Festzeit.ch Forum » Kritik / Anregungen » Religion - Was haltet ihr devo?
| Autor | Beitrag 16 - 30 |
|---|---|
| tschugileMi 20.7.05, 14:45 | klar.. ! (het nur 5 Min duurt..  ) |
| JacquesCousteauMi 20.7.05, 15:35 | d wält isch chli gäll perLhaw? |
| sessleDi 8.11.05, 18:59 | Ciao Zämme! Ich find euri Diskussion voll guet und ich verstand euch alli! D Kirche het wirkli scheiss Fähler gmacht und macht se hüte no! das isch das, wo mich immer no chli ufregt.. abr was söll me mache? Alli Kirchene und Gmeindene in ei Topf stecke?? Ich ha au Konf.-unterricht gha und muess saage,.. es isch mega langwiilig gsi uf dr einte Art.. Es lönn sich sowieso fascht alli konformiere, will sie Gäld wänn, oder inere Kirche hürote wänd.. Find ich dr gröscht Schrott. Denn me sött sich das scho überlege! Aber händ ihr schomol d Bible gläse' Ich find nid, dass es so e eifachi Löösig isch, wie dr Mensch und d Wält entstande isch.. Im Gegeteil.. Isch eifach e meeegaa Wunder und au e mega Gschänk vo Gott! Sie isch nid eifach zverstoh.. und dorum isch sie zeifachi Erkläreig???  komischi Ussaag!  Machet mol d Auge uf und sehnd die schööni Natur.. Dr Mensch macht se eifach kaputt, ar jo.. ehm.. isch halt so... stoht au in dr Bible vorgschriibe!  Ich glaub an Gott, abr nid vo dr Familie us oder will ich so erzoge worde bin. Bin die einzigi in dr Fam.Ich has e Scheiss gfunde, abr ich bin denn mol wiedr in e Gmeind gange(Frei Evangelischi Gmeind Basel) und ich muess saage, ich ha e ganz anders Bild beko vo Christe. Christe mache nid weniger Fähler und sie verurteile nid, wie ich immer gmeint han (sötte sie uf jedefall nid!!!!) Ich ha mini ächte Fründe gfunde und wo ich mis Läbe Gott übergäh han, isch es eifach e mega Feeling gsi!! Nid zum Beschriibe! Ich akzeptier jedi Religion, gang eifach e andere Wäg! Ich ghör zu keine Religion.. Ich ghör zum Glaube!Das isch e riiiise Unterschiid! Religion lauft immer öbberem Noche, wo tot isch.. Und me muess e guets Karma ha, gueti Sache mache, damit me s Ziel erreicht.Gott macht s Gegeteil. Är kunnt zu uns und streckt uns sini Hand ahne. Är liebt uns so, dass är dr Wäg zum Himmel durch sin Sohn, Jesus Christus, wiedr frei gmacht het! Stellet euch das mol vor! Är opferet sin Sohn, dass mir chönne lääbe! Aber es isch jedem sin Entscheid was är macht. Aber was mich stresst sind Lüüt, wo dr Glaube zu de Religione steckt und nid akzeptiert. Aber die gits au! das dr Buddhismus nid so isch, wie die andere Reliogione isch e Paradox! Das stimmt doch garnid. Är forderet genau so viel gueti Tate und will, dass me e tote Buddha abätet. Süsch het me kei guets Karma... naja.. Isch jo egal.. Jede het sini eigeni Meinig.. me sött sie eifach guet überdänke! Greets... be blessed!!!  |
| aliennaDi 8.11.05, 19:11 | Ich glaub an "Gott" aber voll ned an d'bible. Und zwar, chm, ich zitier e theolog: "Gott hat die Bibel nicht per Fax auf die Erde geschickt". aso für mi seit das alles. 1. mensche hän d'bible gschriebe 2. mensche liege 3. nur gwünner schriebe d'gschicht 4. d'hälfti stimmt gar ned 5. d'bible isch högschtens e chronik vo däm zytalter. okay, ich bi au gschichtlich interessiert und weniger religiös. aber ich bi dr meinig, dass religion meh zerstört als hoffnig oder suschtigs züügs bringt.. falls sich öbber agriffe fühlt, bitte ned persönlich neh, aber das isch halt mini meinig und wäge däm gangi glich jedes joohr an heilig obe in d'kirche |
| sessleDi 8.11.05, 21:58 | hey jo das stimmt.. Mensche liege und sie verzelle viil schmach und sind nid korräkt im wiitergäh (als perfakts bispiil: s Telefonspiil  )Aber wieso söll d Bible nid stimme... es händ ganz verschideni lüütlis gschriibe und die händ sich nid kennt.. denn isch die gschicht immer witer gange und alli händ vo däm jesus gschriibe.. wieso das? isch scho koomisch, wenn so viil drüber schriibe (über s Gliiche und vo dr gliiche grosse Macht) und denn wirds als unwohr erklärt.. es git kei 100% bewiis, dass es Gott git oder d bible stimmt - süsch wärs jo kei Glaube me!!!! Irgendwie loogisch nei seich.. Spass bei Seite Es git ~10 Bewiis, dass es Cesar gäh het (dä Typ mit dr Cleopatra nid dr Cesar Hund )Und über 500 Bewiis 8Schrifte und ikravierige und so) dass es Jesus git... Und in drBible stoht das vo Jesus jo au.. Isch das kei Wiiderspruch??  Also ich meins jetzt nid bös oder so!! Isch jusque une question! |
| decenzaDi 8.11.05, 22:36 | Religion hett scho zu viel zerstört und wäg religion gits so viel krieg uf de wält, dass ich genau NÜD dervo halt...söll jede das glaube woner will...... |
| pralinatoDi 8.11.05, 22:45 | hallo, friede sei mit euch allen DAS Thema in dr hüttigä zit!! ich ha nur paar fröglis: (will nit au no schriebe, denn um öpis diesbezüglich zerkläre muessmä paaaaaaaaar sitä schriebe [kajnöö zaaajt] odr drüber diskutiere [und das goht schlächt äso]):: also 1. sessle: "sin sohn, Jesus Christus" !! wänn dr Jesus Sin sohn söt gsi si, wieso hät denn Gott Sin sohn uf sone bösi art und wies lo umbringe loh (nur um uns, nochkomme, zrette)!? hät er, dr Gott, mit SIne macht Sin sohn nit irgendwiä könne beschützä und ä anderi lösig finde!?! sklaviert, erhängt, händ durchnagelet, lo stärbe loh, SOHN Gottes durch d'mänsche!!?!!???!!!! 2.uf dr wält wo mir in dr hüttigä zit läbe gitz nur zwei richtigi (ntschuldigung für dä usdruck,, ganz vorsichtig usdrückt) biblä, wo sit Jesus in dr original-form händ könne bibhaltä wärde! weiss aber nit, wo sie sind,, glaub eini in ängland! weiss nit!! dr räscht isch vo dr mänsche veränderet wordä, wies madam muffinli "feschtgstellt" het!! Zu Thora kani nit viel säge, bi zwenig informiert! dr Koran exischtiert sit öppe 1400 johr! sit däm isch kei sitä, kei vers, kei wort, kei buechstabä, jo nitemol ä satzzeichä veränderet, glöscht odr drzue ERFUNDE wordä! überall uf dr wält exischtiert inhaltlich dr ein und dr einzig Koran, inhaltlich original! offenbarig durch Gott! dorum gilt er als unbestrittä as Sin wort! 3. die wo nit an Gott glaube!! glaubet mir, ich ha euch no niie nackt gseh, aber ich WEISS, was sich hinter dene kleider verbirgt (lol, ds bispiel  )!! es git sachä im läbe, wo eifach SÄLBSTVERSTÄNDLICH sind!! wo mr dra glaubt, ohni s gseh z'ha!! wie stohts mit dr luft!? isch au unsichtbar! dadra glaubet ihr au nit!? jo denn vielspass bim 60 johr lang ohni luft läbe!!!4. schlussändli meinä "alli" dr glichä Gott!! nur hets versch. richtige/gruppene gäh (christetum, islam, judätum, usw)!! sproblem isch, dass die wo sich "muslimä", "chsirstä" usw. nenne, dr religion schadä, das sie schlächts tüend, und nit d'religion sälber! klassischs bispiel: paar idiotä meine, sie chöme ins paradies, wenn sie sich ind luft jage, und vieli anderi mit ind tod ziehn!! und scho heissts am nägschte tag uf dr titelsitä vo dr zitigä: DR ISLAM odr ALLI MUSLIME ...!! oh nein! hüttigi gsellschaft loht sich so verdammt vo dr medie beiflussä, anstatt seigene hirni izschaltä und dauge ufzmache und sich erscht DENN e meinig bilde! 5.usw. ha jetzt aber kei zit! bitt um antworte! gruess NuSSi |
| JacquesCousteauDi 8.11.05, 22:53 | also: ich glaub wortwörtlich an d bible das heisst, ich glaub au dass gwüssi figure us dr bibel 900 joor alt worde sind. nume ich duess andersch interpretiere und zwar im sinn vo dr prä-astronautik. weme gwüssi textpassage us dr bibel aluegt und mit em hütige technische wüsse interpretiert, chame drfo usgoh, dass in dr bibel vo bsuech mit usserirdische d red isch. |
| sessleDi 8.11.05, 23:01 | ich muess go schloofe. ha morn teschts, aber die erschti frog wott ich jetzt no kurz beantworte! ehm.. Gott het dasscho chönne verhindere, dass jesus nid hätt müesste Sstärbe.. abr das isch jo id dr Sinn.. Är isch in däm Momänt wo är gseit het "mein Gott. mein Gott, Warum hast du mich verlassen?" vo Gott mit al unsere Schuld "beworfe" worde. Wenn Gott ihm dört gholfe hätti, wär jo s ganze nid verfüllt. Stell dir vor, du muesch dini am liebschte&nöchste Person stärbe loh,damit ali, wo du au lieb hesch chönne läbe, wenn sie wänd! Das isch für uns unbegrifflich, will unseri Liebi Bedingige het. Gottes Liebi isch bedingigsloos. Wenn Jesus nid in däm monänt unseri Sünde hät müesse trage, hätte mir nseri Sünde no ufem Buckel.. es isch nid immer so, dass Gott d Sorge und d Sünd eifach nimmt. mir müens scgo bereue.. aber das isch e anders Thema Dr wichtigschti teil wird meischtens nid erwähnt!!: D`Uferstehig!!!!! Süsch hät au die ganzi prozedur vo wäge üde näh und Wäg zu Gott feri au nüt brocht. Jesus isch uferstande und somit het ä uns erlööst! Isch ächt e langs Thema, aber bitte erwähnet bi dr Krüzigung no d `Uferstehig! süsch sind ihr nid korräkt !!! übrigens.. d bible gits auscho soooooooooooooooooooooooooooooo lang! Sie isch eifach übersetz worde und sag mir nid dr Koran isch nid übersetzt worde. liis mol die letinischi oder griechischi Bible. das isch denn geil. Luther oder eifach mol e so e alti. Die händ Usdruck! Die neue und revidierte Biblene au.. sie sind eifach andersch vormuliert.. Bring denn mol es Bispiil.. also guet Nacht Hab euch lieb! |
| KissMyAirsMi 9.11.05, 13:08 | sessle, sorry das isch jetzt vilich fiis.. aber du bisch für mich DAS typische opfer vonere freichille.. ich bi mit öbbe 20 sonige freichilleahänger ind schuel. du chasch mir nid säge ich weiss nid vo was ich redd.. ich bi 2 mol ane Vineyard gottesdienscht und einisch ane ICF gottesdienscht.. und das nur wills ebe drum gange isch das ich mir mis eigne bild mach und nid eifach öbis verzell ohni z wüsse worums goht.. ich ha mi die ganz HMS lang mit däm thema befasst und für mi sind das würklig alles armi opfer, wo itrichteret wird wie si z läbe hei, weli mensche guet und bös sind und was si gott nöcher bringt.. dini ussag: "christe mache nid weniger Fähler und sie verurteile nid, wie ich immer gmeint han ", isch jo wohl voll blödsinnig und genau das hanich erläbt.. e schwangeri wo us dr chille usegeeklet worde isch will si unehelisch schwanger worde isch! das findi s hinterletschte! aber sie heiere welle vergeh, aber nur wenn si igseht dases schlächt isch was sie gmacht het und täglich um vergäbig bättet! ABER HALLO!!! nei ich cha mit dr bible nüt afo, jede interpretiert öbis anders drus und jede het sgfühl, so wie är se liest isches richtig! mir wüsse jo nidemol vo wo überall die sache übermittlet worde sind.. aber s alte testament findi wenigschtens no witzig hehe...jojo.. ebe ich chas nid ärnscht neh und gang au nüm id chille... |
| KiwiMi 9.11.05, 13:43 | i glaub e mol gar nid dra, dass es ei kirche git wo rächt het und die andere alli lüegner sin es sin eifach anderi asichte vo öbbisem. i persönlig ha langi ziit dänggt alles absolute schwachsinn. han aber im letschde joor einiges erläbt und au gschichte ghört die ich nid nur als schwachsinn chan abstämple. ich persönlig glaub das es e höchermacht oder wie mes will nenne git, aber das ganze kirche trallalla naja i halt nid vill derfo. |
| aliennaMi 9.11.05, 13:55 | aso mi papi isch katholisch (eher kli konservativ) und mi mami reformiert. ich sälber bi katholisch tauft, aber reformiert umgschriebe worde. jedefalls bini immer mit mim papi in dr kath. gottesdienst, bi aber in ref. reli-unterricht. und ich weiss rächt viel über die beide religione, obwohls eigentlich nur eini sött si. als 7 jööhrigs meitli hani denn im kath. unterricht miesse im ne gebät alose, dass es heisst, ich glaube an die heilige kath. kirche... ich ha mi denn gfrogt, öb ich jetzt öbis schlächters bi?? ich will drmit nur sage, dass d'kirche rächt hinterhältig isch und gäldgierig (man denke an das mittelalter, wo unschuldige menschen verbrannt wurden und der klerus im luxus lebte, während die bürger hungerten und starben, an die judenverfolgung und und und...). ich vrstand au ned, wurum kath. priester kei partner/fam. dörfe ha... ich mein, jesus het sicher au e beziehig gha! oder glaubt öbber tatsächlich, dass jesus, entschuldigung, no jungfrau gse isch oder nie e frau gha het? wiederum, bitte ned agriffe fühle.. 1 mal bearbeitet, zuletzt Mi 9.11.05, 13:55 |
| JacquesCousteauMi 9.11.05, 14:05 | d kirche het i mine auge nume ei zwäg und zwar gäld z mache (jedefalls isch das bi dr entstehig dr fall gsi). lueged mol uf südamerika döt wärde d indios immer no vo dr kirche und em stadt unterdrückt. wen me dr richstand vo dr kirche mit däm vo de indios (wo sich nit hän welle bekehre lo)verglicht sots eim scho z dänke gä... @muffinli i glaub du meinsch s glaubensbekenntnis: ich glaube an die heilige kath. kirche...die vergebung der sünden...auferstehung der toten und das ewige leben amen |
| KiwiMi 9.11.05, 14:08 | d kirche will doch genau so macht ha wie e staat. |
| aliennaMi 9.11.05, 14:11 | @gentlemen jo genau! |
Als angemeldeter festzeit.ch Member kannst du Themen erstellen und auf Beiträge antworten.
Infos/Hilfe » ©