Festzeit.ch Forum » Politik / Religion » SVP fordert Ausschluss von Widmer-Schlumpf aus Partei
| Autor | Beitrag 211 - 225 |
|---|---|
| JunoSa 12.4.08, 18:45 | ha d'helfti gseh, hans no witzig gfunde wie sich d'fdp au gäge d'svp usspricht. aber dr brunner het irgendwie scho immer für alles ä lösig parat... die mache sich das ganz eifach. schlau isches jo scho, dass muess me zuegeh. |
| MutchaSa 12.4.08, 18:49 | ich has sehr interssent gsunde und ferfolg die sach sicher witer. aber de sp präsdänt her mi ufgregt, er het dr bruner nie lo us rede oder wen er öbis gseiht het isch es falsch gsi. und de jungi tyb vo dr jesu (me weissi leider nüm)isch au ganz schöhn fräch gseh. im blocher vorzwärfä das er in kriminelle macheschafte ferwiklet sött si. |
| JunoSa 12.4.08, 18:52 | naja dr brunner het au nit immer chöne ganz still si "ich cha Ihne das erkläre..." oder "ich ha Ihne d'lösig für das problem..." oder was är sunscht no gseit het. aber das isch halt so, will ich in dere sach eher mit de linke sympathisier, bi nit drmit iferstande was do goht. d'schlumpf isch ä respäktperson und het dä respäkt entsprächend verdient. und usserdäm isch sie ä frau... das isch doch au no ä wichtige punkt. |
| shaddixSa 12.4.08, 21:06 | de blocher esch e sine 4 johre als bundesrot vo linker site fascht täglich zum rücktritt ufgforderet worde ond jedes wort vo ehm esch uf d goldwoog gleid worde. bi de frau schlumpf wird eifach mit andere massstäb gmässe, di künschtlichi empörig zeigt nor, dass sich de vo sp und cvp inszinierti putsch als eigegoal erwise het, und si jetz in erklärigsnot sind. immer wenn de linke d argument usgönd, griffets weder uf d stil-frog zrug. lächerlich. öbrigens tinka: de brunner het ganz am afang vo de arena erwähnt, dass d widmer grad bi zentrale parteiforderige immer gäg di eiget partei stimmt! au ich bi ned immer mit de beschlüss vo de svp iverstande aber wenn ech mehrfach ganz klar gäg di eiget partei stimme müesst, würd ech sälber merke, dass ech wohl i de falsche partei bin. 1 mal bearbeitet, zuletzt Sa 12.4.08, 21:07 |
| holysmokeSa 12.4.08, 21:16 | hetme vom schmiid de rücktritt gfoderet? de blocher isch mit sim ufdringliche verhalte nit z vergliche mit JEDEM andere bundesrot. au nit us dr gliche partei. |
| CeikorSa 12.4.08, 21:20 | lueget de Blocher isch eine, wo immer en Schriit verrus isch! Er kennt Dossiers vo de andere besser als die selber. Er het öppis bezwäckt und isch produktiv gsi...het die Staatsagstellte mol in Bewegig brocht und die wo überflüssig sind, het er entlo...wies in de Wirtschaft au lauft....klar stosst das bi de Linke uf...^^ |
| holysmokeSa 12.4.08, 21:26 | nö, das isch jo sini arbet gse, wieso sell das schlächt sii. um das gohts jo au garnit. diä andere mache das jo genau gliich. es goht ums WIÄ. und das stosst uf. |
| AdrusSa 12.4.08, 21:59 | HAHAH die andere möchet das genau glich, so gsehnis au, das isch imfall ironie, isch doch es verwöhnters volk als mir sind die Politiker und de blocher hät au gseit dass die Politiker möglich vell setzige wend denn bi dene wird stundelohn abgrechnet, hauptsach diskutiere und abkassiere, bi dene Politiker isches wie im fuessball, günne isch ned alles nur debie si! xD |
| holysmokeSa 12.4.08, 21:59 | de blocher isch au en politiker. aber däm glaubsch natüerlich  |
| CeikorSa 12.4.08, 22:05 | hüt gits jo Bruefsparlementarier!! Das lehnt SVP (Blocher) und FDP strickt ab. Hüt is Ziel, dass jede möglischt viel Komissione gründet, demit er gar nüm muess "arbeite"...Nur so viel Staat, wie nötig isch! |
| holysmokeSa 12.4.08, 22:21 | wieso goht d SVP eigentlich nit zrugg zu de wurzle? aso, so richtig konservativ... d SVP isch doch ursprünglich de gegepol zur FDP gse (d FDP hänsi als gäldscheffler und bonze betitlet) hütt isch d SVP genau das, und füre klei maa machesi genau nüt me. |
| CeikorSa 12.4.08, 22:34 | sehn ich nit so! SVP isch scho immer e Wirtschaftspartei gsi...de unterschied zu de FDP und anderne Parteie isch, dass sie luegt oder will luege, dass nit viel Billigarbeiter inne chömet durch div. Verträg, wo dArbeit vo CH-Bevölkerig wegnähme....und das isch doch scho für de normal Bürger was. Siehe in Dütschland wie döt Lohndumping betriebe wird ufem Bau zB! Und Stüreerlass isch au was für de normal Bürger. Das es lukrativer wird für Unternähme in Schwiiz zcho zB und das würd au wieder neui Arbeitsplätz geh^^ Aber klar, jede Partei tuet sich in de Johre neu struckturiere...dWelt bliibt nit stoh |
| holysmokeSa 12.4.08, 22:45 | och, wenni so de mörgeli ghör... wenns nach däm giengti müessti d schwiize rpolitik alles mache damit d wält in unserem land stoh blibt "Und Stüreerlass isch au was für de normal Bürger" sin eifach nur diä riiche bürger devo betroffe ^^ und das sin halt es paar prozent... debii simmer für diä riiche scho sehr attraktiv. und das unternähme idr schwiiz e ableger mache het nit zwingend mit de stüüre z due (do gits dütlich besseri standort) es het eher wäg de arbetspätz z due odr mit extravergünstigunge. siehe yahoo oder google. mir hän au perfekti infrasturktur. das hämmer alles scho, do muesme nüt revolutionierä. es gäbti do besseri sache umd schwiiz attraktiver z mache. zB apassig vo norme usw and EU. d schwiiz isch en sehr kleine märt im verglich zum umligende usland. wemme produkt chönti fabriziere wo idr EU und idr schwiiz verkauft wärde chönne, erst denn bringtses für diä grosse au inder schwiiz investiere. siehe iPhone, siehe eeePC. |
| shaddixSo 13.4.08, 21:01 | Zitat: holysmoke grad di linke möchtet d mehrwertstür "befristet "Und Stüreerlass isch au was für de normal Bürger" sin eifach nur diä riiche bürger devo betroffe ^^ und das sin halt es paar prozent... debii simmer für diä riiche scho sehr attraktiv. " sogar erhöhe!! bisher isch allerdings jedi befrischt igführti stür nüme abgschafft worde. damals währet em krieg d wehrstür -> bundesstür. das esch de unsozial! und jeds genau die stür wo vor allem di untere ikomme trifft, will demit alli läbensnotwendigi produkt vertürt würdid. gseht so di link sozialpolitik us?  einzig d svp setzt sech für e mehrwertstürSÄNKIG i!  |
| holysmokeSo 13.4.08, 21:13 | wieso, es zahlt jede, es profitiert jede. so wird s gäld zwüsche riich und arm e chleins bitzle verteilt. d vorteil devo muesi dir hoffentlich nümm erkläre |
Als angemeldeter festzeit.ch Member kannst du Themen erstellen und auf Beiträge antworten.
Infos/Hilfe » ©