Festzeit.ch Forum » Politik / Religion » Initiative gegen waffengewalt
| Autor | Beitrag 1 - 15 |
|---|---|
| FinalResistanceDo 23.9.10, 19:12 | Es wunderet mi dass es no kei Thread über d' "Initiative gegen Waffengewallt" git... Ich würd gärn wüsse was ihr devo haltet. Ja oder Nein? Persönlich bini ganz klar GÄGE d'Inititative us folgende Gründ... "Die Militärwaffe wird aus dem Kleiderschrank entfernt. Sie gehört in gesicherte Räume der Armee." I däm Punkt würdi mit mir diskutiere loh, dass eifach jede schwizer Bürger e Waffe im Schrank het will är Dienst gleistet het und in de meiste Fäll ungnüegend g'sicheret wird, find auch ich für sinnlos. Aber isch darum wirklich e Verbot nötig? Au däm standi kritisch gägeüber, jede lehrt im Militär als erschts wie me mit Waffe umgoht, wie sie gsicheret wärde und die MEISTE lehre de Respäkt vo ihre... Mit betonig uf de MEISTE, däne wo das nid oder nur unzuereichend lehre oder aber sich uffällig im Dienst verhalte, khört de Bsitz verbotte. "Wer Waffen besitzen, tragen und gebrauchen will, muss dafür den Bedarf nachweisen und die erforderlichen Fähigkeiten mitbringen." Das isch jo jetzt scho e so! Wär e Waffe uf legalem wäg erwärbe will brucht defür e "Waffenerwerbsschein", do derzue bruchts e schwizer Staatsbürgerschaft, s'18 Läbensjoor, e iiwandfreie Stroofregisteruszuug UND e Grund weshalb me e Waffe will! Keine wo das nid het, chunnt uf legalem wäg an e Waffe. Sitm Schengeabkomme isch s'waffegsetz nomol stränger worde! d' Fähigkeite kriege die Wehrpflichtige scho im Militär uf de wäg mit, für die untaugliche, sötte vo mir us e "Fähigkeitsuswiis" erwärbe chönne, di däm si eme Schützeverein biiträtte und usbildet wärde. Aber wie wird entschiede ob öbber d'Fähgikeite het? Het öbber gnueg Fähigkeite wennr weiss wie me e Waffe ladet, dureladet, entsicheret, zielt und schiesst? Oder wenn är Respäkt vo de Waffe het und vo däm was me mit ihre astelle cha? "Überflüssige Waffen, die in Estrichen und Kellern herumliegen, werden eingesammelt." Wär entscheidet welli Waffe unnötig isch und anhand vo welle Kriterie? Sind d'Waffe vom ene Sammler unnötig, nur will är nid mit ihne schiesst? Isch d'Waffe vom ene Biathlon läufer unnötig, will är jo au e andere Sport mache cha i däm nid gschosse wird? D'Waffe vo Sportschütze, sind die unnötig, nur will sie sich e kli e exklusivi Sportart ussueche bi däm sie e POTENTIELL gföhrliche Gegestand dehei händ? Verbietet Kampfsportler d'Füst und s'Wüsse wie me öbberem e Kehlkopfschlag git, wär das fair? Cha me genau so Autos verbiete, wär brucht WIRKLICH eins, was erreicht me nid au mit ÖVs und trotzdäm cha me es Massaker arichte mitme Auto... "Alle übrigen Waffen werden registriert, was die Prävention und die Verfolgung von Verbrechen verbessert." Legali Waffe SIND jo bereits registriert!! Und die meiste Verbräche wärde mit unregistrierte Waffe begange! D'Arugmentation vo Prävetion isch wiet här kholt, SUIZIDPRÄVENTION sötts schiins sii?! Um Suizid z'begoh brucht me KEI Schusswaffe, me cha sich vo ere Brugg stürze, ufhänge oder vergifte. Durch e Jo für d'initiative vo waffegwalt wird de Schwarzmarkt unterstützt, die mit Kiminellem Gedankeguet chömme wieterhin an e Waffe wärde jedoch nid registriert und chömme in de meiste Fäll ohni Konsequänze devo. Entwaffneti Bürger wo im Fall vo eme bewaffnete Übergriff sie Läbe und s'Läbe vo dr Familie schütze chönnte, wärde zu Opfer wäg ere total sinnlose Initiative wo nüd bringt und d'Kriminalität föreret. Minere Meinig noch bruchts härteri, VIEL härteri Stroofe für illegale Waffebsitz. D'Gfohr goht nur bedingt vo legale Waffebsitzer us, s'grössere Problem sind die Ilegale Waffe wo im Umlauf sind. 1 mal bearbeitet, zuletzt Do 23.9.10, 19:19 |
| holysmokeDo 23.9.10, 19:15 | denn müesstme automatisch au für droge sii... "wird de Schwarzmarkt unterstützt, die mit Kiminellem Gedankeguet" zerst settme villicht moll d produktion vo waffe verbiete, no kasi sich au nit imene ungünstige moment uslöse |
| FinalResistanceDo 23.9.10, 19:23 | Zitat: holysmoke Und sälbst wenn d'Waffeproduktion verbotte wärde würdi, Mensche bringe sich um sits d'Menschheit git, wenn sies nid mit ere Schusswaffe mache, benutze sie e Mässer, e Kabel, e Schleudere, Helebarde, Morgestärn, Axt, Schwärt oder e Holzknüppel.denn müesstme automatisch au für droge sii... "wird de Schwarzmarkt unterstützt, die mit Kiminellem Gedankeguet" zerst settme villicht moll d produktion vo waffe verbiete, no kasi sich au nit imene ungünstige moment uslöse 1 mal bearbeitet, zuletzt Do 23.9.10, 19:23 |
| D0paminDo 23.9.10, 20:58 | Zitat: FinalResistance oder si trampe dir eifach so lang in chopf bis tot bisch...Zitat: holysmoke Und sälbst wenn d'Waffeproduktion verbotte wärde würdi, Mensche bringe sich um sits d'Menschheit git, wenn sies nid mit ere Schusswaffe mache, benutze sie e Mässer, e Kabel, e Schleudere, Helebarde, Morgestärn, Axt, Schwärt oder e Holzknüppel.denn müesstme automatisch au für droge sii... "wird de Schwarzmarkt unterstützt, die mit Kiminellem Gedankeguet" zerst settme villicht moll d produktion vo waffe verbiete, no kasi sich au nit imene ungünstige moment uslöse  unnötigi initiative... De mensch tötet,ned d waffe! |
| WannaHaveFunDo 23.9.10, 21:55 | Also ich fänd das mit dr Waffeabgob ehrlech gseit au nid so schlecht... Ich bi im Militär und ha eini deheim. Die bruchi genau zwei Mal im Johr: Im WK und wenni gang go s'Obli schiesse. Ich gseh kei Problem, us dem Grund rasch im Züüghuus verbi z'luege zum sie go hole. Drfür bini d'Verantwortig los, mit eme Sturmgwehr deheim z'wohne. Sportschütze sin in Vereine wo sie schiesse. Es sott doch ohni Problem möglich si, dass me dört Waffekämmerli ihrichtet... Also wenn's bim Rauchverbot gange isch, dass me ganzi Lokale umbaut zum e Fumoire z'ha, denn cha me für Waffe au e persönlichs Schränkli ihrichte. Denn wär das Problem au glöst. Sammler, wo sage, sie hän ihri Waffe nur zum usstelle und nid zum schiesse, dene sotts in dem Fall au egal si, wenn ihri Waffe kastriert wird und Schuss-untauglich isch. Somit wär denn ziemlich dr ganz Markt abdeckt, wieso me sott e Waffe deheim ha. Blibt no eins: Die Illegale. Dört cha me denn genau so verfahre, wie me's mit de Droge macht (resp. sotti mache... *hüstel* do wird minere Meinig noch au z'wenig gmacht), nämlech nochegoh und ahnde. S'Argument, dass me sowieso nid alles cha kontrolliere, rächtfertigt nid, dass me seit, me lost's denn eifach grad ganz bliebe. |
| FinalResistanceDo 23.9.10, 22:08 | "cha me für Waffe au e persönlichs Schränkli ihrichte" Ich wott d'Verantwortig über mini Waffe nid an 3. übergäh und in irgend e iigrichtets "schränkli" stelle und me sött erwachsene wohl überloh sälber verantwortig für e waffe zha. Do gohts nid um irgend e Fumoire wo iigrichtet wärde muess, das isch öbbis komplett anders. "sie hän ihri Waffe nur zum usstelle und nid zum schiesse, dene sotts in dem Fall au egal si, wenn ihri Waffe kastriert wird und Schuss-untauglich isch. " Sorry was isch das für e Argumentation? Sammler investiere 1000igi vo franke in funktionierendi Waffesammlig mit womöglich limitierte oder historische waffe und denn wottsch du ihri sammlig kaputt mache? Eim wo Oldtimer sammlet würsch jo schliesslich au nid de Motor usm Wage usbaue, nur willr öbber demit überfahre chönnt? Me cha au nid demit argumentiere grad jegliche privatbsitz vo waffe zverbiete in händ vo pflichtbewusste sammler/hobbyschütz/sportschütz, wo doch s'problem demit alles andere als glöst wärde würd. Die Kriminelle kömme wieterhin problemlos an Waffe ane. Do muess khandlet wärde, härteri, viel härteri stroofe für unerlaubte waffebsitz |
| WannaHaveFunFr 24.9.10, 01:29 | In Bezug uf das Fumoire: Es goht im Vergliech um e Ufwand: Wenn me cha e ganzi Baiz umbaue, denn cha me au e Waffeschränkli in e Schiessvereinslokal stelle! In Bezug uf d'Verantwortig: Du chasch nüd an dritti abgeh, wo du nid hesch: Wenn dini Waffe im Vereinslokal im Waffeschrank glageret wird, bisch du au nid drfür verantwortlich. In Bezug uf Vertraue: Schienbar würdisch du dine Vereinskamerade nid vertraue, wenn dini Waffe im Vereinslokal in eme gsicherete Waffeschrank würd liege. Ich als dir gänzlich Unbekannte muss aber DIR vertraue, wenn du am Samstig ins Schiesstraining gohsch und das Ding in dr Täsche im Bus mit ume schleppsch? In Bezug uf Sammlige: Wer mit ere Waffe nid will schiesse, brucht au keini, wo CHA schiesse. Egal, ob legal oder nid! E Apotheker darf au dr ganzi Drogemarkt uffe und abe bstelle, er darf aber no lang nid weg dem deheim dr Chäller drmit zuebunkere und das dört "lagere"! Und wenn mr grad bi dr Argumentation sin: Das mit em Oldtimer, ja, das isch würklech e scheiss Argumentation! Denn bliebe mr grad mal bi Fakte: Vergliech mal: Anzahl Fahrzeuge / Anzahl Umfalltote (ich weiss, die Zahl isch nid so klei...) und vergliech mal Anzahl Waffen / Anzahl Schusstote. Und bi dem Vergliech simmer aber fair gell! Do rächne mr alles drzue, für was me Fahrzüg und Waffe brucht! Also in dem Fall bi de Waffe au jeglichi Kriegsmomente, well DENN stimmt dr Verglich nämmlech wieder. Wenn du e gwalts Waffenarr bisch und vo mir us au verantwortigsvoll drmit chasch umgoh, schön... Wenn de aber halbwächs logischi Gegeargumente zu dim Thread nid vertreisch, denn muesch nid in es Forum poste. Was hesch für Nochteil, wenn dini Sportwaffe nid bi dir deheim isch? Soll ein s'Vereinslokal überfalle? Dr Waffeschrank? Für das chani in dr Stadt bim Bürgin au eifach go e Schiebe ihschloh, dr Ufwand wär kleiner und ich hätt uf ei Schlag 5 verschiedeni Kaliber in dr Hand. Wieso willsch du dini Waffe deheim ha? Zum im Kolleg zeige? Well dört fohts nämlech meistens scho ah... Nid will me mag dr Makker use hänge, sondern well in genau solche Momente eifach Unfäll passiere mit Schusswaffe. |
| SheepherdFr 24.9.10, 10:04 | i hoff du redisch do nidt vo de schwizer kriegsmomänt... muess di entdüsche mir schwizer hei do leider e relativ nullativi quote. und will mr jetz jo nidt vo internationale quote rede will glaub d'schwizer e biz weniger morde als anderi söllsch mi bitte korrigiere wenn auti nidt meh mensche töte als waffene. söttsch lieber öppis gege suizid mache odr so will das biz meh opfer forderet  übrigens... es het jo jede maa in dem land e waffe dihei... das wäre so übere duume gschätzt 2 millione potentielli mörder. vo wieviel tötigsdelikt-mit-dr-armeewaffe rede mr do eigentlich? abr ärnschthaft... sött dr würkli alles vrbotte wärde wo de nidt bruuchsch? färnseh, auti, süessgetränk, spielsache (fuessball zb) richtig bruuche düemer würkli fascht nüdt in unserem läbe... mit kleider, brot und wasser wärs eigentlich scho do. und das isch würkli e scheisspolitik wenn jetz alles wo me nidt bruucht vrbotte wär... es isch jo nidt so als chönnt me bi uns eifach in waffelade spaziere und e scharfschützegwehr kaufe. mängisch hanni in dr schwiz eifach s'gfühl die lüt wo initiative starte missbruuche die möglichkeit eifach zum ihri karriere z'pushe. übrigens gseht mr das sehr nach öppisem us wo fraue würde befürworte will die eh angscht vor allem und jenem hei... und e kurze blick uf d'website vo dr initiative seit: fascht doppelt soviel fraue wie männer im komitee ihr müends für euch wüsse öb das ganze sinnvoll isch... i gseh scho cho dass mini grosschinder keini extremsportarte me dörfe mache wie snowboarde odr skateboarde will dört au zimli viel lüt vrunfalle... per zuefall uf eigeni vrantwortig abr egal |
| FinalResistanceFr 24.9.10, 11:21 | Me cha niemerem verbiete funktionsfähigi waffe z'sammle für usstelligszwäck, was macht e wärtvolls sammlerobjäkt us? Dass es UNBESCHÄDIGT und FUNKTIONSFÄHIG isch! Jetzt willsch du i allem ärnscht cho und de Sammler für die Waffe e investition sind die ganz sammlig kaputt mache wo über johrzähnte ufbaut worde isch und no NIE für kriminelli Zwäck benutzt worde sind? Wenn potentiell fähigi gegeständ im huushalt verbiete willsch, denn kasch de bsitz vo jedem gegestand mit däm me öbber ztod schloh, erstäche, erwürge, überfahre oder vergifte cha verbiete. Denn kasch de Thaiboxer, Boxer und andere Kampf"narre" wie du z'pfläge seisch dfüst, knü, kopf, ellboge und füess verbiete! Genau das reggt mi uf an dere Initiative gegen WaffenGEWALT" ich bi au gäge waffeGWALLT aber nid gäge de waffeBSITZ! Die Initiative suggeriert dass JEDE Waffebsitzer au mit ihne Gwalt usüebt! Lueg London ah, sit dört de Waffeverbot in Wraft trätte isch stiigt de übergriff mit Stichwaffe rapid ah! Jetzt sinds scho 175 übergriff mit Mässer PRO TAG! Es het rein gar NÜD brocht, im Gägeteil! Es het sich verschlimmeret! Wenn me Initiative gege Waffebsitz lanciere will, denn sötts au klar als solchi deklariert wärde, und nid unter em Deckmantel vom ene mehr als frogwürdige astieg vo dr Sicherheit! Die Initiative bringt rein gar nüd, de erwärb vo waffe wird sich komplett uf e schwarzmarkt verschiebe und jede wo e waffe wäg kriminelle Asichte will, chunnt au zu einere, nur dass mir denn mit lehre Händ do stöhn wenns mol zum ene bewaffnete Raubüberfall chunnt und s'eigentlich drumm goht si Läbe oder s'Läbe vo dr Familie z'schütze! |
| derElchFr 24.9.10, 11:47 | wieder so e links-initiative ohni festem Bode unter de Fiess... Mir fallt doderzue nur eins y: Zitat: Simpsons In Geschichte Nummer zwei möchte Lisa Springfield waffenfrei machen... 5 mal bearbeitet, zuletzt Fr 24.9.10, 11:48 |
| D0paminFr 24.9.10, 12:16 | es isch wie alles usem linke lager.. meh gsezt.. gege die würkli kriminelle wird nüt gmacht bevormundig vom bürger.. de normal unschuldig bürger wo alles nach gsezt macht bechunnt immer meh stei in weg gleit über ... wie mit de suv au.. Was de linke kei spass macht oder si dem hobby ned nochgönd wends verbiete.. irgendwie ischs in dütschland au mol so gsi das alles verbotte worde isch.. apropos dütschland.. die hend vell s härtere waffe gsezt und det passiere meh amokläuf...obwohl ide schwiiz vell meh waffe ned igschlosse dihei glageret werde... und chömed mer ned mitem selbstmord wo mit armeewaffe gmacht worde sind.. do ischs mer lieber die nehme es gwehr anstell de zug... 1 mal bearbeitet, zuletzt Fr 24.9.10, 12:16 |
| FinalResistanceFr 24.9.10, 12:23 | Vor allem wenn me luegt wie er d'Initiative lanciert het! Er stoht mitm Kind vor d'schuel und redet de eltere unnötig angst ii s'chind chönnt e amoklauf an dr schuel begoh, wie oft passiert das? wie oft passier das do in dr schwiz? sit kei taschemunition me mitgäh wird isch d'gfohr dass e chind mit dr armeewaffe e amoklauf an dr schuel startet schwindend gring! Zumal d'schwizer sit eh und je e pflichtbewusste umgang mit dr waffe pfläge! |
| derElchFr 24.9.10, 13:18 | Es chind würd Sturmgwehr nit mol trage chönne, wenn i so an e primarschieler dänk ^^ Geschweige denn ladebewegig und entsichere könne ^^ Und wenn me d Armeewaffe richti dehei lageret chas nit mol zu enere ladebewegig cho, falls mini klei Sis doch de Gedanke vom ne Amoklauf an dr Schuel in Sinn chö SÖTT! |
| holysmokeFr 24.9.10, 16:54 | Zitat: FinalResistance jap, waffe verbiete isch nur sympthombekämpfig...Zitat: holysmoke Und sälbst wenn d'Waffeproduktion verbotte wärde würdi, Mensche bringe sich um sits d'Menschheit git, wenn sies nid mit ere Schusswaffe mache, benutze sie e Mässer, e Kabel, e Schleudere, Helebarde, Morgestärn, Axt, Schwärt oder e Holzknüppel.denn müesstme automatisch au für droge sii... "wird de Schwarzmarkt unterstützt, die mit Kiminellem Gedankeguet" zerst settme villicht moll d produktion vo waffe verbiete, no kasi sich au nit imene ungünstige moment uslöse aber über d problem wo zum waffegebruch gfüert hän wird nit gredet, sin vor allem sehr spezifisch. dorum isches immerhin e hilf.. waffe verbiete isch wie en airbag. stärbe kasch natüerlich trotzdem. ich find es isch sogar em dopamin sis läbe wärt halt mit öppis anderem ummezballere. es könnt jede träffe, nur well dus nit bisch mueschdi nit unstärblich fühle ^^ 1 mal bearbeitet, zuletzt Fr 24.9.10, 17:01 |
| D0paminFr 24.9.10, 17:34 | wo han ich öpis vo unstärblich gschrebe? |
Als angemeldeter festzeit.ch Member kannst du Themen erstellen und auf Beiträge antworten.
Infos/Hilfe » ©