Festzeit.ch Forum » Politik / Religion » Volksinitiativen
| Autor | Beitrag 76 - 90 |
|---|---|
| WidarSo 29.8.10, 03:20 | 1 mal bearbeitet, zuletzt So 29.8.10, 03:20 |
| phallusimpudicusSo 29.8.10, 12:03 | Das schliesst doch nit us, dass si sinnvoll sind. Genausowenig wie du seisch, dass me en, quasi "göttlichi" (unfehlbari), Ethik-moral in Form vo Gsetzt bewirke könni, kha me sage, dass die Gsetzt nämlig schlecht sind. Und in jenem afrikanische Dorf gits, oder wird womöglich öper geh, wo genau so agoht z interveniere gege die Vorgehenswiis im Vergeltigs-regelwerk. Ich weiss nit, öb, wenn ich Bewohner in besagtem Dorf wär, und dört ufgwachse wär, nit anderscht denke würd wie jetzt. Aber me muess au gseh, dass die Assicht won ich vertritt, au het miesse irgendwie entstoh. Vo dem her isch das durchus au dört möglich. Mir sind jo ineme ewige Wandel begriffe. Bi uns schiine einige Lüüt wieder nach rabiatere Vorgehenswiise ztrachte, und dört stönd sie vil. grad an dem Wendepunkt wo si sich uf anderi Anschauuige besinne. Wenn de weisch, was i mein. ------------------------------ Notürlich kann me nit alli berücksichtige, aber me kha alles uf en usglichene Nenner bringe, das mien mr, anderi Möglichkeite hen mr nit. Do miesste me eig. fascht wieder en Gott ha^^ --------------------------------- Wenn me vom euopäische usgoht, so hän si zumindest dene usgarbeitete Gsetzt miesse zuestimme. Inwiefern diejenige wo doderzue bemächtigt sind, sich nach dr allgemein Vorstellig ihres Volkes grichtet hend, weiss i nit. Do miesst me vil nomol übert Biecher, aber als Präliminär-status isch das, find ich, durchus zakzeptiere. ----------------------------- Klar kasch mit einzelne Paragraphe in Gricht goh, kasch si beanstande, aber en ganzes Konzept, won ich, wie gseit, durchus sinnvoll isch, als Nichtigkeit und irrelevant z bezeichne, goht den en Schritt zwiit. --------------------- Kasch mr irgend en Link schicke vo dere "ARG" wo das stoht? I ha google scho zu Rate zoge, leider ohni Erfolg^^ Do du's anschiinend als Repression bezeichnisch, was jo negativ isch, sött me doch meine, dass de glücklicher wärsisch, würd me sich an das Menscherächt halte. Also ischs vil. doch es biz übereilt gsi, di ganze Kothuufe uf t Menscherecht z setzte, anstatt die Pünkt wo dr missfalle usezpicke. ----------------------------------- Nö, ich sag, dass es Land wo nit unter dere "Geissel" internationale Menscherechtsabkomme stoht, begünstigt isch, dr Niedertracht einzelner, redegewandte Profilneurotiker zverfalle. Not ohni Grund isch kurz nachem 2. Weltkrieg die europäischi Menscherechtkovention uf e Plan träte. Aber t Vorstellig isch wunderschön, dass Gsetz ellei vom Volk bewirkt wärde könnte, wo Grausamkeite ermögliche in dr Ahndig, aber nit zur Umsetzig fände, do sich alli mit Ethik beschäftigt hätte. Denn das isch unverzichtbar, möchti me Gsetz für mensche, vo Mensche mache. -------------------------- Allgemeingesetz wo doch höcht möglichi Rücksichtnahm uf die individueli Verwirklichung vom einzelne Staat luege. Do sich wenig Mensche tiefer mit Selbstkritik und Zwiefel umgend, muess me dervo usgoh, dass s Volk wohrschiinlich derzue in dr Laag wäri Gsetz welä z schaffe, wo klar s affektiere Trachte nach vermeintlicher Gerechtigkeit, dergestalt, Barbarei würd verüssere. Dr Blick starr uft Füess achtend, und uf dr negschti Schritt, im einzige Bestrebe vorwärts zdränge, anstatt kurz innezhalte und dr Blick int Wiiti schweifezloh. (Anbei bemerkt wäri au, statt erer Senkig vom Wahlberechtigungsalter, en Erhöhig, nach mim Guetdünke, sinnvoller. ---------------------------------- Wie chönens alli Tier ha, wenns, augeschiinlich, nitemol gwüssi mensche hend? Und erklär doch au kurz, was dr Tod isch, damit ich verstoh kha, in welere Gestalt die Sühne dä mensch denn genau trifft? Mitleid muess meh nit immer erbringe. Aber versueche Verständnis für alli Faktore izbringe, damit me alli Faktore au in Rechnig stelle kha, süscht ischt Operation falsch. Wie in dr Mathemathik. Vergissisch bi dr Lohnabrechnig Stüüre, Köschte etc. abzzieh, ischs Resultat nüm authentisch. ---------------------------- Ebe, mir hocke fascht ufenand, wenn me t Flächi vo dr ganze Welt im Blickfeld het, und sind unseins. Wieso söll im Dorf bi de Eskimos nit en genau gliiche Disput laufe, desgliiche bi de Wüestebeduin. Und in philosophische Froge sind t Lebensumständ nit zwingend usschlaggebend für Formig jener Antworte uf besagti Froge. Wie überistimmend het dr Goethe sini phanteistischi Weltaschauuig im Buddhismus reflektiert gseh? Im Detail abwiichend, in dr Summe en ähnlichi Form bezeichnend. Wenn du dich notürlich inneme Kriesegebiet dich diner Huut muesch erwehre hesch nit immer dr Luxus so schalte und walte zkönne wie des in Friedenszyte womöglich mache würdisch. Aber dini Ambtione nach dr Veränderig würde s Abbild dinere eigentliche Vorstellige si. Binere Revolution bspw. ---------------------- Wenn sich jede em vorgegebene, kulturelle Gedankeguet würd unterwerfe, wärs nitemol zur Ufklärig kho. Kulture verändere sich ebe au, aber hüüfiger gönd si eifach flöte, was au sehr schad isch^^ Und meh vergegewärtige sich dr "kategorischi Imperativ" Kants, soziemlich die tauglichschti Art jede z berücksichtige. Das setzt aber au wieder vorus, dass me zerscht emol die ufkommendi, eigeni Meinig, in Zwiefel zieht, reflektiert etc. ----------------------- Jetzt verallgemeinerisch aber du. T Mensche, wenn me Queerschnitt zieht, jä. Aber es git sicherlich Individue, wo sich dene Dräng enthalte könne, oder sogar ufrichtigi, gliichsam natürlichi Ablehnig gege die "Todsünde" hend. Und wenns t Usnahm git, so zeigt das doch, dass es möglich isch. Ich setzt jo irgendwie uf en Art uft Evolution, wo uns no es biz mehr Verstand schenkt, sodass mr unssere Platz und unseri Wirkig uft Natur allumfassend behandle könne, und dr Radius ums eigene Ich, sich vil. uf die ganz Welt (vorsicht, schwelgerisches, naives Wunschdenken^^) uswiited. Denn wäre mr wahrlich en Ebebild voneme Gott, im Sinn vo dr Wiitsichtigkeit. Aber mir hätte au t Iisciht und t Bescheideheit das nit usznutze. ------------------------------ Am bestens wär's, man täte erstmal NICHTS.^^ Und denn duet me nachere ordentliche Bednkzyt nach beschtem Wüsse und Gwüsse handle. Dr Glaube isch Weg, dr Wille isch aber no do? Hmm, sicher schwierig sich das eso z bewahre.^^ ---------------------------------------- T Natur zur Gottheit erhebe isch au in mim Sinn. Phanteist halt^^ Und zum Glück lebe mr zunere Zyt, wo me dem nochgoh kha. --------------------------------- Öpis vom wahrlich schöne wäri aber die dünni Besiedlig vom mensch gsi. Einersiits hesch scho irgendwie recht mit dr Technologie, anderersiits ischs au grad das wo dr Reit usmacht, irgendwie, Ambivalenz halt^^ Aber Summa summarum nit würklich en Ort sich ahnezwünsche... ------------- Ich beloss es glaub bi dere Darstellig, nach dem Brimborium woni kha ha dr Tekscht z entwussle  Es isch chronoligisch agordnet, dürfti also keini grosse Schwierigketei bereite. |
| FinalResistanceSo 29.8.10, 13:57 | Halt doch s'muul als ob di mischt irgendöbber läse würd Bsorg dr mol e fründin, vielicht musch di denn nümm so ufblose du pappnase, haltet jo kei mensch us dis sau dumme geschwafel 1 mal bearbeitet, zuletzt So 29.8.10, 14:02 |
| phallusimpudicusSo 29.8.10, 14:39 | Ach so viel Zuwendig vo dir, ich wird no ganz rot und füecht, bitte hör uf^^ Und wär brucht en Fründin wenn er öper wie dich het |
| FinalResistanceSo 29.8.10, 14:54 | Zitat: phallusimpudicus Würd dr gärn no kli meh zuwändig gäh, wämmer uns neume träffe?Ach so viel Zuwendig vo dir, ich wird no ganz rot und füecht, bitte hör uf^^ Und wär brucht en Fründin wenn er öper wie dich het |
| phallusimpudicusSo 29.8.10, 17:01 | Dini ganze, quasi argumentfundierte, Hasstierade gege mini person und denn sone Zug? Herzlichen Glückwunsch, sie haben sich gerade selbst degradiert! |
| FinalResistanceSo 29.8.10, 20:41 | Zitat: phallusimpudicus ach chumm gib mr doch e change, wirsch seh so schlimm bini gar nid. träffe mr uns doch bim wasserturm ufm bruederholz obe, ich bring sbier mit!Dini ganze, quasi argumentfundierte, Hasstierade gege mini person und denn sone Zug? Herzlichen Glückwunsch, sie haben sich gerade selbst degradiert! |
| WidarSo 29.8.10, 21:19 | Zitat: phallusimpudicus und was machsch wenns ganz eifacht kei gmeinsame nenner git? dä gits nämlich nid...Notürlich kann me nit alli berücksichtige, aber me kha alles uf en usglichene Nenner bringe, das mien mr, anderi Möglichkeite hen mr nit Zitat: phallusimpudicus sofilli weis hets nie e volksabstimmig gäh öb mer d menscherächt aktzepiere wänd oder nur gwüsi teil als sinnfoll erachte... ebe wills per definition allgemeingültig und nid kündbar isch.Wenn me vom euopäische usgoht, so hän si zumindest dene usgarbeitete Gsetzt miesse zuestimme Zitat: phallusimpudicus d politiker meinsch wohl. unseri "volksverträter"Inwiefern diejenige wo doderzue bemächtigt sind, sich nach dr allgemein Vorstellig ihres Volkes grichtet hend, weiss i nit  hesch aber jetzt nid ärnsthaft s gfühl die verträtte unseri inträsse oder?^^Zitat: phallusimpudicus findi nid. wenn immene gsamtwärk e teil falsch isch und s gsamtwärk nid veränderet wärde chan, muesme wohl oder über s gsamtwärk in frog stelle, sälbst wenns gueti sache dinne het.Klar kasch mit einzelne Paragraphe in Gricht goh, kasch si beanstande, aber en ganzes Konzept, won ich, wie gseit, durchus sinnvoll isch, als Nichtigkeit und irrelevant z bezeichne, goht den en Schritt zwiit. Zitat: phallusimpudicus arg = anti rassismus gsetzKasch mr irgend en Link schicke vo dere "ARG" wo das stoht? I ha google scho zu Rate zoge, leider ohni Erfolg^^  http://www.admin.ch/ch/d/sr/311_0/a261bis.html die einzelne pünkt in de menscherächt widerspräche enand. au e rassisischi ussag unterligt de freie meinigsüsserig Zitat: phallusimpudicus i nimm jetzt moll ah das du ufe nationalsozialismus ahspilsch. nid dasmi jetzt füre rächtsradikale haltisch, aber d hitler isch im dütsche riich demokratisch gwählt worde. en putsch wäri demokratiefeindlich gsi. nur het de hitler nach es paar johr d demokratie durch usrüefig vom kriegsrächt faktisch abgschafft. aber das heisst no lang nid das nur wäge däm schlächte bispil woner abgäh het nie me polarisierindi lüt mit charisma gwählt wärde dörfe. sälbst wenn das zu ungunste fonere chleine menschegruppe wie z.b. de zigüner oder de jude wie damals isch.Nö, ich sag, dass es Land wo nit unter dere Geissel internationale Menscherechtsabkomme stoht, begünstigt isch, dr Niedertracht einzelner, redegewandte Profilneurotiker zverfalle Zitat: phallusimpudicus und wär kontrolliert was für sunschtigi allgemeingültigi gsetzt no gschaffe/ veränderet wärde? do gsehni d gfohr fome missbruch fill meh als binere chleine eigeständige demokratie wo nach em eigene ermässe gsetzt schafft/kippt.dass s Volk wohrschiinlich derzue in dr Laag wäri Gsetz welä z schaffe, wo klar s affektiere Trachte nach vermeintlicher Gerechtigkeit, dergestalt, Barbarei würd verüssere Zitat: phallusimpudicus geistig gstörti gits überall. au im tierrichWie chönens alli Tier ha, wenns, augeschiinlich, nitemol gwüssi mensche hend? Zitat: phallusimpudicus dr tod isch s änd fo allem. s ewige nichts. es existiert keinerlei seele wo unstärblich wäri. dr ganzi charakter, s wäse wone mensch usmacht isch elei d summe fo de erfahrige, wünsch, erläbniss und schlussfolgerige wome erläbt het. gspeicheret isch das alles im hirn. wird das zerstört verschwindet au alles wo dä mensch usgmacht het. me wird rästlos vernichtet...Und erklär doch au kurz, was dr Tod isch, damit ich verstoh kha, in welere Gestalt die Sühne dä mensch denn genau trifft? wird anere person s läbe graubt isch das öppis ändgültigs. öppis wo nie me rückgängig gmacht wärde chan. die mit abstand schlimmsti strof wome usspräche chan. s wäse vo dere person verflüchtigt sich. die person wird nie me gfühl empfinde chönne das isch nid verglichbar mit läbenslänglicher haft. Zitat: phallusimpudicus do bini nid iverstande. wenn du öpper vergewaltigsch isches follkomme egal wiso du das gmacht hesch. tatsach isch du hesches gmacht. wenn du z.b. betrunke öpper zu matsch fahrsch isches au kei used dasde betrunke gsi bisch oder?Mitleid muess meh nit immer erbringe. Aber versueche Verständnis für alli Faktore izbringe, damit me alli Faktore au in Rechnig stelle kha, süscht ischt Operation falsch. Wie in dr Mathemathik. Vergissisch bi dr Lohnabrechnig Stüüre, Köschte etc. abzzieh, ischs Resultat nüm authentisch. Zitat: phallusimpudicus die masslosi arroganz über alli mensche walte z welle isch e eigeschaft fo unsere "modärne" gsellschaft. ame eskimo würds nie in sinn cho allgemeingültigi gsetzt z ferabschideWieso söll im Dorf bi de Eskimos nit en genau gliiche Disput laufe, desgliiche bi de Wüestebeduin. Zitat: phallusimpudicus klar verändere sich kulture au. aber veränderige innere kultur sötte immer us dr kultur sälber use cho bzw. sälber wachse chöne. d ufklährig isch nid fo usse zuegfüehrt worde, sondern d lüt hei erkennt das die idee besser sind als die alte religiös gfärbte.Wenn sich jede em vorgegebene, kulturelle Gedankeguet würd unterwerfe, wärs nitemol zur Ufklärig kho. Kulture verändere sich ebe au, aber hüüfiger gönd si eifach flöte, was au sehr schad isch^^ genau dorum funktioniert s demokratie mit gwalt bringe im irak/afghanistan jo au nid. das mues us de eigene kultur sälber entstoh. duets das nid isch d befölkerig deführ noni bereit oder dr ahsatz isch falsch für die entsprächendi kultur. Zitat: phallusimpudicus das wird nid funktioniere. d evolution isch e extrem langsame vorgang. mer müeste no x millione johr mindistens uf däm niveau blibe wo mer sind, das sich unseri körper/intelligänz apasse würdeIch setzt jo irgendwie uf en Art uft Evolution, wo uns no es biz mehr Verstand schenkt, sodass mr unssere Platz und unseri Wirkig uft Natur allumfassend behandle könne, und dr Radius ums eigene Ich, sich vil. uf die ganz Welt (vorsicht, schwelgerisches, naives Wunschdenken^^) uswiited. Zitat: phallusimpudicus fillicht irri mich jo au. schön weris ämel wenn mer nid zerst alles kaputt mache bis mer merke wie dumms eigentlich gsi isch. aber i bezwiflesDr Glaube isch Weg, dr Wille isch aber no do? Hmm, sicher schwierig sich das eso z bewahre.^^ Zitat: phallusimpudicus pantheismus isch e guete asatz wo aber nid bis z änd dänkt ischT Natur zur Gottheit erhebe isch au in mim Sinn. Phanteist halt^^ wenn d natur göttlich isch, isch alles göttlich, da alles natur isch. wenn alles göttlich isch, wird dr begriff "göttlich" bedütigslos. wie in dr mathematik wome e faktor wo in zähler und nenner vorchunnt, chürze chan Zitat: phallusimpudicus wemmes so ahluegt isch dr mensch ganz eifacht e schädling im system natur. es git nur wenigi läbewäse wo sich abartig verbreite bis ihre läbensrum z chlei wir, und nur überläbe chönne durch d neuendeckig vo neuem läbensrum.Öpis vom wahrlich schöne wäri aber die dünni Besiedlig vom mensch gsi. Zitat: Antagonist wennd fründe suechsch gang zum sozialamt oder zur heilsarmeeWürd dr gärn no kli meh zuwändig gäh, wämmer uns neume träffe? im forum dumm umezstresse zeigt nur uf wellem geistige niveau du dich befindisch |
| phallusimpudicusMo 30.8.10, 11:20 | Nei ebe, gemeinsame gits nit, das wär dr Zytpunkt wenns würd heisse "Adieu Individualismus", mir sind eifach zvil als das alli könne berücksichtigkt wärde, unter so mien mr jo au inere Demokrtaie handle. ------------------------------------------- Also t Vertreter vom Volk hens miesse, in wiefern sie das gmacht hend, wie scho gseit, weiss i nit. ------------------------------------ Sicher nit alli, aber gwüssi hen ganz eifach s Wohl vom Volk vor Auge und dien nach dere Prämisse vorgoh. Und das isch au nüt schlechts. (Grad wenn du au seisch, dass Dummheit grosszügig gsäht sig unter ihne, muess me sich froge: Ohni Ischränkig alles zueloh, oder doch zum Selbstschutz, oder Schutz anderer übert Köpf, im Grobe Regelwerk, eigemächtig entscheide? Also sofern das Lüüt sind wo sich scho hend miesse bewiise, als nit unzulänglich bildeti und intelligenti (i weiss., isch kei garant für en ethischs Verhalte) Politiker, denn unterstütz ich das) --------------------------------- Wieso s Gsamtwerk in Frog stelle? Me kha doch au t Irreversibilität in Frog stelle und vorallem dört vorgoh? -------------------------- Meinsch nit es kunnt do au druf a wie, dass das güseret isch? T SVP meldet sich jo au nach wie vor zu Wort. Wenns afoht volksverhetzend zwärde, denn isch das au nüm okay. Me kha sini Meinig vo au sachlich bibringe. Und wenn me, weiss nit, "scheiss soundso" usehaut, denn isch do nüt sachlichs, faktischs me derhinter. "Fortiter in re, suaviter in modo" ------------------------------- Das frogt sich ebe. Zu Ungunste voneme Volk, in dem Sinn, dass si schikaniert wärde, nur will sie do sind, dörf eifach nit passiere. Du haltisch anschiinend viel uft Freheit und uft Demokratie. Vo jedem. Au wenn durch die ganzlichi freiheit anderi mien afoh zruckstecke? Nüm frei sind? Verhetzt wärde? Glichzytig seisch nämlig au, dass t Dummheit vom mensch siegt (und zwar if grad mehrerne Ebene, sag ich, du wohrschiins au). Das heisst doch irgendwie, dass me sich mit em Untergang abgfunde het. Wenn die eigeni Vorstellig vo Freiheit dr Weg fürt Dummheit bereitet wo sich denn gwaltsdam Weg breche wird, aber me will die Freiheit trotzdem vollends loh, denn luegt me eifach zue. Dorum gsehn ich au grobi Gsetzt, denn so viel sinds au nit, als notwendig. Denn trotz denne ischs em einzelne möglich sine Interessene nochzgoh, es sig denn es handelt sich doderbi ums abschlachte vo Mensche, oder ums Verhetze vo Mensche, s Quäle vo mensche etc. Und wenns eim würklich wichtig isch, denn kann e an de einzelne Artikel rüttle und sich isetzte derfür, dass bi denne öpis nit kha stimme, Widersprüch ufzeige, oder so. -------------------------------------------- Hmm, guete Iwand, es miesst eig. fascht en rat der Weisen geh wo da absegnet. Oder sage mr, die friedensfreudigschte Aktivischte segnes ab. Am Schluss muess es e Mensch, oder en Menschegruppe si, wo's absegnet. Aber die Lüüt wo die Recht mache, hen durch ihres Handle keinerlei Aspruch uf Macht, do si nut mit Ihschränkige arbeite. Si besitze kei Land wo si die högschti Regierig wäre und en Armee hätte, t Möglichkeite anderi z unterwerfe. Dorum denk ich, dass vo derlei Lüüt vil weniger Gfohr usgoht, als wenn s Volk durch en charismatische Redner, möglicherwiis, es ganzes Regelwerk verändert und so ebe doch wieder sone Schreckenszyt erblühe lost. Und do gsehni de Weg entruumt vo Hürene, durcht Abschaffig der Menschenrechte. --------------------------- Tier chöne Mitleid aber nur bedingt awände, Tier miens zecks eigenem Üerblebe in allem Fremde zerscht emol en potenzieli Bedrohig gsi. Mir Mensche hen höcheri Kapazitäte das Mitleid azwände, unsere Verstand isch immene gwüsse Sinn Träger vom Mitleid in höcheri Sphärene. --------------------------------- Das wüsse mr jo ebe nit. Aber gön mr emol dervo us, dass du recht hesch: Was isch denn genau t Strof, wenn keini Empfindige me könne herrsche wo das als Strof ufnähme? In dr Quintessenz duesch du dini eigeni Gier anch Grausamkeit bediene und t mensche quäle wo dem Täter nochgstande hend. Viele Täter sind nämlig liebendi Familieväter, wo Kinder hend. Das sind, nach dinere Theorie die eigntlich Gschädigte. Nebscht dem, dass s Schlimmschte wohl eher wer (für dr Täter) wenn er miessti im Gwüsse Lebe was er gmacht het, dass die ganzi Welt ihn verachted. Die schwer lastende Blick siner Familie. Nach dinere Theorie en wesentlich grösseri Strof. Do duesch dr Psyche und dr Möglichkeit ihrer Erkrankig aber sehr wenig Bedütig bibringe. Neme zbsp. Tourette-syndrom. Isch harmlos, do diejenige nur mit Schimpfwörter und Zuckige um sich werfe, die könne sich desse aber nit erwehre. Jetzt nähme mr en psychischi Erkrankig wo en Täter vo soneme Verbräche, möglicherwiis, het. Kasch du sis ganze Wese bestrofe, wenn er ufgrund vonere Erkrankig ghandelt het? Ich denk nei. Ich hau au keim Tourett-kranke eins int Fressi, will er mich Arschloch gnennt het. Nit bevor i überprieft han, worum er das gmacht het(falls er nämlig kei Touett-kranke wär!!!!)^^(Nei au denn wohrschiinlich nit..) Do wär denn das Gliichnis wieder usserkraft gsetzt; Tod für Tod. --------------------------- Wenn öper nit us Arroganz sondern us Vernunft handelt, wome dem Unterfange durchus unterschiebe kha, denn isch das en Berechtigung. Ich bin au en sehr Freiheitsliebende Mensch, würklich usserordentlich. Ich finds zbsp. sehr berfremdlich worum me nit eifach dört anne uf dr Welt laufe, wo me will, ohni, dass me sich dr Bürokratie opfere muess^^ Aber das find ich guet, will's mir nämlig Freiheite sicheret (mehr oder weniger). Du meinsch wohl izführe? Er würds, denki, wohl sicherling begrüsse, wenn er opfer vo Unterdruckig worde wär, in sim Land. Oder lueg zbsp. aktuells Bispiel in Russland a (also noch wie vor aktuell); T tschukte mache jetzt scho durchs dütsche Fernseh uf ihri Benochteiligung ufmerksam, en Steppevolk wo durcht Russe Annexion erfahre hend, die ganz Kultur vo ihne zerstört, teilwiis sogar t Sproch. Eskimos hend die Problem nit (usser vil, dass dr Alkohol ihre Untergang isch, wo nit durch ihres eigene Tue zu Tag gförderet worde isch). --------------------------------- Aber weli Möglichkeite werde uns durch die Ge-und Verbot gnoh? T Möglichkeit ent Ethnie abzschlachte? Z Dikriminiere. Brucht me das als Zuetate für en Kultur? Ich würds zwar nit begrüsse, bzw. mache/unterstütze, aber en Uswiisig vo Aghörige eines Volkes wo sich unagberocht verhalte hend, mehrfach, das sind jo Sache wo me drüber rede khan. Das verbietete z MR jo au nit. Aber alles wonere Kultur söll feernbliibe wird durch die Gsetzt gwährleischtet. Oder bisch du irgendeme Hobby gwahr worde, wo de nit kasch usiebe ufgrund von dene Gsetzt? ------------------------------- Klar, ich red au nit vo "hüüt uf morn", ich denk do scho in es Millione vo Joor, denn komischerwiis isch's Hirn vom vorzytliche Mensch, ineme relativ kliine Zytfenster, und ohni ersichtliche Grund, um mehr als t Hälfti gewachse. Worum? Me weiss es nit. Vil. irgendwenn. Uder nenne mr si besser, menscheähnlichi Wäse. ------------------------------------ Durchus wärs Schönschte, würde mrs erkenne, aber falls das nit dr Fall isch, miens halt Lüüt, wo's erkenne irgendwie gsetzlich verankere. So gsehn ich das^^ (Würd zbsp. ganz eigfach afoh bim Saustall wome mit sich bringt, dass me de ordentlich furtschmeisst, das regt mi echt uf) ---------------------------------- In allem wohnt en Kraft inne, wo tranzendental isch. Und alles beinhaltet die Kraft. Das heisst scho emol, dass dr mensch nit sich als wichtiger dörf neh. Und das isch scho en grosse Schritt. S Göttliche im Sinn vom "das über eim" wird bedütigslos, jo. Aber wenn du en Teil bisch vo dere Kraft, wo alles nährt, wo doch unerklärlich, transzendental isch, denn kasch du dich als Teil des Teils der Anfangs alles war, gseh^^ Und en Teil vom Unvergängliche, wie alles andere au. Und insofern wirds Wort göttlich, nit bedütigslos, sondern anderscht usgleit. ------------------------------ Dr Mensch isch en Schädling, faktisch gseh! Nur denk ich, dass es dr Droht zum natürliche Getriebe vo allem verlore het, dorum isch eins Worte. ich denk Tier füege sich i, wie sie sötte, will sie ebe das nit hend, wo dr mensch het, en Bewusstsi, verstand. So öpis doch Tolls, kann ich als mensch sage, lost ihn eifach zfescht t Natur usse Acht loh. Das miesst mer irgendiwe ändere. ---------------------------- Und merci  |
| LaFaTequillaMo 30.8.10, 12:23 | sry for spam abr bi erstuunt das tatsächlich fascht 2 siite mol kei spam koo isch im fz forum sondern e ärnschthafti diskussion naja: kei ahnig wär do will dasemm it 100'000 stimme kei volksinitiative mem ache ka, abr ich bi uf allfäll drfür und finds guet - so kas volk weningschtens sich au iiibringe und wenn 100'000 lüüt öbbis unterschribe, wirds wohl durchuus nid eifahc ohni sii |
| proletMo 30.8.10, 14:15 | es will do glaub keine das mä keini initiative me cha mache... es goht drum das wenn ä initiative ihnächunt das mä do besser sött überprüefe öb die initiative gege e anderi Verfassig/internationale Vertrag verstosst |
| holysmokeMo 30.8.10, 15:24 | kurz gseit, es brucht e mittel gege missbruch ^^ alli ässe moll e glace, aber wäge däm machtme kei initiative damit alli gratis glace bechöme... usser evt. de wo d glace produziert... und es paar verruckti. |
| LaFaTequillaMo 30.8.10, 18:37 | jo lüüt abr was heisst scho missbruch? wenn 100'000 lüüt öbbis zuestimme, kas schlussändlich au nid *dr gröschti müll* siii. das mitm minarett hättme zB vllt au nie dänkt eso.. |
| holysmokeMo 30.8.10, 19:40 | ach, genau das miter minarettinitiative isch sone bispiel wos gfailt het ^^ 1 mal bearbeitet, zuletzt Mo 30.8.10, 19:40 |
| LaFaTequillaMo 30.8.10, 21:06 | Zitat: holysmoke wieso?ach, genau das miter minarettinitiative isch sone bispiel wos gfailt het ^^ will du es scheisse findsch und es halt nid dini meinig wiederspiegelt? isch ja schön und guet abr dmehrheit sind ahlt enere ander emeinig gsii bzw. hän eifahc gnueg vo däm LINKE-GELABER ( das isch jetzt ufd partei bezoge ) und du kunnsch drmit nid klar, abr was het das drmit ztue das volksentscheid au nur zur "diskussioN" stoo sölle? |
Als angemeldeter festzeit.ch Member kannst du Themen erstellen und auf Beiträge antworten.
Infos/Hilfe » ©