Und nit nur dWare und dr Luxus choeme, durch dr Handel rund um dWelt waerde au Information teilt... huet hei soviel Mensche wie no nie zuegang zu unbegrenzte Informatione... Mensche in Diktature hinterfroge ihri Regierige und sehn dWelt mit andere Auge... Krieg werde verhinderet will dLaender wo mitenander handle zviel zverliere hei und drum diplomatischi Loesige sueche... Freiheit und Kapitalismus sin untrennbar...

An dine Ussage seht me dasde kei Ahnig hesch vo dr reale Wirtschaft... sSystem loest sich nit uf es schwankt nur, wies immer macht... weme an die grossi Depression denkt und die druf folgendi New Deal Politik mit staatliche Igriff den sehtme dVerbindig zu huete und genau wie damals wird me die staatliche Igriff noch es par Joor wieder abschaffe...

Weme dr Lebensstandard mit 1933 vrglicht ischer huet um vieles hoecher, und er isch no viel hoecher vergliche mit 1833... dr Kapitalismus het sit dr Gruendig vode USA e stetiges Wachstum und besseri Lebensbedingige brocht...

sgliche in Europa, no nie hei soviel Mensche soviel gha wie huete... soviel Luet choene sich Autos, TVs, Radios, Ferie, Esse, Kleider, Hueser etc. leiste, vrgliche mit vor 100 Joor isch das e riese Fortschritt und de Fortschritt seh mr huete au inde Schwellelaender, luegsch noch Indie, China, Russland, Brasilie, Vietnam, Bangladesch, Nigeria etc.

Und nit nur dWare und dr Luxus choeme, durch dr Handel rund um dWelt waerde au Information teilt... huet hei soviel Mensche wie no nie zuegang zu unbegrenzte Informatione...

Mensche in Diktature hinterfroge ihri Regierige und sehn dWelt mit andere Auge... Krieg werde verhinderet will dLaender wo mitenander handle zviel zverliere hei und drum diplomatischi Loesige sueche...

Freiheit und Kapitalismus sin untrennbar...

Aber rede mr lieber ueber dPlanwirtschaft...

Du redisch immer nume ueber dArbeit, dr Lohn und dAgebotssite... aber wie jede weiss bestod dWirtschaft immer us Angebot und Nochfrog. Um dIdee vo dr Planwirtschaft zverwirkliche muestme beidi Site stuere, das god aber nur weme de Mensche vorschriebt wasi doerfe und was nit...

Wen dr Plan vorseht dasme inde naechste Joore 10'000 Fuessbaell produziert und dMensche den aber ploetzlich lieber Hockey spiele nuetzt das gar nuet... wen ich mir e Full-size SUV will kaufe, bruchi kei Lada... wenn dr Plan festleit wieviel vo welem Nahrigsmittel produziert wird muesch glichzitig festlege wieviel jede Buerger wenn und wo esse darf... wen ich Lust uf Schnipo han wili kei Roesti mit Brotwurst wils dr Plan so vorgseht...

Es isch also gar nit moeglich e Planwirtschaft izfuehre ohni glichzitig em Volk si Freiheit wegzneh... dr Staat brucht drum totali Kontrolle ueber alles und jede um sin Plan zplane, somit gits au kei Demokratie.. will ich wuerd nie das System unterstuetze so wie dMehrheit vode Mensche,

ergo muesch die Luet zwinge...Planwirtschaft bringt also automatisch Diktatur mit sich, Kapitalismus wo uf dr Eigeinitiative vom Einzelne basiert Freiheit...

isch e eifachi Rechnig...

E Bischpil: Es bestoht dr Wunsch nachere Neuproduktion vomene Computer mit grösserem RAM:

Kapitalismus:
Schritt 1: Computerhändler stellt bedürfnis fescht und leitets witer an dr Computerproduzent
Schritt 2: Dr Computer-Produzent forderet vom Zueliferer grösseri RAM-Rigel
Schritt 3: Dr RAM-Produzent entwirft e neus Produkt
Schritt 4: Dr RAM-Produzent stellt fest, dass keini gnueg grosse Speicher-Baustei produziert werde, zum s neue Produkt z erstelle
Schritt 5: Dr RAM-Produzent forderet vom Speicher-Produzent grösseri Speicherbaustei
Schritt 6: Dr Speicher-Produzent entwirft e neus Produkt
Schritt 7: (möglicherwis) merkt dr Speicherhersteller, dass sini Produktionsalage nid gnüege...

Planwirtschaft:
Schritt 1: Fachgschäft stellt Bedürfnis fescht, und leitet ans zueständige Planigs-Kommitee witer
Schritt 2: Planigs-Kommitee stellt ufgrund vo de momentan vorhandene Produktionsressource fescht, wo öppis in dr Produktion gänderet werde muess (also teilwis schritt 2-7 im kap. Sys. parallelisiert)
Schritt 3: Die Änderige us Schritt 2 werde igfüehrt (also dr Rescht vo schritt 2-7 im kap. Sys. parallelisiert)

p0wn3d ()

Ich gse mi jo nid als vollkommene Kapitalist, eher als realischt.

Wiso söll nur arbetszyt berächnet wärde? Das isch doch e Witz?

Du vergissisch Faktore wie

- Leistig
- Verantwortig
- Ussbildig

Wiso söll eine, wo 8 Joor an ere Uni duurekrampft hett (ohni gäld verdiene), nach dene 8 Joor nid meh verdiene als eine wo in dene 8 Joor eifach normal gäld verdient hett?

Wiso söll eine wo defür muess de Kopf anehebe wenn sini Mitarbeiter versage nid au e chli meh dörfe iistriiche, wenns sini mitarbeiter guet gmacht händ?

Klar gitts ungerächtigkeite. Körperlichi Arbet mit Büroarbet vergliche etc. Aber do gitts immer Gegesätz wo e Kompromiss gfunde wärde muess.

Und mit dene Ussage willi die überrissene Managerlöhn nid grächtfertige. das hett nütt mit däm zdue.

Und übrigens: dä profässer wo das gschriibe hett ghört garantiert au zu dere sorte, wo 5 stelligi beträg iistriicht. und das eifach will är halt profässer isch und joorelangi ussbildige hinter sich het. und das isch au OK so!

/sign

bi ich au der meinig.

Das isch e guets Bispiel, aber es spricht nit fuer dPlanwirtschaft...

Goemer zerst zum Kapitalismus wo du e fundamentale Fehler machsch indem vo DEM Produzent redisch. Im Kapitalismus gits nit eine sondern unzaehligi Produzente in jedem Berich, und alli stoende in Konkurrenz zunenand im Ringe um Marktateil.

De Konkurrenzdruck fuehrt drzue das jede Produzent interessiert isch smodernste, sguenstigste, srobustiste und schlichtweg beste Produkt azbiete. Das wiederum fuehrt drzue das dr Computerlade (in dem Bispiel) e unendlichi Uswahl an allem het.

Es git PCs vo guenstig bis unbezahlbar, fuer jedi Verwendig, noch Kundwunsch mit viel RAM, wenig RAM und das in allne Prisklasse... das alles existiert will jede meh Geld will verdiene, so isch jede us Eigeinteresse interessiert sBeste azbiete was zum wohl vom Konsument und dr Wirtschaft fuehrt, und schlussendlich au e immer besseri Technologie bereitsstellt...

Jetzt werfe mr e Blick ufd Planwirtschaft...

Dis Bispiel isch nit richtig, will du ganz eifach vo unrealistische Tatsache usgosch. Zum eine wird dr Konsument gar nuet besseres nochfroge will dr kompletti Markt vo dr Firma "Staat" beherrscht wird, durch das cha dr Konsument lediglich ei Marke erwerbe und au nur ei Marke vo Software wo dr Staat wiederum an dLeistig vode eigene PCs apasse chan (das isch e Grund wisome im Kapitalismus keini Monopol will). Das machts ganze System langsam und traege, da kei Konkurrenzdruck vorhande isch sBestehende zverbessere.

Den isch din Ablauf im Bispeil schlicht falsch, was du machsch isch lediglich Puenkt in dr Produktion verschwinde zlo wo jedoch au in dr Planwirtschaft noetig sin. Du redisch drvo dasme eifach luegt wasme aendere mues unds den umstellt. Aber au inere zentralisierte Wirtschaft muesme neu plane, neu designe und neu entwickle.

Was du versuechsch eus izrede oder dir selber, isch das im Kommunismus stets die besti Technik bereits vorhande isch bevorsi brucht wird.

In dr Realitaet isch aber s Gegaeteil dr Fall, dr Konkurrenzdruck im Kapitalismus fuehrt drzue das jedi Firma will e Vorsprung ha ufd Konkurrenz zum vor dene e Durchbruch zerringe.

In dr Planwirtschaft hingegae haeng d Technologie dr Nochfrog hinde dri, will kei Konkurrenzdruck vorhande isch bestod au kei Grund immer besseres zEntwickle, somit mues in dr Planwirtschaft zerst entwicklet werde was Gwuenst isch...

Bi allem woni ufzaehlt ha gits Usnahme, aber in 95% vode Faell isch genau das dRealitaet und si het sich bereits bestaetigt mit dr Niederlag vom Ostblock im Kalte Krieg. Das isch e Fact wo dr jedes Gschichtsbuech bestaetige chan.