Festzeit.ch Forum » Politik / Religion » An Chrischte: An öppis anders glaube...
| Autor | Beitrag 76 - 90 |
|---|---|
| WidarMo 21.1.08, 18:09 | @Schmücks dass chani dir ganz genau säge. will ich tag täglich mit de meinige und idiologie vo zb. de christe konfrontiert wird. si lön mi au nid in rue/so läbe wis mir passt! ich bi genau so tolerant zu mine mitmensche wie si mir gegenüber sin!  |
| SchmücksMo 21.1.08, 18:31 | @dunkelfürst: und in wiefern lönd si di nid in rueh? und in wiefern beiflusse si dis lebe?? wenns di e dreck interessiert denn sötts di au e dreck kümmere was die wenn.. aber du verschwändisch trotzdem Energie drfür  naja miner meinig nid sehr lohnenswert. |
| siliciumcarbidMo 21.1.08, 18:47 | also das Forumthema do ansich loht dich jo sowiso in rue "Dunkelfürst", dos dich nämmli gar nit aspricht - und nüt agoht. Ich weiss, ich cha so villicht niemer überzüge. Und ich akzeptier au anderi Meinige, aber es gitt x Chrischte uf dere Wält wo an Gott und sini Fähigkeite glaube. Zu dene redet Gott au. und bi dene wirkt Gott. Was söll sich Gott an Lüt d'Müeh vergeh, wo sowiso alles nur abemache. Ich verstand dorum durchus, dass so vill no nie öppis vo Gott "gschürt" händ oder eifach suscht nit glaube. |
| WidarMo 21.1.08, 19:01 | zum bispil die schlampigi trennig fo staat und kirche. es isch nid am staat sini ufgob für d kirche go kirchestüüre izfordere. dass söl d kirche gfelligst sälber mache. wenn me nämlich fo de kirche amigs e izahligsschin bechoh würd würde fill weniger lüt gäld zahle alses jetzt düen! los "siliciumcarbid" ich bi chrischtlich erzoge und so ufgwachse! i glau i weis fo was ich red! in fillne (nid nume chrischtliche) glaubensgmeinschafte wird extrem manipuliert, unter druck gsetzt, gmobbt und bdroht! |
| siliciumcarbidMo 21.1.08, 19:07 | mit em Gäld het jo das nüt z'due. Du chasch no so lang chrischtlich erzoge worde si. Chasches vo mir us au studiert ha. Aber denn simmer wider bi däm Thema wo mer do inne e paar Site witer hinde au scho gha händ: Theoretischs Wüsse heisst nit begriffe. Ich behaupt nit dass ich alles begriff - im Gegeteil. Aber ich merk de Unterschid zwüsche nit Glaube und Glaube. Und mit mir wie gseit au vill anderi. |
| WidarMo 21.1.08, 19:11 | komischerwis verliert s chrischtetumm wältwit immer meh ahänger! und weme gott würklich so gspüre würd wie du behauptisch, wär dass sicher nid so. dene würd jede wo dass moll erläbt häti für immer mega fescht an gott glaube |
| SchmücksMo 21.1.08, 19:17 | woher weisch das? bisch dr sicher? weltwit gseh weissi nid öb christe an ahänger verliere.. und wenn au, sött di eigentli recht chalt loh.. waagi ussage  |
| SchmücksMo 21.1.08, 19:19 | und grundsätzlich spielts jo kei rolle wieviel ahänger e religion het,s goht jo nid um d azahl lüt wo draa glaube... |
| ladefabMo 21.1.08, 19:20 | d bible bzw dr glaube an gott isch do zum an öbisem festhalte, nid nach eigene erklärige sueche! das buech wo du verzellt hesch mid de wünsch. isch wie bestellungen beim universum. alles goht in erfüllig wenn dus nur richtig machsch mit wünsche! us gedanke bestoht d wält also wieso nid... |
| siliciumcarbidMo 21.1.08, 19:31 | Du chasch nie in öppisem 100% sicher si! De chrischtlich Glaube isch au schwirig. Was dänksch wurum isch dr Grund, dass es weniger wärde (wenn das so isch)? So Lüt wo sich gross mache wänd, jo wie du dunkelfürst, möche de Glaube abe und "überzüge" Lüt vom Gegeteil. So Lüt wo sich gross mache wänd, in dr Schuel und am Arbetsplatz, wo die andere düend mobbe. Mobbe will me an öppis glaubt wo ein witer bringt. Glaube an öppis wo me cha glücklig si drbi. Und glaube an öppis, wo me Unterschtützig kriegt. Nit in dr Mehrzahl, aber vo Fründe - und nit Kollege. Cha jo si dasi chli sentimental wirde. Aber wenn me de Glaube het und me au sicher isch drbi und glücklich, denn gseh ich kei Grund dass me vo dämm e wäg ko sött. Und au kei Grund dass me sich so Sache gfalle loht. Alles was ich und au anderi Chrischte in däm Thema gschribe händ isch e Meinig und kei Überzügigsversuech. Alles was nit Gläubigi bis jetz gschribe händ isch abemache gsi. Meh nit. Isch schad. Aber wo ich dr Glaube nonig gha ha, ha ich nie die Lüt abegmacht wo glaube. Genau so wenig wie bi andere Glaube als de chrischtlichi. Ich machs au jetz nonig. Du glaubsch an "nüt", und? Bisch glücklich drbi? Jo? Denn gits für dich und suscht niemer e Grund, dass me unsere Glaube sött abemache. 2 mal bearbeitet, zuletzt Mo 21.1.08, 19:32 |
| WidarMo 21.1.08, 19:33 | jo aber dass d chrischte d bible, d muslimänner de koran etc. als einzig richtigi göttlichi woret ahsen isch eifach lächerlich! und me het jo gseh und sehts jo immer no was passiert weme d religion an d macht loht(siehe mittelalter, naher osten). alli für uns sälpstverstäntliche sache hämer de wüssescghaft und de humanistische ufklärig z verdanke! d religion(egal weli) vet vo vorne bis hinde verseit, und streut nume hass und böses! |
| siliciumcarbidMo 21.1.08, 19:38 | Wie die andere Glaube genau usgsehnd weissi nit. Wär nach Gottes Wille läbt cha kei Krieg uslöse. Erscht denn, wenn sich Ungläubigi untr dr Masse befinde, wo das kaputt mache wänd, denn fohts a. Was mir do mache isch au schtritte so wie ich das gseh |
| WidarMo 21.1.08, 19:38 | doch dä grund gits sehrwohl. i hätt nüt gege d religion wenn si eifach jede für sich im stille usläbe würd. aber nei! überall wirsch fo däm belestigt! sigs im hotel oder spital wo si der bible ins zimmer lege, sigs in dr statt wo di irgend welchi ghiramputierte prediger froge öb de an gott glaubsch... d chrischte chömemer wie hünd vor. überall müen si ihres revier go markiere. überall müen si d wält mit ihrem glaube vergifte! |
| WidarMo 21.1.08, 19:41 | nö, dass nent me diskutiere aber wenn alli dr glich gott würde ahbätte hättisch kei problem me. dass stimmt. aber alli müeste voreme grausame gott uf de chnü umerutsche, und immer angst ha dass me nid in himmel chunt! überleg dr doch moll d alternatife. e wält ohni religion. jede chönti mache waser ill (solangs keim andere schadet). dass wär die perfekti wält. dass wär s paradis!! e gott bruchts nid! |
| siliciumcarbidMo 21.1.08, 19:43 | Ich glaub an Gott und ha kei Angscht dasi nit in "Himmel" chönnt cho. Die wo Angscht händ misstraue däm ganze eifach. Also sueche si e Uswäg wo als sicher erschint. |
Als angemeldeter festzeit.ch Member kannst du Themen erstellen und auf Beiträge antworten.
Infos/Hilfe » ©