Festzeit.ch Forum » Politik / Religion » ICF- was isch das?
| Autor | Beitrag 76 - 90 |
|---|---|
| rattziSa 2.12.06, 12:49 | @latreia ä gmeind gottes und drum kei sekte? Grundmerkmale einer Sekte: Hat einen Anführer, Hat eine eigene Schrift nach welcher sich das Leben der Anhänger zu richten hat, aktzeptiert keinen anderen Glauben/Gott neben dem eigenen. So do demit isch klar, das die Katholisch, Refomiert Kirche Sekte sind genau so wie dr Islam, s Judetum und au ICF, eifach vo dr Gsellschaft aktzeptierti Sekte. Isch Gott dra schuld das in sim name verbreche verüebt worde sind? nei behauptet jo au niemer alles was mir sage, isch das die organisierte Religione dra schuld isch. Schluss entlich kunnt gemäss Bible jedo wo öperem Seit das Gott öpis inere bestimmte art wett (z.B. kei sex vor de ehe)direkt ind Höll "Du sollst meinen Namen nicht missbrauchen!" und sorry das Sie alles nur Interpredatione durch die Religiöse füerer und sicher nid Gottes Wille, wenn er öpis gege Schwuli hätt wieso het er si den gmacht? Gott hätt alles und jede erschaffe, öp me ihn jetzt Gott, Ala oder sunscht wie nennt, das isch d einzig worheit wo d Bible uf sicher beinhaltet "Es gibt nur einen Gott" wie me ihn den nennt das sie lokali, sproch bedingti unterschied. An all die Gläubige Chrischte dört usse, ä guet gmeinte rot, sitzet ahne und lesed mol im Koran, odr in dr Tora anstatt in dr Bible und denn wenn Ihr beidi Büecher (+ d Bible für die wo das noni gmacht hei) glese heid, den saget mir das nid in allne 3 Büecher Sinn gemäss s gliche stoht. Es isch nur Arrogant wenn me denkt das ä Jud in dr Wüeschti Gott genau glich muess erfahre ha wie öpper inere andere Wüeschti, aber uf dene unterschiedliche erfahrige, hei gwüssi mensche welt bilder ufbaut wo unsere planet sit hunderte vo Johr mit Hass überziehn (lueget nur uf Nordirland), das isch wohl kum dr wille vo Gott oder wie ihr ihn au nenne weid oder? |
| LatreiaMi 6.12.06, 07:11 | @ rattzi: Jo, das isch jo glar. d Bible bestoht zur Hälfti us em Tail vo dr Thora und dr Koran isch e Mix us dr Bible und Thora. Kai Wunder, dr Mohammed het am Ahfang unter chrischtliche Kraise verkehrt und ihri Ideologie mitgnoh... Die sin bliebe, au wennr mit de Chrischde und Jude broche het. s icf isch für mi kai Sekte, wien ich Sekte im hüttige Sinn verstand. Wenn me s Chrischtetum als Religion ahseht, denn isch s icf kai Sekte! Luegt me aber d Chrischtetum allgemain als Sekte ah, kann ich zuestimme, s isch jo nur e Abspaltig vom Judetum. Ich loss jedem sini Mainig, nur drmit dr mi nit falsch verstöhnd  Aber ich ha au mini und die loss ich jetzt do stoh. Diskutiere bringts eh nit vill, do hän scho villi rächt ka. Im Forum bringts ämel überhaupt nüt.1 mal bearbeitet, zuletzt Mi 6.12.06, 11:41 |
| rattziMi 6.12.06, 12:08 | Nur wer an sich selbst zweifelt wird sein wahres Ich finden, Keine Diskussion ist Sinnlos wenn auch nur einer zuhört. |
| MarcelloMi 6.12.06, 22:39 | Saget ihr doch ws ihr wänd Ich find s icf geil und ich fühl mi wohl dött. Cooli lüt, geile sound, geili mesage, und "a plache of love". S ICF sprängt alli vorstellige vo kirche.Und sälbscht wens e sekte wär  es wär de bewis das es au guetsekte git ha ha gits minere meinig nit nume das me mi richrig verstoht.ICF- This is my Family |
| heimdallDo 7.12.06, 07:03 | hehe, dönt wie kommunistischi propaganda, die händ au ned immer änglisch chönne... und so indoktriniert wie de tönsch isch icf e drooge für di... 1 mal bearbeitet, zuletzt Do 7.12.06, 07:03 |
| TaiPanDo 7.12.06, 11:53 | so hmm ich ha nid mol alles duregläsä aber jo pff dr ton wo do herrscht isch mr eigentlich z blöd - muess das würklich si dass wenn öper e meinig het vo öpisem und en grosse teil oder e minderheit e anderi het, das me die den muess ufs bluet abemachä ??? ich mein schliesslich läbä mir in ere demokratie mit meinigfreiheit und toleranz und i finds eifach lächerlich dases es do so "chinder" git wo eifach uf allem umetrample wasi nid verstönd oder nid wei akzeptiere/toleriere. niemert isch perfekt und wer seit das dä huffä vo egos im rächt isch ? apropo d nazis hän au nume 1 meinig gha und hei alles andere muesse vernichtä - also was söll dä verglich ??? es isch nid dr sinn alles in dräck zieh sondern sich mit däm zbefassä und entwäder zsägä dass das für ein stimmt oder ebe nid! und denn chame jede so lo läbä wiener wett... so villicht no zu mir - ich bi au scho ins icf gange, ich finds ame villicht e biz radikal und e chli abghobä aber heeeeee ich bi immer no lieber noime wome mi akzeptiert und nid blöd afluecht nur wägä är meinig oder emene glaube - pah isch doch lächerlich - und ich will au gar nid s icf verteidige villicht ischs e sekte villicht au nid - aber lieber sie, als dir wo sone chline horizont heit !!! zum schluss ich kenn au die radikalreligöse do im forum nid aber wieso (!) sött ich sie beleidige nur will si öpis anders glaubä als ich ??? ich bi letscht wuche mit mormone öpis go trinke hane es wasser ( ) usgeh imene pub (i ha es bier trunke)und mit ne gredet und ne klar gmacht dasi nüd wett mit em mormoneglaubä ztue ha aber fründlich und höflich so wie s dr astand gebührt ! und au die si liebi und au intressanti lüüt!also hebet euch mol alli chli am rieme und urteilet nid so schnell - dir hättets au nid gärn weme euch so würd behandle !!! lg erbostä mitbürger ps. an tobbiii oder wie au immer (weiss jetzt wievil iiii) vo peanutz oder so - hey sig mol chli langsam mit dine behauptige - din wie au min grossvater het s läbä lang an jesus und gott glaubt und derfür dasjenige als pfarrer investiert, sowie au din ur-und urur-grossvater also zieh nid eifach dini familie in dräck und dere ihres läbänswärk und süscht chönne mr uns mol träffä cousin und denn säg dr mini meinig  & süscht alles gueti dir und dinere band - ich sött villicht mol cho luege  min brueder isch jo mol gsi glaub... |
| PenthesileaDo 7.12.06, 14:45 | "öhm", ich stimm dir voll zue. Ächt. Lieber s ICF als Lüt, wo me wirgglig fertig gmacht wird wäge irgendme glaube (NEI, ich bi nit im ICF und eigentlig isch das an und für sich ä nit so mi Stil, genausowenig wie Jesus Freaks o.Ä., aber ich bi ä scho mol döt gse). Jedefalls find ich s jo ächt arm, was Lüt füre beschränkte Horizont und Vorurteil hän.... "Das passt nit in unseri Gsellschaft" - na und? Ah stimmt, me muess jo mit jedem Trend vo dr Gsellschaft mitschwimme... Sorry, dass i s vrgässe ha. "Me sött sich nüt vonere Religion vorschribe lo" - zeiget mir öpper, wo sich vo sim Glaube öppis 'vorschribe' lot.. Als ob me zwunge wär, ewig in s ICF zgoh, wenn me mol din isch... Und ich glaub kuum, dass die wärde e Überwachigskamera in eurem Schlofzimmer abringe zum luege, wär dir vöglet ..."de icf isch e dräcks sekte!! das wüsse doch alli!!!" - Genau!! Ich glaub au alles, was anderi Lüt sage und alles, was im Färnseh kunnt!! Dräckssekte das! "die nämme de junge alles was spass macht wäg(zbsp alkohol und sowiter..)" - Jä, sie kömme zue dir hei und beschlagnahme dr Alkohol. Und oh - e Läbe ohni Alkohol, die arme Jugendliche! Peace, I'm out mir gone Whisky hole, zittere jo scho! "zuedäm wär mir e läbe nach dr bible viel z aschtängend, well i glaub, dass me uss sogenannte "sünde" au immer öpis lernt und nid grad muess go 50 ave marias ufsage" Zeigt au wie viel Ahnig du vom ICF hesch. Guet, das mitm Lerne isch e anders Them und jetzt irrelevant, abr das mit de Ave Marias, womit du wohrschins Rosekränz bäte gmeint hesch isch ganz klar e katholischs Kirchedogma und het nüt mitm ICF ztue, sowit ich weiss sin die meischte Freikirche ziemlich gege dr katholischi Mariekult ."emel die einti kollegin het e fründ kah und dä het mit ihre schluss gmacht wie si nie sex hän chönne ha " - Coole Siech! Dasch mol ein, wo in die Gsellschaft inepasst, respect, apasst, kopiert und abgstämplet.Vrstönd mi nit faslch, i bi jo au nit grad unbedingt dr kein-Sex-vor-der-Ehe-Freak, abr wenni so öppis hör, kunnt mr s Kotze. "Wenn du mit ere Person derüber redisch wo interessiert isch und wo du au kennsch, denn chasch vill besser uff die Person iigo, chasch uffd Skepsis iigo usw. Alles andere isch eifach nur uffdringlich findi." - You're right, sweetheart ;D. "was nütze so online diskussione? " - Was nützt sone dämlige Kommentar? "atheismus basiert nicht auf glauben" - Interessant, uf was denn? |
| PenthesileaDo 7.12.06, 14:48 | Abschliessends Wort... Bi sälber in keinere Kirche/Sekte und dischtanzier mich au eher vo sonige Organisatione (gang nur ammes mit Fründe o.ä.)... Religione findi allgemein rächt zerstörerisch, me lern tus Gschicht, abr ich find s glich amassend, was do zum Teil vrzellt wird... Am härzigschte sin denn immer gwüssi, wo glaube alles uf däre Wält zwüsse, nur wil sie 5 Johr lang Biologieunterricht gha hän ... Und aso vor allem Sache wie 'hützutags macht ME das und das nüm', 'wie im Mittelalter' etc... Klar, muess jo au alles guet si, wie sich s entwicklet het . Glaubet nit, ich würd jetzt probiere irgende mittelalterliche Ideologie zunterstütze abr übrleget euch villicht mol, dass die neuzitlichi au nit unbedingt perfekt isch. S luschtige isch, dass grad die, wo am lütischte schreie, me sölli sich nüt vonere Kirche vorschribe lo, sich alles vo dr 'hütige Gsellschaft' vorschribe lön... Trurig.1 mal bearbeitet, zuletzt Do 7.12.06, 14:51 |
| rattziDo 7.12.06, 15:50 | soo Jung und doch so weisse?? Respekt! (äh ohni scheiss im fall) |
| finelineDo 7.12.06, 15:53 | findi au sehr intelligänti wort  |
| rattziDo 7.12.06, 16:15 | me könnt sie direkt zu ehre erwachsene ernenne |
| finelineDo 7.12.06, 16:16 | schleimer @ MrsGrindcore, das isch vom Ratzi e versteckti iiladig zu emne date gsi 1 mal bearbeitet, zuletzt Do 7.12.06, 16:16 |
| rattziDo 7.12.06, 16:32 | sag nid so sache alte suscht rist mr mi fründin no dr schädel ab  |
| finelineDo 7.12.06, 16:33 | OK... *mitschlüsselklappeverschliess-klappeuffmachundschlüsserverluck* |
| PenthesileaFr 8.12.06, 12:53 | Furchtbar weise . Aber danke. Verdammt, abr kei Date x]. |
Als angemeldeter festzeit.ch Member kannst du Themen erstellen und auf Beiträge antworten.
Infos/Hilfe » ©