Festzeit.ch Forum » Politik / Religion » so viel zum Thema Minarettbau i de Schwiz
| Autor | Beitrag 61 - 75 |
|---|---|
| lülüFr 11.1.08, 13:30 | eigentlich ischs doch ganz eifach... me kunnt neume ane also isch me gast... me nimmt rücksicht uf d örtlichkeit... wenns dr nid passt muesch halt verreise. wennd in ägypte im taxi fahrsch motzisch nid blöd wenn dä halt plötzlich ahaltet und dr teppich usrollt... abr anderi mien halt au mol do rücksicht näh... wo chömme mr am schluss ahne? zudem: bis jetzt ischs jo au gange mit dene drei minarett... au in basel hets muslims... au die läbe und bätte no... @arkina: glocke lüte no... emel bi uns |
| ArkinaFr 11.1.08, 13:31 | yelina sag niemals nie  |
| finelineFr 11.1.08, 13:32 | Ych ha au kei problem demit wenn s'einte oder s'andere Minarett do stoot. Mit mim vergliich hani nur e chli d'verhältnis welle darlege. es isch jo wirklich wohr... es wird immer toleranz gforderet. aber wenn me an die entsprächende orte anegoot und au toleranz forderet laufsch gege e wand. s'isch eifach... niemerds weiss was passiert wenn mes zuelosst. wenn denn minarett wie pilz uss em bode schiesse, denn fändi das sehr problematisch. |
| Elo77Fr 11.1.08, 13:32 | jo sag niemals nie. vor 50 johr hätt me sich au nie vorstelle könne das e schwizer kind im kindergarte s einzige isch wo us dr schwiz kunnt und das isch hüt in viele schuele normal |
| YelinaFr 11.1.08, 13:32 | ich verstah bi dere Diskussion und allne andere "gäg Usländer" eifach nid, wieso dass gwüssi Lüüt sGfühl hend, mier werded verdrängt oder so.  Isch für mich nid ganz klar. |
| StinsonFr 11.1.08, 13:32 | D SVP macht nume wiederemol Medie und Volkshetzerei |
| ArkinaFr 11.1.08, 13:34 | ich ha grundsätzlich nüd gege ussländer, SOLANG si sich apasse |
| MythINCFr 11.1.08, 13:37 | idr türkei stöhnd au vieli kirche... |
| Elo77Fr 11.1.08, 13:38 | Volkshetzerei....gege Usländer..... Ihr könnet glaub nid richtig differenziere, das isch s problem. Und was heisst verdrängt...jo das unseri Kultur verlore goht das isch e fakt. Ok kultur verändert sich immer, aber das isch kei gsunds mass me wo jetzt vorherrscht 1 mal bearbeitet, zuletzt Fr 11.1.08, 13:38 |
| YelinaFr 11.1.08, 13:39 | mier chönd nid differenziere?  ja isch guet, rege glaub an en wand. oder doch eher an es minarett?  |
| Elo77Fr 11.1.08, 13:41 | jo wenn du seisch gege Usländer... dorum gohts jo gar nid |
| YelinaFr 11.1.08, 13:41 | jön, schlussendli gahts immer um das. |
| Elo77Fr 11.1.08, 13:42 | also alli wo sich z.B. gege e Minarettbau usspräche sin gege Usländer bis zum Schluss? |
| YelinaFr 11.1.08, 13:43 | jön, nid alli, aber die argument, wo ich bis etz gläse ha, sind eifach hanebüche... |
| Elo77Fr 11.1.08, 13:44 | wenn scho denn gege usländer wo nid wüsse wie me sich benimmt und wo sich nid integriere. |
Als angemeldeter festzeit.ch Member kannst du Themen erstellen und auf Beiträge antworten.
Infos/Hilfe » ©