Festzeit.ch Forum » Politik / Religion » Abstimmung Personenfreizügigkeit Ja oder nein?
| Autor | Beitrag 1 - 15 |
|---|---|
| katyholmesMo 19.9.05, 13:03 | hey für was werded ihr abstimme? |
| rosickyMo 19.9.05, 13:06 | NEI NEI NEI NEI NEI NEI NEI NEI NEI!!!! |
| KissMyAirsMo 19.9.05, 13:07 | chasch dis nei begründe? |
| katyholmesMo 19.9.05, 13:10 | ich chas voll nöd sege.. bi vo beidem überhaupt nid überrzoge.. han dArena gluegt, und immer die site wo gred het hani müesse jo genau sege.. am liebste würi gar nöd go stimme, wieli echt hinder beidem nöd stoh chan, aber min dad risst mer min chopf ab wenni nöd go abstimme go! |
| CarinschenMo 19.9.05, 13:11 | wenni chönt wäri au für nei |
| KissMyAirsMo 19.9.05, 13:13 | füllschs nid us und reichschs aber dr "stimmbeteiligung" zlieb ih... eifach leer lo, denn hesch au irgendwie abgstumme... ich glaub ich bi ebe für Jo.. irgendwo dure findi an beidne site öbis woohrs.. aber hinder dr SVP chönti uf kei fall stoh! |
| WäberMo 19.9.05, 13:14 | Ganz klar NEI!! mini meinig: bi dr Jo-siite heissts immer, dass denn arbetsplätz gsicheret wärde, wenn me sött jo stimme!! jä wie denn bitte?? wenn me jo stimmt, denn chömme eifach no meh usländer in d schwiiz und nämme uns d arbet ewäg und wenn si denn do anechömme, denn dörf au no die ganzi familie vo dene mitcho und uns denn uff em sack hogge und sich do verköschtige loh! das isch numme mol ei grund, abr find das dr hauptgrund zum ganz klar NEI stimme!! das wär MINI meinig!! |
| KissMyAirsMo 19.9.05, 13:22 | das stimmt jo nid, mein die "usländer" chöne jo nid eifach cho, sondern bruche do e stell... wenn sie kei stell vorwiise chönne bechöme si jo kei ufenthaltsbewilligung, arbetsbewilligung, was au immer.. und ich mein das isch jo jetzt scho so mit de elsässer.. und ehrlichgseit hani nid s gfühl das sich do gross öbbis ändere wird.. vilich fürd baubranche chönts schwirig wärde... ha irgendwie s gfühl, s chunt nid druf ah ob me jo oder nei stimmt! aber ich muess d unterlage nomol guet dureläse... |
| WäberMo 19.9.05, 13:24 | ok do hesch rächt mit dr arbetstell... ABER: wenn si do e stell becho hän, denn mien si si nit mol aträtte und dörfe denn trotzdäm e bstimmti ziit do bliebe und unseri sozialleischtige bezieh!! das isch dr unterschied!! |
| CarinschenMo 19.9.05, 13:31 | aber si sin doch denne biliger d.h. si wärde eher für jobs igsetzt wo me sich bi uns nid so drumm risst und denn sinsi au do... und evt. längt denn dä billiglohn nid für die ganz familie... aber ha mi ebe nid so mega informiert weli eh nonig cha stimme... |
| Calvin2kMo 19.9.05, 13:32 | ein klares JA! alles andere, wär falsch! oder eifach mongomässig!! |
| WoolshedMo 19.9.05, 13:33 | verdammt schwierig. uf die eint site verstand ich alli junge, wo kei job hänn oder am sueche sinn, und nei stimme. würd ich au so mache, mein gott, mer hänn z wenig arbetsplätz und denn seht me, dass billigi arbeitskräft us em oschte chönne cho - würd mir au dr nuggi usehaue. uf die ander site hets so vill sachverständigi lüt us dr wirtschaft (ich mein jetzt do nit unbedingt wirtschaftsbosse - isch klar dass die billigi arbeitskräft wänn! eher uniprofässore und so) und die versichere, dass es für unseri wirtschaft guet isch, wenn mer d personefreizügigkeit uswitet. nur jetzt - was stimme?? dütschland het mit dr öffnig vo ihrem arbetsmärt halt ebbe problem becho (zum e bispiel nenne). bi däne isch d arbeitslosigkeit sithär agstiege, also nit grad unbedingt e guete wäägwiiser für unser land. usserdäm: d befürworter, allne vora d gwärkschafte (doppelspiel wo die eimol mehr spiele!!) und economie-suisse übertriebes eifach - was söll die riese kampagne? so öbbis schüürt doch au unsicherheit... ich glaub trotzdäm nit dass si e eigegoal wärde schiesse. das ganze wird agnoh, und zwar mit öbbe 53%! @corinli: hmm... sogar dr bösi blocher isch drfür!  wär doch schön, wenn me sich die eigeni meinig würd bilde, und nit eifach numme s gegeteil vo dr SVP seit - so chömme mer niene ane! |
| SuSuMo 19.9.05, 13:34 | also ich stimm au für NEI! Will i finds eifach s* wenn den schlussändlich die gsamti familie do sitzt und je nach däm nid mol alli göi go schaffe - user dr vater oder so...! schlussändlich finanziere mir den dr räscht vo dr familie! userdäm hei mir scho e gnueg grossi rate an arbetslosigkeit (jetzt muess mer eifach keine cho und säge: aber wer macht den dr strosseputzjob oder putzfraue und so...)und wenn mir den eusi "gränze" no mehr öffne, de wird die zahl no mehr stige!!! so das isch mini meinig!  1 mal bearbeitet, zuletzt Mo 19.9.05, 13:35 |
| katyholmesMo 19.9.05, 13:36 | hey aber wenn en Usländer e Stell überchunt, vor em Schwizer, obwohl er kei dütsch cha etc, dää isch de schwizer selber schuld dass er denn so schleht isch, wiel ich mein me nimmt i de schwiz immer zersch schwizer. |
| WäberMo 19.9.05, 13:36 | Das stimmt, vor allem sin jo die sogenannte "bimbo-jobs" hüt au bsetzt, ha ämmel no nie neume e inserat für so öbis gseh etc.!! und ebe, do hesch au rächt Woolshed, gwüssi länder wie z.B. ebe düütschland, die bereues jetzt, dass si das dazumals agno hän, s gliiche isch gsi mit schenge, die dütsche etc. hän das au bereut!! @katyholmes: das isch jo au rächt so, dass me zerscht dr schwiizer nimmt, isch jo schliesslich unser land do!! 1 mal bearbeitet, zuletzt Mo 19.9.05, 13:37 |
Als angemeldeter festzeit.ch Member kannst du Themen erstellen und auf Beiträge antworten.
Infos/Hilfe » ©