isch. Komisch, dass nur de böse, böse Amerikaner zuetraut wird, die Alaage z' missbruche... s geilscht: irgendwenn hani mol bi sonem verschwörigsvideo so öppis ähnlichs gschribe: d' antwort vo dem wos video gmacht het: hört nicht auf ihn er ist sicher ein Cia agent der dafür bezahlt wird uns von der Wahrheit abzuhalten glaub do muess me nüt me sage....... |
| SirJeansDo 15.5.08, 17:04 | Ich dänk mol, das es en zimliche unterschid isch, wenn öber e Versrschig macht und wenns öbber ärnscht mäint, aber jo... @BlackHat Das hesch jetzt wider mol usem Wikipedia gfischt, aber vilicht schtimmts jo trotzdem Also: du wäisch jo, dass s mänschliche Hirn schlächt miteme elektronische Radio oder U-Boot-Empfänger zvergliche isch. Do gits nämlich e sehr bedütende unterschid: elektronischi sänder beschtönd us komponänte, wo normalerwiis zimlich beschränkt funktioniere, wie au e Funk-Empfänger: d Wälle wärde ines elektrischs Signal umgwandlet und chöme am änd wider dur e membran zumene ton, oder wärde digital umgwandlet, klar? Es hirn schaft allerdings zimlich andersch und isch technisch de wüsseschaftler wohl e paar universe vorus... was meh aber genau durch bewussti gedankeübertragig, oder Gedankeläse macht isch, die frequänze, wo bis use chöme, wohrzneh, d.h, wenn alli ihre gäischt so wit entwickle würde, dass meh sich do dure chönt verschtändige, chönt aber niemer meh frei dänke, ohni dass es öbber mitkriegt - wenn er sini gedanke nid irgendwie verschlüsslet und sich gege anderi abschirmt. Genau das wird mit eme Biometer künschtlich gmacht. Er isch uf so fiini Frequänze usgrichtet, daser d gedankewälle vomene Mänsch chan inere digitale schpuur ufzäichne und die denn au wider abzschicke. genau so, wie die frequänze bis usem chopf useschwinge, wärde si au wider vo usse ufgnoh. Do die Frequänze aber so schwach sin, hän die mäischte mensche au Müeh, en Gedanke vo öberem bewust zempfange. wenn s gedankesignal aber mehrfach verschtärkt wird, was mit eme PC locker zmache wär, denn chan s "Opfer" fascht nümme uswiche, usser, es wehrt sich so schtark degege, dass sini Hirnfrequänz gsänkt wird. Aber das isch natürlich nur de fall, wenn de betroffeni das wäiss... Wer nid an Telepathie glaubt, de chan natürlich mit dere Theorie wenig afoh. Päch Und das mit em Atomchraftwärk im All Gäili Vorschtellig, aber unnötig!Wie au Wikipedia säit( ) schaft HAARP mit de Ionosphäre... das het naatürlich öbbis. Si düen se nid nur untersueche, sondern si mache gewagti Experimänt mitere, vo dene si nid wüsse, wa si druf vere Uswirkig zeigt! Zude HAARP-"Verschwörigs"theorie ghört natürlich au, dass in de Ionosphäre e art Schpiegel inschtaliert worde isch - natürlich nid e Gllasschpiegel, sondern irgend es Gaas, oder so, wo d ELF-Signal reflektiert. Also mues meh nur no richtig uf de Schpiegel zile und scho het meh de kataschtropheort!Was du mit de TNT-Chraft wilsch säge, passt überhaupt nid do ine, wil d Uswirkige vo ELF-Wälle uf Gegeschtänd entschtön nid dure Druckwälle, oder durch die schtark schwingig, sondern do durch, dass de Gegeschtand oder bode, bzw Huus in de gliche frequänz wie de Sänder schafft. Dodurch gits e sone schtarki Gegeschwingig, wo scho mit eme schwache richtige(!) Signal e bewundernswärts Ergebnis git. Im andere Fall wärs jo total unnötig, die Technik azwände, wil den e Tonne TNT eifacher z deponiere wär und au mit höhere Wahrschinlichkeit am richtige Ort ischlot |
| SirJeansDo 15.5.08, 17:47 | Für die wo änglisch chöne: http://www.festzeit.ch/viewpic.php?id=9332659&ctx=55567 |
| WasiliDo 15.5.08, 18:01 | E Blick uff dy Sytte het zwor glangt, zum merke, dass es sinnlos isch, mit dir z' diskutiere, offebar bisch du sehr empfänglich für Verschwörigstheorie. Um trotzdem etwaige andere Persone Sorge z' glätte könne, willi mool erkläre, wieso es nyt möglich isch, mit ELF Gedanke z' manipuliere: Mit Radiowällene kamme, bi sehr guetem Signal-Rusch-Verhältnis, maximal öbe 10 Bits pro Sample übertrage. Ebeso kamme sage, dass d' Übertragig s' doppelte vom Frequänzband betreit - hesch also e 4kHz-Band, kasch, bi sehr guetem Singla-Rusch-Verhältnis, bis zu 80'000 Bits/s Übertrage. Und do stosst me au scho sehr schnäll ans Problem: Wenns Hirn öbe zwüsche 1 und 70 Härtz schafft, macht das grad mool e Bandbreiti vo 70 Härtz, was e Übertragigsroote vo 1400 Bits pro Sekunde macht - und wie gseit, bi guete Verhältnis, das heisst, dr Sänder sött nyt meh als öbe 2, 3 Meter vo dir ewäg stoh. 1400 Bits sinn also 175 Bytes pro Sekunde. Nimmt me no derzue, dass s' Hirn niemools uff die ganzi Bandbreiti reagiert, fallt das ziemli schnäll in sich zämme. Wenn dr Wachzuestand also tatsächlich zwüsche 13 und 40 Härtz schafft, blyybe do eim no 270 Bits - also 34 Bytes. Es isch unmöglich, d' Komplexität vom Hirn mitere so kleine Bandbreiti z' kontrolliere. Vergiss es. (Übrigens, die Schwingig, wo agregt wärde, nennt me Resonanzschwingig, dr ganzi Effäkt Resonanz. Me merkt eidütig, dass du kei Ahnig vom ganze Thema hesch. Me mues dr Gegestand mit dere Frequänz arege, wo sinnere Eigefreqänz entspricht. Das füehrt zu Resonanz (Nyt zunnere Gegewälle) und verstärkt d' Amplitude, in Exträmfall füehrt das zur Resonanzkatastrophe, also zur Zerstörig vom Objäkt. Zum d' Ärde so a z' rege würde gigantischi Mängene Energie brucht - und übrigens befindet sich d' Eigefrequänz wo de tektonische Ärdplatte _nyt_ im ELF-Berych, das heisst, die *könne* gar nyt t'Schuld sy). @citizenhat: Jo. Äntwäder me isch derfür, oder ghört zu IHNE Viellicht isch dr Sir Jeans vom CIA und versuecht Panik z' stifte? *Verschwörig riech* 1 mal bearbeitet, zuletzt Do 15.5.08, 18:04 |
Als angemeldeter festzeit.ch Member kannst du Themen erstellen und auf Beiträge antworten.
Infos/Hilfe » ©