Festzeit.ch Forum » Politik / Religion » Wältwirtschaftskrise?
| Autor | Beitrag 16 - 30 |
|---|---|
| TexanDudeMi 17.9.08, 08:53 | Mol abgseh drvo das die aktuelle Reserve no für Joorzehnt länge, isch au dFörderig vo unkonventionellem Erdöl dank em hoche Rohölpris rendabel worde... sig das dGwinnig vo Oel us Kohle oder dr Abbau vo Oelsand und Oelschiffer. Den biete sich au Alternative ah wie Ethanol wo vorallem in Brasilie us Zucker und inde USA us Mais gwunne werde... (80% vode Brasilianische Neuwäge sin bereits in dr Lag mit Ethanol zfahre). Die Innovation chunt us dr Mineralölindustrie selber und vorallem die brasilianischi Petrobras förderet dr Usbau. Ebefalls isch dBP hüte eine vode grösste Hersteller vo Solarzelle und investiert wie die andere Mineralölkonzern Milliarde jedes Joor ind Forschig und Entwicklig vo alternative Energiequelle und Triebstoff... Drum isches au reini Panikmacherei wägem Oel, es wird e Fliegendewechsel geh und Schritt für Schritt e Abkehr vo fossile Brennstoff zu alternative Energie. |
| pr0xlmusMi 17.9.08, 09:06 | Zitat: Kratos Antarktis!!!Zitat: SirRoma was für ersatz hätte die???Zitat: Widar s problem isch ebe. Die wöhn au nid das es e ersatz fürs Öl git. Und wenn doch, denn vo de öl Firmene. was würd das bringe, sone riiiise öl betrug ufd bei z stelle? das isch extrem schädlich fürd wirtschaft! also dänki nid das dr new order drah inträsse hätti! Aber in absehbarer zit wirds eh kei ersatz geh. Und d Öl firmene müehn niemertem recheschaft abgeh und veröffentliche au keini REale zahle wo rückschlüssig wäre Do freu i mi au scho wenns um die Verteilig goht... |
| TexanDudeMi 17.9.08, 09:07 | Und die ganzi Panik wäg dr Weltwirtschaft... isch doch normal was grad lauft, dr Konjunkturzyklus isch scho immer eso gsi, nochem Boom chunt dr Abschwung und dRezession und den gods au wieder ufwärts bis zum nächste Boom usw. sGliche an dr Börse uf dr Bear chunt dr Bull und de god solang ufe bis alles übertürt isch und irgendwo e Spekulationsblose platzt und den gods wieder in Keller und den wieder vo vorne... Ebefalls bide Rohstoff, dPrise stiege wils Agebot kleiner isch als dNochfrog als investiere alli wieder in dRohstoff wilme dört viel cha verdiene den god das solang bis Agebot grösser isch als dNochfrog den gönge dPrise wieder in Keller und dInvestore stiege us und dReserve werde ufbrucht bis dNochfrog wieder grösser isch und dPrise wieder stiege... den gods wieder vo vorne los... Das isch immer eso gsi und wird immer eso bliebe wilme kei Glichgwicht chan schaffe, es isch immer e unglichgwicht am Markt und drum wirds immer Krise geh uf die wieder gueti Zite folge... im Schnitt wachst dWirtschaft immer... |
| ARK0NMi 17.9.08, 09:38 | Ganz dick in dr 20 Minute: "Fed übernimmt die Kontrolle" http://www.20min.ch/finance/news/story/US-Notenbank-rettet-AIG-mit-85-Milliarden-19463563 Ich meine, was hani vorrusgseit ? ... |
| NilsBaselMi 17.9.08, 09:42 | Zitat: ArkoN boah bisch du guet hey Ganz dick in dr 20 Minute: "Fed übernimmt die Kontrolle" http://www.20min.ch/finance/news/story/US-Notenbank-rettet-AIG-mit-85-Milliarden-19463563 Ich meine, was hani vorrusgseit ? ...  wart, ich mach au e Vorussag: Hüt Zobe wirds dunkel!!!   |
| ARK0NMi 17.9.08, 09:47 | Zitat: NilsBasel Ich wär aunit so guet druff, wenni hüt no uf UBS Aktie hocke würdi, mis bileid Zitat: ArkoN boah bisch du guet hey Ganz dick in dr 20 Minute: "Fed übernimmt die Kontrolle" http://www.20min.ch/finance/news/story/US-Notenbank-rettet-AIG-mit-85-Milliarden-19463563 Ich meine, was hani vorrusgseit ? ... wart, ich mach au e Vorussag: Hüt Zobe wirds dunkel!!! |
| TexanDudeMi 17.9.08, 09:51 | @Arkon Und wo ischs Problem drbi? Dini Theorie vowägä dWirtschaft wird immer meh vo einige wenige kontrolliert wo immer meh Macht hei setzt vorus dases nur e bestimmti Mengi vo Geld git und e bestimmti Azahl vo Unternehme... Jedoch wärdä immer mehr neui Unternehme gründet und dGeldmengi nimmt stetig zue... Es git immer neui Branche und neui Unternehme in dene Branche wo sich ihre Teil vom Kueche hole, inde nächste Joore werde vieli Banke verschwinde und inde Grosse ufgoh, jedoch wärdä wieder neui kleini Banke gründet sobald dr nächsti Boom isetzt... userdem dFED isch dRegierig, die wird die Unternehme au wieder privatisiere und si cha vom Know-how her gar nit in jedere Branche Übernahme durefüehre, AIG isch scho umstritte gsi will dFED sich nit uskennt in dr Versicherigsbranche |
| ARK0NMi 17.9.08, 10:13 | dFED isch vode Regierig gründet worde, sie isch aber net dRegierig. Sie druckt zwar de US Amerikanischi Dollar und isch fürs ganze Amerikanische Geld zueständig, sie isch aber Privat! Und das isch mis Problem. Und ich glaube ned, was jetzt no vieli chlini Firmene wieder ufstieget, wenns einigi grossi Global Players git, händ die chline ebbe kei Chance meh. So eifach isches jetzt ebbe nümmi wie frühner. |
| NilsBaselMi 17.9.08, 10:20 | Zitat: ArkoN als ob mi das wirkli belaschtet Zitat: NilsBasel Ich wär aunit so guet druff, wenni hüt no uf UBS Aktie hocke würdi, mis bileid Zitat: ArkoN boah bisch du guet hey Ganz dick in dr 20 Minute: "Fed übernimmt die Kontrolle" http://www.20min.ch/finance/news/story/US-Notenbank-rettet-AIG-mit-85-Milliarden-19463563 Ich meine, was hani vorrusgseit ? ... wart, ich mach au e Vorussag: Hüt Zobe wirds dunkel!!!  |
| TexanDudeMi 17.9.08, 10:21 | Dr Präsident bestimmt aber wer im Direktorium sitzt, es isch also korrekt gseit halb privat und halb staatlich... Ich weiss, es isch alles anderst hüte  und die viele neue Unternehme wo jede Monat gründet werde möche das nur wilsi kei Chance hei... |
| ARK0NMi 17.9.08, 10:24 | Ja die werdet nie gross mitspiele die neue. @Nils, jo gäll mer hets oder mer hets ned |
| NilsBaselMi 17.9.08, 10:25 | Zitat: ArkoN ja, aber ich bi au scho flüssiger gsi @Nils, jo gäll mer hets oder mer hets ned  jänu, kunnt scho wieder //mini Möbelverkäuf uf FZ hän übrigens nüt mit minere Liquidität zdue 1 mal bearbeitet, zuletzt Mi 17.9.08, 10:26 |
| ARK0NMi 17.9.08, 10:28 | ja die Möbelverkauf do rede mer vo knapp 3 stellige Beträg, ich nimme ah du bisch an dr Börse mit 4 bis 5 stellige Beträg^^ |
| NilsBaselMi 17.9.08, 10:33 | Zitat: ArkoN so in etwa ja die Möbelverkauf do rede mer vo knapp 3 stellige Beträg, ich nimme ah du bisch an dr Börse mit 4 bis 5 stellige Beträg^^ (ok, git eigentlich nüt z'smile  ) |
| TexanDudeMi 17.9.08, 10:41 | Zitat: ArkoN Wiso söte si nit? Google Inc. isch erst 1998 gründet worde und isch hüte e Global-Player wo Microsoft cha dStirnbiete, wie chunt das wo doch Microsoft soviel länger im Gschäft isch? Oder Facebook Inc. het au niemts kennt bis vor kurzem und dr Gründer isch hüte Milliardär und jede nutzt Facebook.com... Ja die werdet nie gross mitspiele die neue. Wer e Global Player isch und wer nit entscheidet dr Konsument, jede Einzeln... cha e Grosse nit das abiete wo dr Konsument will wird er verschwinde... Luegsch Commodore ah, das isch mol dr Computer hersteller schlecht hin gsi und hüte ischer verschwunde wiler dZeiche vo dr Zit nit gseh het... |
Als angemeldeter festzeit.ch Member kannst du Themen erstellen und auf Beiträge antworten.
Infos/Hilfe » ©