Festzeit.ch Forum » Kritik / Anregungen » Religion - Was haltet ihr devo?
| Autor | Beitrag 31 - 45 |
|---|---|
| JacquesCousteauMi 9.11.05, 14:11 | frühner isch dr stadt jo hinter dr kirche cho. |
| KiwiMi 9.11.05, 14:14 | jo frühner hesch müesse de papst go froge ob de darfsch krieg füehre wenn er jo seit isch s in ordnig. isch doch krank! |
| JacquesCousteauMi 9.11.05, 14:17 | zum glück isch das hüt nüm so sunscht müeste mir statt party mache in dr kirche hocke und bäte |
| IceDreamMi 9.11.05, 21:50 | ich find, dass es wichtig isch dass me an irgendöbis glaub... (dass es irgend e macht git) aber was gnau isch jedem sini eigeni sach...... ich zum bsp glaub an gott, aber i weiss nid ob gott e mah oder e frau isch..... |
| JacquesCousteauMi 9.11.05, 22:40 | ich glaub an nüt. mir wärde irgendwenn stärbe und denn isch nüt me. i mein ich weiss jo au nit was vor miner geburt isch gsi oder?! |
| KiwiMi 9.11.05, 22:46 | ja so ca. die meinig hani au es ziitli kha, aber wie scho gseit ha i im letschde joor so einiges erläbt wo ich mir nümme han chönne ii rede das es zuefäll oder eifach spässli sin. |
| JacquesCousteauMi 9.11.05, 23:00 | ha ebe nie so ne erläbnis ka und wenn i eis hät würdi sicher dänke jo für das gits scho e logischi erklärig. |
| JulezMi 9.11.05, 23:28 | das mit dr beschriebig vo de opfer vo de freichillene mues dr zuestimme @muffinli... ich bi pragmatische atheist, halts also nit für nötig e höcheri macht z erfinde zum mr d welt erkläre. ich find eifach sehr wichtig das me nit immer versuecht die andere vo siner eigene überzügig z überzüge... das missioniere und oh, ich will dini verloreni seele rette suscht chunnsch ind höll, chani nur drüber lache, isch eigentlich pure usdruck vo ignoranz. was mi witers stört am glaube isch wenn er eim derart ischränkt das me liidet well me sich immer iredet me isch e sünder und isch schlecht, und au zum bispil in beziehige. i behaupt mol, das s stärkste im mensch isch immer no sini natur, sini hormon, und wer das als vo grund uf schlecht, und sündhaft bezeichnet, dä duet mr leid, well dä verbaut sich so im vornherein scho sehr viel schönes im läbe. well i dänk es si wirklich nur e minimale bruchteil wo würklich chönne vorbehaltlos ihre glaube läbe. die andere düen sich das nur irede das si das wän. naja, ich dänk halt eifach gegesitige respekt und toleranz isch immer no s einzige wo me do drzue cha sage, alles andere isch unrif, dumm oder fanatisch... |
| JacquesCousteauDo 10.11.05, 00:25 | @julez guet gseit. wichtig findi aber au das me die lüt wo an gott glaube au nit fertig macht und probiert z missioniere, will sunscht isch me nit besser als die andere. |
| aliennaDo 10.11.05, 13:28 | hüte im gschichtsunterricht (mir hän grad renaissance): s'fröhliche muffinli hoggt gspannt uff ihrem stüehli und ihri äugli funkle nur so, well sie gschicht jo überalles liebt . denn, nach em zweite mol lüte, macht sie sich parat um alles uffzschriebe, well's hüt e spezieli stund git! d'lehrerin fangt a z'vrzelle über MA und dr unterschied zur renaissance was d'bildig abelangt. s'muffi schriebt fliessig mit und erfahrt gaaanz wichtig informatione zue däm thema in däm thread. die lehrerin sagte: 1. im MA studierten die mönche die alten schriften (nur lateinische, da alle anderen VERBOTEN wurden). 2. sie schrieben alle heiligen schriften von hand ab, wobei viele dinge FALSCH interpretiert wurden!! 3. es durfte nur der klerus studieren und somit wurde also alles nur von einer seite, dem 1. stand, geschrieben. fazit: die bibel enthält nicht mehr ihren ursprünglichen inhalt!! sorry, aber das isch leider e gschichtlichi tatsach... 1 mal bearbeitet, zuletzt Do 10.11.05, 13:29 |
| housecakeDo 10.11.05, 13:45 | @corinli....redisch du vo so hardcore - ziefener - chrischte? wo di nit akzeptiere wenn rauchsch, nit in clubs gönge weil das jo schliesslich sooo schlecht isch und tüüüfels werk! ....alles schön gehört und erlebt! isch doch zum kotze! @poet...wie lauftS? gön mr wiedermol go esse  aber öpis muess di no froge! das dr koran nit apasst worde isch...stimmt das? drfür wird er vo dr spitze vom Islam immer wieder anderscht intepretiert...wies grad in kram passT! Bible, koran....für mi sin das alles Richtlinie für d Mensche. Do anderi Lebensumständ gherrscht hen in Europa als im Oste hen sie anderi Inhalt! aber nochdenklich stimmt mi eifach...das sehr oft vorkoh isch, das anerkennti Wüsseschaftler wo sich vorgnoh hen zbewiese, das Religion und Bible alles schrott isch, am schluss selber zum Glaube gfunde hen...    ! aber ganz KLAR: Anti Sekte...und komischi Frei-Chillene! |
| JimKnopfDo 10.11.05, 19:25 | @ muffinli Gschichtlichi tatsach isch au dass no divärsi original schriftstück vo dr Bible existiere und tatsach isch au dass me sich uf die zrugg berueffe het. Interessant find ich, wieso dasses religione überhaupt no git wenn si alli als quatsch abtien... Tatsach isch einzig das alli Religione im allgemeine üsserscht kompläx sin und dass me, wenn me sich nid richtig demit befasst am beschte nüüt seit. Religione sind ebe "Gläube". Wie mr alli wüsse heist glaube nid wüsse. Kapiert?? In allne religione stosst me schlussändlich an ene punkt an dämm me entweder dra glaube cha oder nid, wills eifachd nümmi erklärbar isch. Z.B. Wie entstand der Urknall (Gott/schicksal? Nichts/Zufall?) Das isch en ganz persönliche entscheid und dä isch unterenandr z akzeptiere. öbs jetzt christ, moslem, hindu oder sunscht was isch, wüsse was d wohrheit isch tuet niemer... wenn mr tod sind, sin mr denn gschiider... aber bis döt ahne sotte mr alli respektiere und nüüt usschliesse! Wie scho erwähnt isch, Mensche sin nid perfekt.. keine so vill zu mine religiöse weisheite  1 mal bearbeitet, zuletzt Do 10.11.05, 19:28 |
| Calvin2kDo 10.11.05, 20:45 | religion is poison.. |
| JacquesCousteauDo 10.11.05, 21:33 | religion isch jo eigentlich us däm entschtande zum em läbe e sinn zgäh oder um d angscht vor em tod z verliere. mi stört religion nit solangs für die obe stehendä funktione brucht wird. was i aber scheisse find isch wenns zu idiotische krieg wäge irgendwelche meinigsverschiedeheite zwische religione chunt. ebefalls scheisse isch, dass es organisatione git wo sich d gutgläubigkeit vo gwüsse lüt zu nutze mache um druss profit z schlo, wie das bi dr kirche dr fall isch. 1 mal bearbeitet, zuletzt Do 10.11.05, 21:34 |
| sessleSa 12.11.05, 16:08 | hey. das isch jo e richtig hefitigi diskussion  Also ehm.. es isch gseit worde, dass me als christ in dr Kirche hockt und partyfiire abgschriibe isch.. FALSE!! denn ich bin au christ und glaub vo ganzem Härze an Got, als min Schöpfer und all däm wo drzueh ghört! Trotzdäm gseht me mich am fiire und mis Hobby isch immer no Lache. Ich gang au gärn ind Kirche (also wenn me das Kirche nenne cha, denn ich gnag nid in e Katholischi Kirche, wo dr Ort sälöber zählt sondern in d Frei Evangelischi Gmeind basel, ICF Basel, Basilea, Gellertkirche Basel, EGB Basel... die händ lüt wo d Krche bilde und nid s gebäude abäte oder so e glaubensbekenntnis bruuche, sondern inneri Überzüügig, dass es Gott git und sie drah glaube) Ich lieb Partys und die Lütlis au!!!! ich kenn nur sehr wenigi, wo eifach nid gärn gönd. Aber es git au nid Christe, wo nid an Partys gönd. find ich kooomisch, dass es am Glube oder an Religione muess liige  Ich bin au in Konfunterricht und ich mues saage ich bin dört au noni überzügt gsi, das die das ärnscht meine. ich weiss es au nid, abr Gott isch dr einzig, wo gseht, was im innere isch und das kann kei Mensch gseh. Es git immerno Christe , wo sich vollkomme falsch benämme und eifach druf loos missioniere und somit alli, wo nüt drmit zdueh wänd ha, als Missionsopfer darstelle! Es isch scho nid grad so guet, aber ich ka die chli begriffe. Es lost jo süsch keine zueh. Aber ich mach das nid eso! Denn das schreckt eher ab , als "z`überzüüge". Es git sönigi, wo aber uf das aspräche und denn hets jo au sis "guete" nei spass bei seite. oder ebbe au nid! ich ha sehr viil Spass, wenn ich ind Kirche gang und ich gnag au gärn mit dene eins go trinke und go fiire, feschte und seich mache! Christe kömme nid vom Mars oder so. jo und ich ka das immer noni zämmebringe, dass Glaube und Religion s gliiche isch isch aber e längeri Gschicht! Und das Glaube kei Wüsse isch stimmt scho, abr au nid. Denn die wo glaube, die wüsses vom innere us.Du kasch jo dim Partner au nid bewiise, dass en liebsch. Das weiss är nie, sondern glaubts und hoffts, oder?! läset mol Hebräer 11,1: Glauben heisst vertrauen,und im Vetrauen bezeugt sich die Wirklichkeit dessen worauf wir hoffen. Das, was wir jetzt noch nicht sehen: Im Vertrauen beweist es sich selbst oder Was ist denn der Glaube? Er ist ein Rechnen mit der Erfüllung dessen, worauf man hofft, ein Überzeugt sein von der Wirklichkeit unsichtbarer Dinge! es git no anderi Übersetzige  |
Als angemeldeter festzeit.ch Member kannst du Themen erstellen und auf Beiträge antworten.
Infos/Hilfe » ©