Festzeit.ch Forum » Politik / Religion » Initiative gegen waffengewalt
| Autor | Beitrag 151 - 165 |
|---|---|
| shittyfaceMi 12.1.11, 19:58 | Jawohl d'initiative söll agnoh wärde... Kauf i mini waffe ufm schwarzmarkt, isch günstiger und dwaffe isch nid registriert, zudäm sind mr denn alli schutzlos usglieferet. Evt. machi au no Karriere als Waffehändler, d'afrog wird garantiert stiige! TOP! Ironie off |
| NeroMortiferusMi 12.1.11, 21:14 | Zitat: Sheepherd Vollidiot, nur will du es als unnötiges Hobby deklariersch muss das nid jede so gse. öh nei i find sportschütz hei kei bedarf... unnötigs hobby und jäger sind eh nur es unnötigs risiko für wanderer... i wett in de letschte 10johr sind sicher paar mol lüt usvrsehe ahgschosse worde Genau die Istellig macht alles kaputt! Genau so vollidiote wie du säge denn au, hey für was ego shooter games, unnötiges hobby, verbiete. Immer wie me wird verbote, wenn dr ums verrecke kei Selbsbestimmig wend, gönd nach Nodrkorea, dört isch d Suizidrate mit Waffe sicher gringer. Waffe ins Züghus. In Liestal gits kei Züüghuus meh und ich gang sicher nid immer uf Basel, müehsam go Waffe hole für es Obligatorisches. Und die wo für das Stimme sind denn au die erste wo motze, wenn ihr im Zug immer me lüt mit Waffe gsend wo sie müsse hole. Bringe tuets nüd, hauptsach mol wider was verbiete unds läbe unnötig erschwere. Für die ville Waffe wos in dr Schwiiz git passiert wirklich gar nüt. |
| derBonsaiiMi 12.1.11, 23:12 | Sött d Initiative aagnoh wärde, sölle Sie mis STGW doch cho hole wenn sies wänd ... wird aber e Gwehrpuzzle mache, diesmol nit mit anderne Gwehr, sondern mit mim, chönne d Teili verteilt go sueche ... Jippiii, Hauptsach me wird immer mehr bevormundet ... Aber no schnäll e Frog: Han letzti gläse dass Sie wänd dass me d Waffe muess Registriere, jä isch das nit jetzt scho so? |
| StinsonDo 13.1.11, 00:26 | Zitat: derBonsaii Es isch bereits scho so, ja, aber a) ned national sondern Kantonal und b) Jede Kanton het anderi Vorschrifte...Han letzti gläse dass Sie wänd dass me d Waffe muess Registriere, jä isch das nit jetzt scho so? |
| CegeshDo 13.1.11, 12:39 | Jedes Johr stärbe i dr Schwiz zwüsche 100-250 Mensche durch Dienschtwaffe. Offizielli Zahle vum Bund. E Studie vu de Uni Züri belegt usserdäm das es d' Sälbstmordrate wirkli veringere würd. Ihri Untersuchie händ ufzeigt, das die Lüt schnäller reagiere (suizid) wenn sie numme abdrucke könne, als wenn sie sälber öbis mache mien. Wie neume drvo oder drab springe. So oder so isch es überfällig. Un dir ganze Gwehr Heinis... ihr dörfet Eures gliebte Stück bhalte, wenn ihr e Zetteli drfür händ...  Also e Fähigkeitsuswies mache4 mal bearbeitet, zuletzt Do 13.1.11, 15:43 |
| casuelDo 13.1.11, 15:17 | also 1. müend die lüüt jo au öppis "sälber mache" wenn sies de abzug betätige. 2. was sind scho 100-250 todesfäll mit schusswaffe, wenn mer aluegt das 1,3 millione waffe ide schwiz ummeligge. 3. klar wirds de eint oder ander suizid denn nüm geh. aber die lüüt wo de entschluss gfasst hend, wärde sich au nid vo dem abringe loh und macheds eifach ufe anderi art. 4. nid jede wo sich umbringt macht das mitere waffe. vo rund 1200 suizid wärde wie gseit "nur" 100-250 per waffe begange. bi mir ide familie hett au öpper suizid begange. obwohl er de grössti james bond/krimi/action fan gsi isch und sich scho vo chli uf für waffe intressiert hett, hett sich au nid mit einere vo 2 voll funktionstüchtige waffe wo im huushalt gsi sind s läbe gno. 5. isch vlt. für d umgebig bitz "agnähmer" wenn mir sich z.b. im alleinstehende waldhuus erschiesst und nur miteme ischussloch vorgfunde wird, als wenn mer sich vore zug wirft, x tusigi pändler närvt, de lokifüehrer e schock fürs läbe hett und de bestatter und d polizei dütsch gseit es puzzlespiel usem körper chönd mache. 5. was chunnt ächt als nöggsts? dassmer im metzger s mässer und im förster d kettesägi wäggnimmt. schliessli sind das au potentielli mordwaffene. |
| CegeshDo 13.1.11, 15:43 | Zitat: casuel okey bisch du 12 oder schüscht zrugblibe? also 1. müend die lüüt jo au öppis "sälber mache" wenn sies de abzug betätige. 2. was sind scho 100-250 todesfäll mit schusswaffe, wenn mer aluegt das 1,3 millione waffe ide schwiz ummeligge. 3. klar wirds de eint oder ander suizid denn nüm geh. aber die lüüt wo de entschluss gfasst hend, wärde sich au nid vo dem abringe loh und macheds eifach ufe anderi art. 4. nid jede wo sich umbringt macht das mitere waffe. vo rund 1200 suizid wärde wie gseit "nur" 100-250 per waffe begange. bi mir ide familie hett au öpper suizid begange. obwohl er de grössti james bond/krimi/action fan gsi isch und sich scho vo chli uf für waffe intressiert hett, hett sich au nid mit einere vo 2 voll funktionstüchtige waffe wo im huushalt gsi sind s läbe gno. 5. isch vlt. für d umgebig bitz "agnähmer" wenn mir sich z.b. im alleinstehende waldhuus erschiesst und nur miteme ischussloch vorgfunde wird, als wenn mer sich vore zug wirft, x tusigi pändler närvt, de lokifüehrer e schock fürs läbe hett und de bestatter und d polizei dütsch gseit es puzzlespiel usem körper chönd mache. 5. was chunnt ächt als nöggsts? dassmer im metzger s mässer und im förster d kettesägi wäggnimmt. schliessli sind das au potentielli mordwaffene. Es isch e belegtie Studie, so obis verzapfe die Lüt nit eifacm mol so us Langerwil. 1. Es sind über 2 Millione schusswaffe 2. Hallo? Wie redisch du do numme über Menscheläbe!?!?  Stell dr mol vor eine vo dene 100 isch villicht in dinere Familie oder in dim Bekantekreis! Goht schnäll emol! 3. Die wenigschte, isch mr zum Schluss kho, die hän do irgend e hemmig. 4. Scho klar es anderscht Usdrucke isch grad numme irgendwie schwer.^^ 5. Jä... wieso holsch dr nit grad sälber dr strick... so öbis piätätloses muesch mr doch nit use loh. 6. Puri dummheit und kei einzigsmol e Grund wieso du die Waffe umbedingt bruchsch Angscht du bisch psychisch z' labil zum dr Waffescin z' bestoh das sie nit bahlte dörfsch? |
| casuelDo 13.1.11, 16:49 | also 1. egal öbs 1,3 millione oder 2 millione sind. mit 1,3 millione meini d armeewaffene dezue chömed rund 650'000 privati waffene. denn hesch au dini 2 milione das heisst es isch no en chlinere prozentateil wo e waffe missbrucht.2.hesch glaubs min text nid richtig gläse. ha jo sälber gschribe das öber us minere familie suizid begange hett und zwar isch die person us em ängste familiekreis cho. ich weiss wie härt dasses isch öpper uf sone art z verliere. 3. chasch du dir glaubs nid vorstelle, wie gwüssi männsche in tiefste depressione stecke. die hend de entschluss für immer gfasst. 4. erledigt 5. sorry. aber ich loh nüt usse wo ich nid sälber erlebt ha. 6. hani nid gseit dass das en grund sett sie. es sett nur zeige das de staat wieder eimol zwit goht. und nei ich ha kei angst dass de waffeschin nid bestoh, schliessli hanen au nid und has eig. au nid vor ihn zmache. |
| hamster111Do 13.1.11, 17:04 | heieiei... Do wird sehr oft d'SVP Abstimmigsparole widergeh. Super. Mini zentrali Frog isch, was bringt euch die verdammti scheiss Flinte deheim? Es bringt nüt und wider nüt. Ich dänk me chönnt das relativ eifach organisiere und die Waffene für WK und RS bereitstelle. Me muess sich villicht au vom Gedanke löse, dass jede sini persönlichi Waffe brucht. Wieviel Lüt gits wo jetzt scho ihres Obligatorische miteme Gwehr vom Kolleg göhn goh schiesse. Und chömet mir jetzt nid mit em Argumänt: Me cha so s'Gwehr nid uf sich istelle und cha denn schlechter schiesse. In dr Schwiz wo zwar jede in dr RS usbildet wird uf em Gwehr wird mit dene 20 Schüss wo me pro Johr useloht au nid zum Meischterschütz. Lieber e Tag im WK investiere und dört e suber Schiessusbildig biete. Usgnoh vo däm ganze sin us minere Sicht au zurechter Wis alli aktive Schütze...Aber au dört muess me überlegge ob me die Gwehr nid zentral im Schützehuus will lagere. Denn muess me das au nid immer hi und her schleppe. und wenn dank däm ganze nur no ei Suizidfall cha verhinderet wärde um so besser. P.S: Die Männer wo das Gwehr deheim bruche zum sich schark und sicher z'fühle die müsse denn hald e Fähigkeitsuswis mache... 1 mal bearbeitet, zuletzt Do 13.1.11, 17:04 |
| MandredTorgridsonDo 13.1.11, 18:07 | wiso ich das ding deheim will.... wells mer gfallt weli freut dra ha und s nit di problem isch öb ich jetzt eh ganzi waffekammere deheim ha oder nüt... und s jedem si agstammts rächt isch eh waffe deheim ha wenn är will... und nur weli eini deheim ha bini kei amokläufer, ich bring niemert um und scho gar nit mi sälber... |
| rämtämtämDo 13.1.11, 18:46 | Kurz es paar Infos zu dere Initiative, wo villi noni igseh hei: Folgendi Änderige si i de LETSCHTE 5 Johr gmacht worde in Bezug uf Wafferecht u.a. (Au wäge Schenge und so...) - Neui "Itrittskontrolle" bi dr RS. (reduziert gfährlichi Persone) - Nach der Dienstziit mit öbe 30gi chasch s StGw numme phalte, wenn de e gschide Grund hesch, e Fähigkeitsuswiis hesch, e Strofregisteruszug hesch, und s Obligatorisch und Feldschiesse i de letschte 3 Johr mindestens je 2 mol gschosse hesch. Alles das muesch vorlegge. Vor 5 Johr hesch s Stgw eifach so übercho, ohni widerred. - Waffesammelaktione si gmacht worde vo villne Kantön - Rückzug vo Taschemunition Argument vo CVP, FDP, BDP, SVP (also die ganzi Mitti, nid numme SVP) isch genau das, das i de letschte Johr gnue gmacht worde isch, zum dr Missbruch z reduziere... |
| SplinterDo 13.1.11, 20:38 | Das isch no lang nid alles! Verschärfti Bewilligugspflicht, strengers Wafferegister und härteri Uflage bezüglich Gebruch (alles durch Schenge). Mittlerwiele döfsch jo nid mol me mitemene Hammer umelaufe ohni dasd en guete Grund chasch ageh UND bewiese! Und was hets bezüglich - Waffegwalt - Suizid durch Waffe brocht? Gar nüt! Aber d'Substitut-Branche "Waffeschieberei und Schmuggel" het afo blühe. Es isch nur no e Frog vo dr Zit bis au dr letzt Chlikriminell ufe Gschmack cho isch. Sowas rollt erscht langsam a! |
| derElchDo 13.1.11, 21:19 | Zitat: hamster111 E Offizier ohni sinere Waffe dehei isch kei richtige Off!Mini zentrali Frog isch, was bringt euch die verdammti scheiss Flinte deheim? ich WILL mini Waffe dehei ha, i will dra chönne umeschrüble, und nit gfahr laufe dass irgend e Vollidiot im Züghuus drah was verstellt oder ich im Schiessstand mit nem Stgw schiesse muess wo i vorhär nie in dr Händ ka ha. I will wüsse wo mis Stgw isch, will nur denn ichs sicher und nur denn (wenns in minere nöchi isch) weissi dass garantiert niemets anderscht es alängt! Es het mer glängt dass en Idiot in dr OS (nur will er öbbis gege mini Meinig kah het) mis Gwehr verstellt het und denn no gmeint het em BO zsage miesse, er söll mis Gwehr im Schiessstand genau kontrolliere! Deshalb will ichs dehei ha! |
| MutchaDo 13.1.11, 22:17 | es spricht relativ fiell gege d initiatve. 1) all die schützeverein gei kapput. 2) en mönsch wird nid vor dr waffe umbrocht, er wird vom mönsch umbrocht wo hinter dr waffe stoht |
| RadioaktivesKindDo 13.1.11, 23:35 | Zitat: Mutcha 1) Tja de miend sie sich öbis ifalle damits überläbe, me muess nid immer alles subventioniere.es spricht relativ fiell gege d initiatve. 1) all die schützeverein gei kapput. 2) en mönsch wird nid vor dr waffe umbrocht, er wird vom mönsch umbrocht wo hinter dr waffe stoht 2) Stimmt sowit aber grad bi öberem wo nid nur sich umbringe will isch es sicher sinnvoll wenn dr Zuegang zür Waffe erschwert isch. |
Als angemeldeter festzeit.ch Member kannst du Themen erstellen und auf Beiträge antworten.
Infos/Hilfe » ©