Festzeit.ch Forum » Politik / Religion » so viel zum Thema Minarettbau i de Schwiz
| Autor | Beitrag 151 - 165 |
|---|---|
| LaMoucheFr 11.1.08, 16:09 | sry aber wo ischs problem?? sie wenn jo nit d schwiz knechte sondern a paar popligi türm, meischt im Induschtriegebiet......... es isch doch absolut biireweich so öppis z verbiete ( irgendwelchi posts wo sich druff beziehn dass ich wege mim alter do nit mitrede sött, ignoriir ich mol.....  ) |
| SpacecowboyFr 11.1.08, 16:16 | @lolair: aber dr gsellschaftlichi Prozess het ebe leider nur in Europa stattgfunde, alles was östlicher als Istanbul isch, befindet sich geistig no im 12. Jahrhundert. Us dem Grund ha ich au ziemli müeh, mich do in dr Schwiz mit sotige Baute z arrangiere, während mir dört drfür uspeitscht wärde würde, wenns eus in Sinn cho würd nur scho dr Gedanke an dr Bau vonere christliche Kirche zha.  |
| nada11Fr 11.1.08, 16:23 | Nume so näbebi... es git au Kirchene in islamische Länder.. und nid grad chleini.. Isch nid in jedem islamische Land glich. |
| CHALLENGE2010Fr 11.1.08, 16:25 | sig vorsichtig mit so ussage vo wäge geistig no im 12JH zu dere zit isch dr islam em christetum sehr wit vorus gsi. damals het me an de meiste sultanshöf e offeni interpretation vom koran verträtte überhaupt nüt fundamentalistischs. dr fundamentalismus isch erst (wider) ufgflammt während und noch dr kolonial zit. s beste mittel geg fundamentalismus wäri e wirtschaftliche usglich ... das es allne lüt sowit guet goht das ihri grundbedürfnis gstillt sind |
| YelinaFr 11.1.08, 16:27 | Chund hinzue, dass d'Christe und vorallem d'Schwiizer, was Glichberechtigung agaht au noni lang i de Neuziit sind, siehe Frauestimmrecht vom 1971.  |
| AnderschdPiratFr 11.1.08, 16:32 | @Spaceboy Wo "dört" wärde mer uspeitscht? Villicht in Saudi Arabie, jo, abr das wärs denn au. Und wieso? Saudi Arabie het en Absoluti Monarchie und wird darum von ere tyrannische Königsfamilie regiert wo voll und ganz d Scharia unterstützt und dorum Fundamentalischde sind. Und gwüssi Lüüt do im Forum setze Saudi Arabie eifach mit em ganze muslimische Kulturkreis glych, was völlig falsch isch. Saudi Arabie wird von ere dureknallte Diktatur beherrscht, wo übrigends e dicke Fründ vo dr Vorzeige-Chrischdenation USA isch. Dr Libanon (dört hets übrigends villi Chrischde), d Türkei, Marokko, VAE, Malaysia etc. ghöre abr alli au zum muslimische Kulturkreis und sind alles anderi als no im 12. Johrhundert zrugg blibe. Und mit em gsellschaftliche Prozäss in Europa und in dr CH han i nit numme dr Prozäss als Solcher gmeint, sondern vor allem d Elemänt won en beyflusst und/oder usglööst händ. Bim Blick uf dä Prozäss wird eim Klar, dass Europa immer scho em ene kulturelle und gsellschaftliche Wandel unterzooge gse isch, wo sehr hüffig dr Chärn usserhalb vom Kontinänt Europa gha het. D Ywanderig vo de Moslems und diä baar Minarett sind absolut nüt Nöis im gsellschaftliche Wandel vo Europa, darum isch d Angschd vor dämm unnörig und unabrocht. I möcht numme emoll an d Ywanderig vo de Hugenotte id Schwiiz erinnere oder ad Ywanderig vo de Italiäner und Portugiese oder momentan vo de Dütsche. Hets scho immer geh und nüt schlimms isch derby usecho. Diä Minarett wärde öis nit irgendwie missioniere und zum ene muslimische Land mache. Überhaupt nit. Usserdämm hets urschbrünglich d Chillene in dr "Schwiiz" au nit geh. D Schwiiz isch im 400 n.Chr. christianisiert worde. Me cha also nit behaupte, dass Chillene zu dere Region ghöre wie dr Eidotter zum Eiwyss. 1 mal bearbeitet, zuletzt Fr 11.1.08, 16:37 |
| SpacecowboyFr 11.1.08, 16:34 | Paganoid: Grundbedürfnis schön und guet, verzell das mal dene Glaubensfanatiker, dene chansch zwar ihri Grundbedürfniss befriedige, aber nit ihri geistige Glaubensbedürfniss. Ich merke scho, dass du sälber extrem vorsichtig und diplomatisch mit dine üsserige bisch. Frogt sich eifach ob du die über dini emotionale Gedankegäng chansch oder willsch stelle. Übrigens wäge vorsichtig si mit üsserige: das mit dr freie Meinigsüsserig entwicklet sich ja au immer wie mehr zur Illusion. Ich frog mi nur ob das nur bi uns so isch oder au Global. @lolair: han ich bis jetzt was nit ganz mitkriegt oder isch Europa nit christlich ? Oder sind Italiener, Portugiese und Dütschi weniger christlich als mir ? Git halt erst Zoff, wenn 2 unterschiedlichi Religione ufenanderpralle. kurz OT: Nit falsch verstoh, bi nit grad so e Fan vo Gottesdienst....jedefalls nit vo de klassische. Darum gang ich nur wenn ich muess, also Hochzit, Beerdigung oder Taufi. Söll heisse, mi störe unseri Kirche nit, ich muess si aber nit unbedingt vo ine gseh, wenns nit e Kulturells bedürfniss vo mir isch (also z.b. e bsunderi Kirche). So, ich lueg vellicht später wieder ine, muess wäg. Find euri Bemüehige aber durchus bemerkenswärt, mi zum Umdänke wölle z bewege, ob gewollt oder nit. 2 mal bearbeitet, zuletzt Fr 11.1.08, 16:44 |
| AnderschdPiratFr 11.1.08, 16:38 | @Spacecowboy Klar, Fanatiker gits, überall und in jedere Religion, abr das Argumänt zieht nit, denn d Fanatiker sind in dr absolute Minderheit und darum nit relevant. D Mehrheit isch relevant und sött für s Sinnbild von ere Religion schdoh. @Edit vo Spacecowboy Doch, Europa isch zum ene grosse Deil christlich. MOMENTAN. Das wärs. Und, dass es erschd Zoff gitt, wenn zwei Religione ufenand dräffe, isch schlicht und eifach Schwarzmoolerei. Usserdämm hei mer i dr Schwiiz und in Europa scho lang mehreri Religione, au wenn s Christetum (wo me d Atheiste und d Agnostiker fälschlicherwys aus derzue zellt, in de meischde Statistike) in dr Mehrheit isch. 1 mal bearbeitet, zuletzt Fr 11.1.08, 16:43 |
| TwitchyFr 11.1.08, 16:40 | Eifach mol e dummi Frog in Ruum gstellt: Minarett sind Türm... Die bishärige Türmli, wo's z.b. z'Züri oder z'Gänf git sind nid höher als bereits vorhandeni Bauwärk und s'geplante Minarett in Olte söll au eher symbolisch ufm Dach vo dr Moschee stoh... Wenn me all das weiss bzw. sich eifach mol UF D'FAKTE beschränkt, denn muess ei Frog erlaubt si: WIESO hület Ihr alli umme wäge Fundamentalismus, Terrorismus usw.? Will all Euri Postings gön völlig am Thema vorbi! |
| AnderschdPiratFr 11.1.08, 16:46 | @IndischerHalbbruder Diä wo hüüle sind äntwäder christlichi Fundis oder/und latänt oder offesichtlich nationalistisch prägt. Oder schlicht und eifach rigorosi SVP-Ahänger (vo dr Nationale SVP). Wie scho moll gschribe: Do wärde vo wichtigere Themene in dr GSellschaft abglänkt und us ere Mugge en Elefant gmacht. |
| CHALLENGE2010Fr 11.1.08, 16:52 | hm me mues s ganze wohl sowieso eher als stellverträtet diskussion betrachte. i glaub chum das öber ÄRNSCHTHAFT e problem mit eme türmli het. s problem vo dene lüt dreit sich ebe genau um das wo drhinter stoht darum mues me mit dene lüt eigentlich au nit über türmli diskutiere wills ihne gar nit um das goht (eigentlich garnit um das go chan wills susch wirkli blos absurd und lächerlich wäri) zum mini meinig z verträte mues ich weder öber beleidige no mues ich schleg unter d gürtellinie usteile. DAS isch meinigsfreiheit. meinigsfreiheit heisst für mich nit dass ich jedem arschloch an chopf wärfe darf sälbst wenn das mini meinig wäri. die extrem vorsichtige üsserige sin vorallem eso usglegt dass d ussag sälber nit agrifbar isch 2 mal bearbeitet, zuletzt Fr 11.1.08, 16:57 |
| EasyriderFr 11.1.08, 16:56 | also mini meinig drüber isch eigentli rächt simpel ums thema ufgriffe. 1.die arabische staate gohts e schissdräck ah was mir do in de schwiz mache. ich sag ne au nid dasi chirchene müend baue. 2. bin ich mit em paganoid einere meinig. s goht jo nid umd türm sälber sondern um de gedanke dehinter, und ich cha guet nochvollzieh das das gwüssi lüt stört. |
| TeRRorBiBerLiFr 11.1.08, 16:57 | ob jetzt die minarett scheisse usgsehnd oder nit isch näbesächlich wie gseit ha nüt gege moscheeä aber bitte ohni minarett... und was mi ufregt sind terroradrohige für de fall das sie ihri rakete nit bechömme |
| CHALLENGE2010Fr 11.1.08, 17:01 | ou s biberli kunt wider usem bau gchroche wennd erlich bisch sin der doch die türmli scheiss egal?! es goht doch um das wo dr hinter stoht. d angst vor em unbekannte, d angst vor em andere, angst vor lüt wo ihre glaube tätsächlich no läbet. schulssändlich het d ablehnig vo de minarett doch nume mit angst z tue. usserdäm no en ganz e andere punkt : i finds immer lustig wenn absoluti nit christe ( wo e chille allefalls an wiehnachte vo inne sehnd) drmit argumentieret dass mir doch e christlichs land siged. i unterstell das do niemerem diräkt aber i chan mir vorstelle dass das uf einigi zue trifft |
| heimdallFr 11.1.08, 17:21 | es muess ned angscht sii, es cha au vorusdänke sii. lueg mol ah was im dütsche zB oder in frankriich für zuestand herrsche. muesch mer itz nid mit jo i ha die alli gärn u mer si ei wält multikulti juhee cho, das wäri nämlech sehr unüberleit und hinterbliibe. bevor mer ned d problem mit dr gwalt vo dene glöst hei müemer ned über minarett diskutiere. dasch nur sone thema wo mer chli religionsfreiheit cha proklamiere. mer muess jedoch wüsse dass jedi freiheit sini gränze het... |
Als angemeldeter festzeit.ch Member kannst du Themen erstellen und auf Beiträge antworten.
Infos/Hilfe » ©