hmmm.... das isch eigentlich ganz eifacht. d börse isch nur e risige luftballon. unser wirtschaftssystem isch einzig und allei druf usgrichtet jedes johr um so und sofill prozänt z wachse bzw. mehr gwünn z mache. und wennde au nur e chleine momänt drüber nochdänksch chunsch fonelei druf das das nid ewigs so chan witergoh!

e firma isch zb 100.- wärt. sobald si ant wörse got wir si theoretisch an ganz fill verschideni lüt verkauft. an alli wo aktie vo dere firm händ. wenn die firma jetzt e wichtigs medikamänt in entwicklig het, chunt einvestor und seit sich: hmmm, die firma het zuekunt! ich chauf vonere aktie im wärt fo 200.- und scho het sich dr "wärt" fo dere firma verdopplet. und das nennt me denn dr aktiekurs. einzig und allei was für traumprise grad füre aktie fo dr firma xy zahlt wärde. die prise sind allerdings föllig jenseits fo guet und böös und händ absolut nüt mit em würkliche wärt fo dr firma zdue!

das wo jetzt passiert isch einzig und allei das sich d differänz zwüsche realitätswärt und börsewärt annenander nöcheret. das betrifft im normalfall ali lüt wo aktie händ (= die riche) dorum find ichs guet das d börse zämekracht. die wixxer händ sowiso scho fill zfill gäld aghüft uf choste fom arbeitende normalbürger. und im fall fo island isches halt eifacht blöd gloffe das dr staat sich nid bewusst gsi isch das die risige banke extrem hochi schulde händ und die banke übernoh het. jetzt het dr staat die ganze schulde geerbt, und isch soguet wie konkurs... aber ebe, im grose und ganze isch die krise füre normalbürger positif. will alli rohstoffprise sinke (benzin, strom, narigsmittel, etc), und die riche weniger gäld händ!

SMI und Don Jowes sind wenig(achtung sarkasmus) gfalle :-/

http://www.tagesanzeiger.ch/ausland/amerika/story/27449258

wo sidn die grosse verfechter vom Kapitalismus und dr freie marktwirtschaft??

nit numme de kommunismus isch gschiteret...de marx hätt sini freud a dene verstaatlichunge

Kratos, i find dr Kommunismus het no nie würklich existiert. Er cha eigendlich au nid existiere aber mä setti par Erkenntnis drus gwünne.

Ha do mol ä Video us california xe:
http://freilich.ch/blog/ Biirag: Wall Street oder Main Street?

Isch zu crank. Und wenni jetzt no überleg wie liicht e Schritt vonere wältwiite Kriise zur Wältregierig isch, laufts mr chalt dr Rügge ab.

Ich glaub die Krise womr jetzt hend wird usgnützt um d "Globalisierig" und die neui Wältornig universell und absolut notwändig z mache. Firmene wärdä in denä Täge wie hüt zu Spottprise ufem Aktiemärt veschärbelet.

@mondkind

hehe d immo-kriese xeni au. aber das isch längscht nid s gröschte bzw. s einzige problem will dr ganzi markt drinn verstrickt isch.

und das wäg dr neue wältornig isch eifach ä fakt. mir befinde ois inere globale wandlig. strukture wie d NATO und d EU gwünne stets an macht über die wo ihne unterstön, wärend die libearle staate an macht müen iistecke.

vo mir us xe sin die mächtigschte lüüt (wer au immer das isch), wo so kriise chöne stüüre oder vorteil drus zie, nid druf us ois ä schöners läbä mit palme und so z mache... wär glaub biz naiv. wemmr xet wie in california dr inventar (grossbildfärnseh, computer, stereoalage usw.) vo de hüüser im müll landet frogtme sich ächt nur no was do eigendlich ablauft.

i finds eml cool wennd positiv dänksch...

Aber nur will du kei Übrsicht hesch übr was abgoht hesch vo ere neue Wältordnig (zviel TV gluegt?!) go rede git mir z dänke! So als ob me alleige nüt bewürke kha uf dr Wält und alles halt passiert. Schad! Zeig mir de Wandel do in dr Schwyz! Hesch sicher auscho ghört das mir do inre diräkte Demokratie läbe - am Endi stoht dr Souverän - S VOLK. MIR. Mir sind WEDER in dr NATO no in dr EU. Wer stoht an dr andere Syte? Was denksch denn übr dr Oste? Sind die nit dinne in dim Wältbild?! Also bitte! Naiv bini au, abr breit informiert und trotzdem doof

Für die Krise wo mr dinnestecke im Moment sind d Grundstei scho endi 80er gleit worde als me immer komplizierteri Investmentvehikel (E Wett uf e Wett wo druff wettet das e anderi Wett so usekunnt) bildet worde sind. Das isch normal, dass dr Mänsch so öppis komplexes erschaffe duet wenn me so dick kha Kohle mache.

MIR. Mir sind WEDER in dr NATO no in dr EU. Wer stoht an dr andere Syte? Was denksch denn übr dr Oste? Sind die nit dinne in dim Wältbild?!

Cha di behruhige. I lueg kei TV aber i liis zimli vill... Vilicht würde dini Antworte chli kompakter usfalle wenn du das au würdisch mache. Ich ha nie drvo gredet, dass mir in dr EU geschweige denn dr NATO (wo jo militärisch agiert und gewaltig ufgrüschtet wird) sind.

Wennde ame biz Zitig liisisch settisch scho längschtens über de Begriff vo dr "Neue Wältornig" gstolperet sii.

Wennddi willsch drüber go Informiere hilft dr dr Joschka Fischer witer: http://www.zeit.de/online/2008/19/globalisierung-fischer-kolumne

Wie du richtig xeit hesch isch die Krise "erschaffe" worde und die wos checkt bzw. usglöst hei sind scho längschtens fein raus. Aber jetzt stoht scho d Fusion vo General Motors und Chrysler aa - d Industrie wird ufe Chopf gstellt.

Die anderi Site? Was verstohsch du unter dr andere site zur NATO und EU? Ich xe do ehrlichxeit kei Anderi. Aber chaschmi jo ufkläre.

Nur no ei These womr us dr Gschicht hätti sette glernt ha: Wenn e Kriise aastoht gits immer Lüt wo e Nutze wänd drus zie. Nutze heisst in demfall meischtens Macht. Au die Lüt hend drzueglernt.

Aber ich bi witerhin für peace und blüemli

Hm, hesch du nid s gfühl, dass e neus Gäld-System nötig wird? Sone Markt-Krise wiemr jetzt hei hets no nie geh.