Festzeit.ch Forum » Politik / Religion » An Chrischte: An öppis anders glaube...
| Autor | Beitrag 1 - 15 |
|---|---|
| siliciumcarbidDo 10.1.08, 20:20 | Hoi ihr In dr Bibel schtoht jo dass mer NUR an Gott dörf glaube.. Er bewirkt und macht alles eigentlicht. Und jetz würd mich mol d'Meinig vo Lüt ghöre wo an Gott glaube, und zwar zu folgendem: Hütt chunnt mini Mueter und verzellt mer so Sache vo eme komische Buech. Es heisst glaub "erfolgreich wünschen". Dört wird beschribe wie me zu sine Wünsch chunnt, so "Technike" halt. Jedefalls het das Buech niene e Zämehang mit em chrischtliche Glaube. Wär das macht glaubt im Prinzip an "das", was au immer es isch und nümme an d'Fähigkeite vo Gott. Gsehnd ihr das au so oder händ ihr do ganz anderi Vorstellige? |
| wellwellDo 10.1.08, 22:31 | In de bible stoht au, dass du ungehorsami söhn söttsch steinige, dass fraue kopftiecher trage miend bim beten, oder dass fraue bim fremdgoh söttsch steinige.. Aso wer no uf das Buech lost, de het wirklich irgendwie verpasst dass mir im 21 Johrhundert lebe |
| StinsonDo 10.1.08, 22:53 | fehl interpretiert? ich glaubs du hesch d bible nonie gläse  |
| siliciumcarbidDo 10.1.08, 22:54 | jo glaubi au. das mag schtoh, aber es isch für die Zit villicht richtig gsi - wenn. Und da wo ich gschribe ha isch Teil vo de 10 Gebott, die gälte für immer. |
| galgenbruderDo 10.1.08, 23:04 | aha, und wo stoht öppis über die zitlich befristeti gültigkeit vude verschidne regle? |
| KingNothingDo 10.1.08, 23:16 | es heisst me dörf an kei andere GOTT glaube, näbe DEM Gott! und ihr setzet jetzt allem ärnscht rotschläg vumne buech emene Gott gliich?! wtf! also irgendwie hesch du do au ebbs ganz gewaltig fählinterpretiert.... |
| wellwellDo 10.1.08, 23:17 | @WhyIsTheSkyBluehat fehlinterpretation? "Wenn ein Mann einen unbändigen und widerspenstigen Sohn hat, welcher der Stimme seines Vaters und der Stimme seiner Mutter nicht gehorcht, und sie züchtigen ihn, aber er gehorcht ihnen nicht: so sollen sein Vater und seine Mutter ihn ergreifen und ihn zu den Ältesten seiner Stadt und zum Tore seines Ortes hinausführen, und sollen zu den Ältesten seiner Stadt sprechen: Dieser unser Sohn ist unbändig und widerspenstig, er gehorcht unserer Stimme nicht, er ist ein Schlemmer und Säufer! Und alle Leute seiner Stadt sollen ihn steinigen, daß er sterbe" Altes Testament, 5. Buech Mose, Kapitel 21 Vers 18-21 Also interpretier das mol, möchti gern gseh. Ich ha d Bible öfters glese, und i muess sage, sobald meh sie glese het, merkt meh erst wie lächerlich das ganze isch. 1 mal bearbeitet, zuletzt Do 10.1.08, 23:26 |
| KingNothingDo 10.1.08, 23:28 | meinsch öbbe demit, s'ganze christetum isch lächerlich?! |
| wellwellDo 10.1.08, 23:30 | hmm nei das nid grad 1 mal bearbeitet, zuletzt Mo 10.3.08, 18:33 |
| pureoneDo 10.1.08, 23:33 | I ha extrem Mieh dermit dass eim als chlises Chind die ganzi Scheisse itrichteret wird. I bi froh glaub ich nid an Gott. Anderi Götter sind sowieso viel Interessanter. ODIN STATT JESUS! |
| pyrrhicDo 10.1.08, 23:40 | Überleg mol ärnschthaft(!) wie möglich das isch. Früehner - sage mir mol - sit dem d'mensche dänkechöne, händ sii froge gha wo si beschäftige: - Wieso isch de Pauli gstrobe? - Wieso isch de Himmel blau? - Wieso bin ich so fett? Was meinsch het me vor 2000 Joohr uf die Froge gantwortet? Kei Ahnig, Gott? Wohrschienlich... No wohrschienlicher isch (wohrschienlich) das sis nid besser gwüsst händ und sich mit "Gott" e "universal-Antwort" gschaffe händ. Hüt isch so viel wüsseschaftlich erklärbar, do isch es eifach (MINERE MEINIG NOCH) en absolute witz an Gott zglaube. Und wenni scho nur drah dänk wie viel Krieg s'git uf dere Welt - nur wege dene Religione - chönti kotze. Nichts desto trotz kanni jede verstoh wo an Gott glaubt... 1 mal bearbeitet, zuletzt Mo 12.1.09, 17:33 |
| CHALLENGE2010Fr 11.1.08, 00:12 | vorne wäg i glaub überhaupt nit an gott aber folgendes: wär d bible wörtlich nimt list se falsch... ( han mol e site gseh wo eine zerst anhande vo bibelzitat zeigt het dass me vegetarier si sött und grad unde dra mit andere bibel zitat das me fleisch ässe sött) und s gliche gilt übrigens au füre koran und all die andere schrifte. wenn me d text im gschichtliche kontext seht denn sehts ganze anders us. aber d botschaft wo ir bible steckt ( jä das mir uns alli gärn ha sölled und das utopische züg) vom grund här guet und wenn me d bible eso list dänki het si durchus paar sache dinne wo nit all zu schlächt sind. genau s gliche mit dr institution chille. i finds e absolute blödsinn (vorallem s katholische system) aber d idee vor gmeinschaft und d umsetzig drvo isch e super sach. und das mit em wüsseschaftliche isch e interpretations sach... das dr einstein hochgläubig gsi isch wäri do z erwähne. und s git denn no so öbis wo sich heisenbergsche unschärferelation nennt ... wenn me gott neume dri interpretiere will cha me das 1 mal bearbeitet, zuletzt Fr 11.1.08, 00:13 |
| finelineFr 11.1.08, 08:46 | also @ wellwell... du seisch du hesch d'bible scho mehreri molls gläse. Ich bi e gläubige mensch aber ich ha d'Bible no nie ganz duure gläse. wiso? will das au nid nötig isch. D'bible isch kei buech wie e Roman wo me im Thalia goht go hole. D'Bible isch e Chronik, e Lehr und Leitsatz für e Christ wo me cha go Nocheläse was me bruucht. Wenn öpper d'Bible scho 20 Moll vo vorne bis hinde duuregläse hett, dä hett si wäge däm nonig begriffe. Zu dine Zitat: Das isch e Bibelvärs uss em 5. Mose. D'Mosebüecher isch s'Alte Testamänt, so z'sage d'Bible vom Jüdische Volk. S'Christetum verwändet S'alte Testamänt zum uns biibringe wo här mir stamme. Es gitt no vill krankeri Gsetz und Regle im Alte Testamänt. aber die Tangiere d'Christe nid, will in neue Testamänt alles neu definiert wird. Und do gitts eigendlich genau ei regle und die heisst "Liebe deinen nächsten genau wie dich selbst". Und nütt meh vo steinige und hand abhacke etc. Guet, zum eigendliche Thema. Ich vermuet es gitt vill christe wo sage, dass das alles humbug isch wo in so büecher stoot. Ich sälber bi mer sicher, dass es vill sache gitt wo unerklärlich oder übermenschlich sind. Und zwar Sache näbe gott. Drumm stoot jo in de 10 Gebott (wies scho erwähnt worde isch) Me söll keini ANDERE Götter näbedra ha. Ich persönlich nimm Abstand vo so Kräft. Das isch wie s'Gläserrucke... das goot nämmlig au irgendwie. Aber das isch garantiert kei göttlichi kraft. Drumm nimi au abstand devo, will ich nid weiss was dehinter steckt, was es mit sich bringt etc. Zämmefassend nomoll zum andere: Bi jetzt e chli vom Thema abgwiche, denn das do inne isch nid e diskussion über das sein und nicht sein vo gott. Ich finds schwiirig wenn behauptige uffgstellt wärde ohni dass beidi sitte aagluegt wärde. I finds e guets thema und ich hoff schwer, dass es e gueti diskussion wird und nid widr ussartet mit "christe sind sowiso alles idiote" etc zitat... |
| leStroumpfFr 11.1.08, 09:07 |  hani grad miesse lache"und ihr setzet jetzt allem ärnscht rotschläg vumne buech emene Gott gliich?! wtf!" aso für mi isch bieble NIX andres als rotschleeg ime buech.. i mein do dä ganzi gott fanclub basiert jo uf däm buech oder seh ich das falsch? |
| finelineFr 11.1.08, 09:13 | schaffe drs eigendlich nid z'diskutiere ohni das ewige obenabe??? isch es so schwiirig anderi meinige z'akzeptiere??? |
Als angemeldeter festzeit.ch Member kannst du Themen erstellen und auf Beiträge antworten.
Infos/Hilfe » ©