Festzeit.ch Forum » Politik / Religion » ICF- was isch das?
| Autor | Beitrag 46 - 60 |
|---|---|
| sämiMi 29.11.06, 20:13 | d värs völlig usem zämehang grisse? cleises bispil: eis vo dene 10 Gebot: du sollst keine Gottesbilder anbeten (oder so ähnlich) was genau mache d katholike? bi dene händs glaub us alne bible das gebot glöscht oder aber si leges eifach us wiesi grad lust hen.  |
| DylanMi 29.11.06, 20:16 | hihi, jo katholike hän scho ihri statue, abr das sie die dien abäte glaub i weniger bi übrigens nid katholisch abr ebe, denn luegsch witr in dr bible und denn kunsch zum goldige kalb, ich finds ehrlich gseit au zu extrem die statue, will eigentlich wird öbis, wo du normalerwis nid gsesch, eifach real gmacht und das isch jo eigentlich nid sinn vo dr sach |
| RadioaktivesKindMi 29.11.06, 21:21 | Naja also i würd do http://www.infosekta.ch/is4/aktueller/TB_infosekta_2003.pdf mol s Interview vo dr Sonja Fries dureläse. Also das ganze cha i nid als ungföhrlig istueffe vor allem erinnerits mi sehr an d Ami Methode s Christetum zverbreite. Nur muess me au gseh das unseri Gselschaft ä stückwit zuelost das lüt zü Sektene chöme. Vieli Jungi lüt miend sich inere Egoistische Gsellschaft wo jede nur für sich luegt zrächtfinde genau do chöme so Sekte oder Christlichi Organisatione und nutze das us dene lüt äs ufangbecki zgäh wo sie für ä afang akzeptiert wärde und de wierd natürlich versuecht se immer wie mehr züm Glaube zbringe usw. Dorum isch es jo eigentlich wichtig das es stabili Familie git, oder Religions unabhängigi Jugend Organisatione wo die Junge dmöglichkeit händ sich selber zfinde und nid sture glaube wo sie in ihrere Freiheit sigs jetzt Sexualität oder schuscht was ischränkt. |
| DylanMi 29.11.06, 21:33 | es wird eifach grundsätzlich das system mit de smallgroups, odr g|12 gruppene falsch vrstande, es bestoht absolut kei pyramidesystem und dkontrolle het me au nid übr eim!! glaubets mir! |
| DylanMi 29.11.06, 21:38 | und für mi ka me sicf eifach nid mit ere sekte wie dzüge jehovas vrgliche und zu däm interview, mir schints eso als hätti die frau persönlichi problem und das die nid vom icf usglöst worde sin. |
| PitschiiMi 29.11.06, 22:16 | ich ha das interview au gläse und i (i has vorhär scho mol erwähnt) bi vorallem vo dene VIP parties schokiert! und i wott nomol sage; in dr bible mags jo sehr schönei sache (hohelied der liebe) ha, abr d schöpfigsgschicht glaubet ihr nid im ärnscht, odr? an nathizone: toll, Gott verbietet de schwule sex. also hän sie e sündigs läbe, wenn sie enand liebe, körperlich wie au seelisch? i begriff das absolut nid, Gott isch jo eigentlich barmherzig und so... wieso sötte denn homosexuelli mensche lide, nur well si enand liebe? Ich glaub nid, dass es e Gott git wo im himmel sitz und buechhaltig führt, wär är alles no z beschtrofe het. i glaub, wenn me wirklich ane Gott glaubt und au glaubt, dass me für sini "sünde" bestroft wird, denn passiert die bestrofig us psychologische gründ automatisch. me erwartets jo... |
| RadioaktivesKindMi 29.11.06, 23:37 | @RaDical klar das isch dlieblings antwort wen öber nid in ä gmeinschaft passt "sie het persönlichi problem gha" dodrmit isch jo dsach vom Tisch. Ajo und eins chasch nid abstritte s ICF orientiert sich am Amerikanische Evangelische vorbild mit dene VIP Partys. Sin mir den alles sündiger wo döt nid drbi sind? Naja in däm fall bi gärn ä Sündiger. |
| DylanDo 30.11.06, 08:22 | los die vip-parties sin eigentlich nüd andrs als gottesdienst wo chli uf nidchriste usgrichtet sin und unsere glaube ihne sötti vorstelle, wurum sötti alles sündiger si wo bim icf nid drbi sin? sicf isch e ganz normali freikirche, nur das sin in züri rächt viel erfolg het und sehr viel bsuechr und in basel isch es au e chli übrdurchschnittlich, amerikanischs vorbild wie me will, ich bi no nie zamerika imene gottesdienst gsi, kas nid bewärte, und wäg däm interview, do drmit isch die sach nid vom tisch, vilicht isch ihre jo wirklich nid die hilf botte worde wo si erwartet het odr vilicht ischs an ihre gläge das si die hilf ni beko het, ich stritt eifach ab das die problem sicf vrursacht het, meh nid ich bi uf jede fall au e sündiger, sin mir jo alli, abr mir hets einiges brocht mi alts läbe hinter mir zloh |
| MarcelloDo 30.11.06, 11:54 | Was söll den do dra so schlimm si wenn mir anderi vo unserem glaube wän überzüge' das isch doch nid freiheitsberaubig- im gegeteil, ich ha d erfarig gmacht dass ich mit jesus die ächti freiheit erscht becho han. Und s ICF verbietet niemerem irgendöppis aber vertritt ganz klar ihri meinig. Und zum Thema Sex  Klar isch es hüt normal das me mit däm Thema freizugig isch- aber lueg emol die Wält a. Wieviel gön entdüscht usere kaputte bezieig und wievil Ehepaar das usenand gönd und dchinder wo kei vater me im huus händ und Müetere wo sich elei müend dureschlo.Wen ihr das als freiheit bezeichnet vilspas Das het alles zämmehäng und dorum isch d ICF und d Bible für de gschüzti rame vu dr Ehe.S ICF verurteilt niemer wo mit däm Thema problem het wil jesus au niemer verurteilt. Und in dr bible sind keini gsetz wo drzue do sind uns d Freiheit z neh sondern um uns z schütze. |
| finelineDo 30.11.06, 11:58 | Marcello... Ich muess sage, ich finds öppis ganz eckligs, wenn ich christe gse, wo anderne ihre Glaube wänd uffdränge. Glaube isch öppis sehr intims und privats. Und so öppis cha me nid uffdränge. Ich sag dir, am wittischte chunnsch, wenn de de lütt verzellsch, was du mit dim Glaube scho erläbt hesch, wie du di Glaube läbsch. Und zwar das dene Lütt verzellsch wos au interessiert. Wenn du mit ere Person derüber redisch wo interessiert isch und wo du au kennsch, denn chasch vill besser uff die Person iigo, chasch uffd Skepsis iigo usw. Alles andere isch eifach nur uffdringlich findi. |
| DylanDo 30.11.06, 12:40 | sorry marcello abr ich finds schlimm wenn me anderi vom glaube will übrzüge, das schreckt ab und isch nid wirklich positiv, au für die anderi person, bini übrzügt drvo! ich persönlich will andere mensche en iblick in mini wält, in mi glaube gä und das föllig unvrbindlich und nid ufdringlich. und nüd andrs, ich glaub das könne au anderi bestätige. |
| RadioaktivesKindDo 30.11.06, 12:46 | @Marcello I bi ä Scheidigschind und dr meinig das d Ehe au nume guet isch solang sie au ernst gnoh wierd und die beide Lebenspartner midenand uschöme. Du chasch aber die hohi Schedigsrote nid nur uff druff abwälze das me offener über Sex redez bzw. handlet. Naja swär jo schön we me so stypische Familie bild chönt ufrächt erhalte mit beidne Eltereteil wo d chinder erziehnd, nur isch das hüt chum no möglich do mir jo scho so wiet sind das beidi Eltereteil miend Schafe oder eine vo dr Lebenspartner wie blöd vom Morge bis Zobe chrüpple muess und kei zyt für d Chind und d Frau het. Lueg i glaub an gar nüd trotzdem sött me släbe gniesse we me chan aber de au inere beziehig oder Ehe d verantwortig ernst neh. Das verstand ich unter Freiheit das me selber entscheide chan und beides het sini vorteil. D Ehe oder ä feschti beziehig wenn sie Funktioniert das me ort vo geborgeheit aber wens mol kracht lidet me über Johre hinwäg. D Singles händ drfür dr vorteil das sie sich ustobe chöne und weniger entüscht wärde drfür aber au ghei Liebi erfahre. |
| MarcelloDo 30.11.06, 13:53 | Sorry wen i öperem znoch cho bin-das hani ächt nit welle. Das argument das glaube privat isch und das me am witischte chunt weme öper wos interesiert isch richtig. Aber wen öpper do mitredet gang ich drvo us das er am Thema intressiert isch @RadioaktivesKind du hätschs sicher au gärn ka wenn du beidi Eltere im Huus ka hätsch. Aber ich kenn vil Lüt wo gschide sin will öpper fremdgange isch oder s het dorum e mega disharmonie geh. Und ich pesönlich dänk es isch eifacher treu tsi wme vorher nit scho vili Bezieige ka het. Und ich bi drfür das me offe über Sex redet aber me sött dermit verantwortigsvoll umgo. |
| kirscheDo 30.11.06, 14:54 | was nütze so online diskussione? es loht sich niemer sini meinig strittig mache also löhnds doch eifach sii. ich ha sowas scho lang ufgeh es bringt nämlich meischtens nüt. wer sich fürs icf interessiert söll mol go luege, und suschd bhaltet euri "fründliche" meinige über die kriche bitte für euch. ihr chönned nid über öpis urteile wo ihr nid kenned. und wenn ihr de presse alles glaubet was sie schriebt denn duets mir leid für euch. cheers |
| SirFloDo 30.11.06, 15:45 | also ich kenn das icf nit so guet und bi au kei christ, aber ich weiss das es e freikirche isch und kei sekte! will sekte kunnt vom latinische und heisst ableitung gottes, aber sie lehre einem die gueti und korräkti sache! |
Als angemeldeter festzeit.ch Member kannst du Themen erstellen und auf Beiträge antworten.
Infos/Hilfe » ©