Festzeit.ch Forum » Politik / Religion » ICF- was isch das?
| Autor | Beitrag 61 - 75 |
|---|---|
| LatreiaDo 30.11.06, 16:45 | Ich finds e Frächhait, wie do dinne gredet wird. Als öb me kai Niveau meh hätti und alles miessi feig mit dr Sproch go zämmeschisse, nur will me sich uffreggt ab öbbisem, wo me nit sälber erfahre het und nit sälber kennt... - Ich bi nit im icf, ha aber die Freikirche scho ab und zue bsuecht. Lüt, die Gmaind isch "suber" und lehrt s Zügs, wo in dr Bible stoht und nit irgende freyi Interpretation drvo. s Wird als nach däm Buech glehrt, also ghörts zu de chrischtliche Lehre und isch somit aifach e Gmaind Gottes und kai Sekte. Wär das nit glaubt, liest am beschde die ganz Bible dure, goht ins icf und hört sich e Gottesdienscht ah und wenns nit überain stimmt mit dr Bible, denn kannr mi jo ko ahmotze. - Jä, Gott isch gege d Homosexualität! Är het dr Mensch nit drzue gschaffe, dass är mit glichgschlächtliche e sexuelli Bindig het. Är het Maa und Frau fürenander gschaffe. Das haisst aber NIT, dass är gege die Homosexuelle sälber isch! Es liggt jo wohl uff dr Hand, dass wenn är d Mensche gschaffe het, au sie alli liebt. Jedoch verabscheut är das, wo sie DÜEN. E Bischpil: Ich mag mini Fründe, wo Raucher sin. Aber ich mag nit, DASS sie rauche. Alles klar? - Dass Sex e herrlichs Gschängg vo Gott isch, isch do inne scho mol erklärt worde. Grad wills so schön isch, sötts in dr gschützti Rahme vo dr Ehe ghöre. - Wär ka behaupte, dass s icf dr Satan ahbättet, wonr sälber nit in dere Gmaind isch und das erläbt? Het s icf jemols gsait, sie würde Satan ahbätte? Trurig, wie me uff dä Vorwurf ka ko... - All die Schandtate, wo im Name vom Chrischtetum ahgrichtet worde sin... gön sie uff Gottes kappe? Stoht in dr Bible, dass so Sache gmacht wärde sölle? Nai! Oder zaig mr e Stell...  Mainet ihr, ich hett Luscht als führendi Macht von ere Kirche glaini Buebe go misshandle, Krüzzüg go dureführe usw.? Mensche wärde immer Fähler mache, wenn sie als Chrischde s Gegetail vo däm mache, wo Gott gärn hetti. s Git villi, wo nie wärde chegge, dass es um d Liebi Gottes goht, wo an dr Neggschdi söll wytergeh wärde.- Ah, übrigens, wär het gsait, Chrischde wäre perfäkt, nur will sie glaube, mit Gott zämme z si? Hallo?! Chrischde sin au nur Mensche, wo dagdäglich Fähler mache. Nit schlächter und nit besser als die Mensche, wo nit an Gott glaube. Aber genau do gohts drum d Vergäbig vo Gott ahzneh. Wär nit will, het en ka... |
| finelineDo 30.11.06, 16:50 | Merci Lareia... Super wort  |
| sheilalaDo 30.11.06, 17:33 | wie soll man intolarenten leuten die zB religion zu ernst nehmen ihren unsinn klarmachen wenn die "gegenseite" sich gleichzeitig genauso infantil aufführt? auf festzeit kann man nun halt mal nichts mit erreichen, also lasst diese peinlichen diskussionen ganz, und redet wieder mal über 'n bisschen über irgendwelche konzerte/veranstaltungen, welches der sinn der ganzen page hier eigentlich ist. nicht wahr? |
| SpartanerDo 30.11.06, 17:41 | miner meinig noch söt jede sälber entscheide könne wenner will sex ha und wenn nit, und sich das nit vonere religion/sekte vorschriibe loh... |
| DylanDo 30.11.06, 18:20 | latreia, gratulation! du hesch es uf e punkt brocht merci! |
| PitschiiDo 30.11.06, 18:49 | es goht in däm forum nid drum, irgendöpr vo dr eigene meinig z übrzüge, sondrn es goht drum dass me ka diskutiere und wenns lüt do het was das blöd finde, denn mien sie nid s forum go läse und könne sich eifach drushalte. Zitat: "Jä, Gott isch gege d Homosexualität! Är het dr Mensch nit drzue gschaffe, dass är mit glichgschlächtliche e sexuelli Bindig het. Är het Maa und Frau fürenander gschaffe. Das haisst aber NIT, dass är gege die Homosexuelle sälber isch! Es liggt jo wohl uff dr Hand, dass wenn är d Mensche gschaffe het, au sie alli liebt. Jedoch verabscheut är das, wo sie DÜEN. E Bischpil: Ich mag mini Fründe, wo Raucher sin. Aber ich mag nit, DASS sie rauche. Alles klar? " denn muess i sage Gott isch intolerant. wenn öpr schwul, bzw. lesbisch isch, söllr also si läbe lang kei sex mit däm mensch ha, wonr liebt? sorry, abr das ische fettige schissdräck und in dr hütige gsellschaft eifach nüm abrocht. ich glaub nid, dass ich arm bi wenn ich do diskutier, sondrn ich glaub das die mensche arm sin wo so ne igschränkts blickfäld hän. |
| PitschiiDo 30.11.06, 18:51 | @ nicksalabim genau so sehn ich das au. es het sichr nid nur si schlächts, wenn me mol enttüscht wird, me lernt jo schliesslich au drus. und wenn me sich eifach ine ehe stürzt, ohni vorhär mol öpis erläbt z ha, denn wirds eim gli mol langwilig. |
| RadioaktivesKindDo 30.11.06, 19:04 | @Marcello ne i bi froh gsi das sie sich trennt händ dönt blöd isch aber so, will die ewige strittereie sind mir eifach uff dnerve gange. Anere Kollegin ischs andersch gange dere ihri Eltere sind zämmeblibe obwohl sie sich scho lang nüm gliebt und sich au nüm treu gsi sind, die Kollegin het durch das die ganz zyt eifach glitte will sich ihri Eltere nur in d Wulle cho sind. Es git halt situatione do beendet me en Ehe lieber als das es ewigs wieder goht vor allem dr Chind zlieb. Ehm aber i gseh kein Zämmehang zwüsche Sex vor dr Ehe und em Fremdgoh, i ha vor minere Jetzige bis jetzt längschti beziehig au scho es paar gha nur chämts mir nid in sinn dä Mensch so zverletze wo ich Lieb. Ajo en wietere grund wieso d Ehe au nüme släbelang hebe, isch will d Mensche immer älter wärde und in 50-60 johr chan halt soviel passiere das es eifach nid bis ans end hebt au wenns en schöne gedanke isch. 1 mal bearbeitet, zuletzt Do 30.11.06, 22:00 |
| DylanDo 30.11.06, 19:27 | @radical????? vilicht meinsch @marcello, abr isi |
| RadioaktivesKindDo 30.11.06, 21:59 | Stimmt  zwüschedurre bi i chli verpeilt. |
| MarcelloFr 1.12.06, 18:05 | @RadioaktivesKind I hoff für di dass du s richtige machsch und dass du in dinere Bezieig glücklich wirsch. Aber nur will mir im icf e meinig verträtte wo halt anderscht usgrichtet isch als das wo in dr gselschaft gseit wird heist das no lang nit dass mir e sekte sind. Und was söll am icf gförlich si, es cha jo jede go und cho wie er wil und sini eigeni meinig palte. |
| BlackSparrowFr 1.12.06, 18:37 | Oje Kirche Religion... Dash jo guet und rächt aber shlussendlcih chash alles ereiche wenn an dich sälber glaubsch... Usser in dr Politk aber do muesh nur gege Use Gottesfürchtig si zumindest nach de "Makiavellistishe Lehr" oda wie mer da shribt! |
| sheilalaSa 2.12.06, 02:08 | marcello, bittebitte hör jetz uff!! |
| heimdallSa 2.12.06, 03:34 | @marcello, weli meinig wänd "ihr" im icf verträtte, die vo jesus?! vowäge jede cha cho und go und sini meinig bhalte, nur ned ohni en zünftigi isalbig vo "euich", propaganda wie zu ddr ziite. dir sid en gsellschaft und ghöret drzue, dorum duesch dich sälber mit "dine" genosse zur sekte degradiere. ah jo, vil spass no bim "höhere gricht", wirsch sehr enttüscht si...  atheismus basiert nicht auf glauben, denn glauben kann man alles... |
| RadioaktivesKindSa 2.12.06, 11:13 | @Marcello am beschte bättisch jetzt jedi nacht für mich und mini beziehig. An die andere Christe do sorry das i jetzt do chle mini sachlichkeit verlore han falls i überhaupt eini ha  aber genau das was dr Marcello do abzieht hinterlost en üble bigschmack vo ere Sekte oder Sekteähnlichem.Ajo Marcello jede chan sini eigeti meinig bhalte? Wie gosch de du mit minere um? Du duesch se indiräkt als Falsch ahnestelsch. Naja immehin weiss i jetzt wieder wo mis Problem bi dr Kirchene ligt es isch nid das ich nid an ä Gott oder so glaub sondern das mir d Kirchene eifach nur ein wäg zü Gott wänd zeige. |
Als angemeldeter festzeit.ch Member kannst du Themen erstellen und auf Beiträge antworten.
Infos/Hilfe » ©