Festzeit.ch Forum » Politik / Religion » Abstimmung Personenfreizügigkeit Ja oder nein?
| Autor | Beitrag 16 - 30 |
|---|---|
| tschugileMo 19.9.05, 13:37 | weni chönnt e klares JO !  |
| SuSuMo 19.9.05, 13:37 | @ katyholmes...do wär i mer nid so sicher, klar wärde sich nid so vill schwiizer ume job bewärbe für d'kasse im migros...aber dört wo ich wohn - si öpä 75% alles elsässer! das chas jo au nid si! |
| katyholmesMo 19.9.05, 13:38 | sproblem isch doch eifach dass die usländer so oder so chömed... wenn mers aber nöd ahnehmed schnüreds üs wohrschinli de hahne zue. und deshalb müessti jo stimme. aber das schisst mich eifach ah, wenns heisst jo me het die frei wahl wenn das gar nöd stimmt. Klar het merr dwahl aber mit riese Konsequenze und das findi eifach so denebed! |
| SpartanerMo 19.9.05, 13:38 | tschugile mit däre firma wo du schaffsch isch au nüt anders z erwarte... vo mir uss au e jo! |
| WäberMo 19.9.05, 13:39 | novartis beschäftigt dänk jetzt scho ilegal pole!!  |
| katyholmesMo 19.9.05, 13:41 | @wäber jo ebe, meini au, aber denn isch de schwizer selber schuld wenner nöd gno wird. muener sich ebe me in arsch chlübe! @susu jo ebe,wiel sich schwizer schad defür sind, es ihne zwenig lohn isch(dusländer sind zfriede), und wenn sich en schwizer bewerbe wür, denn würdeds ganz sicher de schwiizer ne! Min vater isch personachef bimne Paketzentrum Post... und jo die meiste wo päckli umebieged etc sind usländer.. und zwor wiels praktisch kei scchwizer het wo da mache wönd. |
| katyholmesMo 19.9.05, 13:42 | und wieso seisch du jo nicksalabim? ich weiss es jo nöd :/ |
| Calvin2kMo 19.9.05, 13:44 | i finds nid korrekt, wenn jungi jommere, dass si kei stell finde! wenn si sich würde richtig in arsch klemme, denn würd me immer öbbis finde!! aber die meischte, sin mr doch ehrlich, sin zfuul dezue! und dass etz en 50jöörige polak chunt und eme 20jöörige topusbildete junge chunt go d stell wäg nä, glaubi au nid  das isch eifach e top-angstmacherei, vo wege stelleknappheit etc.. das het GAR nüd ztue mit dr Osterwiiterig! zudem isch jo d PF-erwiiterig bi de, für d CH am wichtigschte, grosse länder scho in takt! Dütschland, Frankrich, Italie.. und hen mr problem mit dem?? für mi isch das ganze nur e Formsach! und mir sind jo keini arrogante Schwiizer, wo Mensche möchte dr Itritt ins Land verwehre, oder?? hen mr das nötig?? Nei! I bi für e offeni, fründlichi CH! Weg mit dem konservative Quark! das isch 18. Johrhundert-dänke!!! |
| WäberMo 19.9.05, 13:44 | @ katyholmes: das stimmt, abr worum isch sich e schwiizer z schad drumm das z mache, will är mit em arbetslose gäld no meh bechunnt, als wenn är so öbis würd mache und genau das isch dr fähler!! villi lüüt würde gärn schaffe, abr finde eifach kei stell und anderi hogge dehei uff em fuule ranze und bechömme stutz in arsch gschobe, abr das isch e anderi gschicht!! |
| KissMyAirsMo 19.9.05, 13:45 | @katyholmes: So vill ich weiss wirds glich si wie i de Staate, es mues glaub zersch "bewiise" wärde, dases i dr schwiz keini arbetschreft het, wo die Jobaforderige erfülle.. bi Profässore isch das jo no eifach dr fall.. aber süsch glaub nid.. @woolshed: nei dänk ich wird mr schono mini eigni meinig bilde.. ich bi eifach lang bi dr JuSo gsi und vertritt se au no zimli in dr meinig.. aber wie gseit ich ha mi no zwenig drmit befasst und cha dorum no zwenig vo minere EIGENE meinig rede.. was ich eifach weiss, wenn ich mol no ad fachhochschuel will muesi Jo stimme, wills mr so s studiere im usland fescht vereifacht!! |
| SpartanerMo 19.9.05, 13:45 | @wäber  @katyholmes will ich schaff in dr novartis und für die firma und für d wirtschaft im allgemeine wärs fatal wenn das abglehnt würdi... z gedänke müesst me natürlich au gäh dass wenns e nei gitt dass denn die mit klar jo abgstummeni schenge abkomme nit in kraft tritt..... |
| apaturaMo 19.9.05, 13:45 | isch no e rächt schweri abstimmig.... ich lueg halt ebe scho uf's bispiel vo dütschland, döt het's jo nit klappt. und wenn ich mir das in dr schwiz vorstell (obwohl ich jetzt sage mues das mini elter au als sessonarbeiter cho sind) find ich das eigentlich gar nit so e gueti idee. damals isch es wirklich so gsie, dass es viel z'wenig arbeiter ka het, und d'schwizer die jöbs halt nit händ chönne mache. aber hüt z'tag gits vieli arbeitlosi schwizer wo gärn würde die sch* jobs mache, drmit sie nit die ganzi zit de heime hocke. ich mues mir das persönlich nomol genau überlege, was ich stimm.... (aber wenn dr "bösi" herr blocher für es jo isch, mues ich mir ganz genau überlege öb ich jo stimm, will är khört inere andere gsellschafts schicht ah, und isch für mich s'parade bispiel vomene mensch wo hauptsächlich an sie wohl und das vo sinere gsellschaftsschicht dänkt) (han ich jetzt eifach mol wieder miesse useloh ) |
| WäberMo 19.9.05, 13:47 | @ branki, yess, dr blocher mues eifach jo sage, will är im bundesrot isch, dä würd suscht sowieso nei sage!! |
| immortalkingMo 19.9.05, 13:48 | also ich sag JEIN |
| KissMyAirsMo 19.9.05, 13:48 | @immortalking: guuuuueet! |
Als angemeldeter festzeit.ch Member kannst du Themen erstellen und auf Beiträge antworten.
Infos/Hilfe » ©