Festzeit.ch Forum » Politik / Religion » stimmrecht ab 16?
| Autor | Beitrag 46 - 60 |
|---|---|
| topqMi 10.10.07, 21:48 | S Problem isch, dass 16 Jöhrigi nur was sie in ihrem Alter betrifft wichtig finde. z.B.: liberali Drogepolitik, meh Jugendzentre, Hitzefrei, kei Krieg, liberali Usländerpolitik will si viel Usländerfründe händ(ich bi doch kei Rassischt) Aber mit 16 setzt me sich noni mit komplexe politische Problem usenand, z.B. AHV (für was die Junge hüt jo nur mönd bläche, ohni jeh öbis devo zrug z becho), Arbeitsmarkt (ja do seht me di Realität wenn me e Lehrstell suecht), EU, Stüürpolitik... In de Schuel han ich das selber miterlebt. Do diskutiere (schinbar immer die gliche Besserwüsser unterenand) über Politik. Über Gerechtigkeit und Globalisierig, schinbar isch alles ganz kompliziert, nid so populistisch eifach wies uns d SVP vormacht, wege dem söt me links si. Es sind jo au vor allem di Linke wos Stimmrecht 16 befürworte. Und vielleicht no d SVP (will sie mit Usländerfindliche Politik bi junge Schwizer wo emol e Problem mit usländische Mitbürger gha händ chöne punkte) |
| BlinkyBillMi 10.10.07, 21:52 | @topq het völlig recht die 16 jährige setzt sich für ihri interesse ih wo halt ehner deh linke entspräche!!!( ich will do aber kei parteie wertig abgeh!) und das würd das ganze eh chli verfälsche nur well es paar lüt sich ned gnau drmit befasst hen!!! das würd die linke stärke was die linke au freud aber ebe ob das bruchbari stimme sind... 1 mal bearbeitet, zuletzt Mi 10.10.07, 21:54 |
| herbertMi 10.10.07, 21:55 | ...ich verstoh s problem drhinter nit? es isch jo nit so das me seit: "ok do händr euers stimmrächt, dir müend jetzt immer abstimme" me stimmt bi denne sache ab wos eim interessiert...mängisch dänke au erwachseni wo keini kinder händ: "ah die neue schuelgsetz interessiere mii nit, ich stimm do drübr mol nit ab" und hey was isch falsch dra? ich find das isch richtig so..und das die linke vorallem wänd das die junge s stimmrächt bekömme isch mr au klar (was ich persönlich guet find) aber wenn d zuekunft linker wird syy..wird syy das..do ka die ganzi svp plus blocher nüt mache, denn in 2 johr änderet sich zwar viel aber nit e ganzi grundmeinig.. |
| BlinkyBillMi 10.10.07, 22:05 | sie sölle s loh wie s isch 2 oor sin jo ebe ned so viel wie du seisch den cha meh jo au no warte und riffer wärde |
| herbertMi 10.10.07, 22:08 | do hesch mi falsch verstande...ich ha nie gseit das ich find 2johr sind e kurzi zyt..syy könne schnäll verbii go..aber au schlichend langsam.. und eifach so d zyt abwarte findi e ziemlich schwachs argumänt.. wieso nit scho jetzt im gschehe mitmische? denn wär sind in 20 johr d politiker? mir |
| SunparkMi 10.10.07, 22:14 | liebr ab 18, will ma sich denn mit de wahle genauer beschäftigt und ma au weiss, was d vorteil und nochteil drvo sind wenn ma nid allzu sehr intressiert dra isch, will ma au nid wüsse was d konsequänze sind es git sichr lüt die es genauso guet aluege wie mündigi abr das isch (leidr) e grossi minnderheit |
| StinsonMi 10.10.07, 22:20 | Ich verwiis nur uf mi biitrag  Ich finds s Stimmrächtalter 16 ok, denn s Argumänt, das si so beiiflussbar sind, find ich jetzt ned sehr ussagekräftig. Es git nämli au 30 Jöörigi wo das gönd go stimme was d Medie sage oder e Partei. Durch d Abesetzig vom Stimmrächtsalter wird sicher d Politik wieder gförderet und d Schuele kömme untere druck, das wieder z Unterrichte (Es Nennt sich Staatskunde, händ sicher scho alli köört) Mir näme s Biispiel Glarus, wo das ganze scho iigfüert worde isch, und het me bis jetzt vomene Skandal köört? Ebbe, es lauft genau glich witter! (Näbebemerkig:90% vo eure Argument laufe uf genau dr glich punkt use: No z unriff --> Isch me das scho mit 18?) |
| CrunkedMi 10.10.07, 22:37 | 1 mal bearbeitet, zuletzt Do 25.12.08, 12:58 |
| StinsonMi 10.10.07, 23:16 | Genau wäge so lüt möcht me stimmrächtsalter sänke, zum zeige das es in de Politik ned nur um Macht und Gäld goot, sondern um dini Persönlichi Zuekunft... |
| herbertDo 11.10.07, 12:18 | Dir händ jo nur ei Argumänt und das isch viel z schwach.. au mit 30/40/50 lost me sich no beihflusse..und wenn öpper d Jugend ind Politik ihbringe will..was isch falsch dra? Nit alli 16 jährige würdr d SP wähle do bini mir ziemlich sicher. @Parabola: also wenn du dii nit für d Politik interessiersch, denne isch das ellei dini Sach...und ich weiss nit mit was du alles für Lüüt verkehrsch aber ich könnt wette das die Lüüt wo ich kenn sich wohl für Politik interessiere, viellicht nit für d AHV oder süstigi Sache wo sie sich nit uskenne...aber für gnueg anders. |
| PetitJackBauerDo 11.10.07, 12:32 | Ig fing s Argument mit em "me isch mit 16 nonig z riif um go stimme" eifach hirnrissig. Werum söt me mit 16 nonig riif si um sis demokratische rächt go usziebe, aber riif gnueg um döfe sex z ha?? |
| TeRRorBiBerLiDo 1.11.07, 10:05 | minere Meinig noch isch 16 definitiv z frie zum stimmrecht ha... mit 16 stecke die meiste teens no mitte i de pubertät und wüsse no gar nit was sie emole wänd und wär sie eigentlich sind! hüt Punk nächst wuche hobby nazi und demm wider grufti.... und denn sölle die chönne entscheide wies mit de schwiz söll witer go? ne ne i find 18 scho z frieh wated doch no die 2 johr |
| EdHardyDo 1.11.07, 11:18 | NEI, ganz klar NEI zum stimmrechtsalter 16..und wieso? wells wahlrecht an d mündigkeit knüpft isch (friener 20), d.h. wemme s mündigkeitsalter nomol abeschrubt (vo 18 uf 16) denn ischs mr gliich...nur denn mues d jugend nit nur d recht sondern au d pflichte druss bekoh (z.b. awändig vo erwachsenestroofrecht)...alles andere wär rosinepicke 1 mal bearbeitet, zuletzt Do 1.11.07, 11:39 |
| ausundvorbeiDo 1.11.07, 11:38 | D mehrheit vo de 16 jährige wüsse viel z wenig vo de politik.. seit au en 16 jährige  aber das me z unriif isch und das me nit weiss wa me will isch glooge... dänk ich mol |
| NobelpreisträgerDo 1.11.07, 12:04 | Ganz klar drgege ! Au wenn ich nonig lang cha stimme/wähle und mit 16 scho einigermasse ufklärt gsi bi in sache Politik (au wäge Eigeinträsse !), 18 isch e guets Alter, denn isch me VOLLJÄHRIG, voll strofbar, Autifahre, Stüüre zahle etc. DAGEGEN !! |
Als angemeldeter festzeit.ch Member kannst du Themen erstellen und auf Beiträge antworten.
Infos/Hilfe » ©