Festzeit.ch Forum » Politik / Religion » Diskussion über Gott ...
| Autor | Beitrag 91 - 105 |
|---|---|
| reeedoMo 12.3.07, 09:22 | verzell uns doch die gschicht..würd mi interessiere.. |
| finelineMo 12.3.07, 09:23 | No sorry, das isch e zimmli intimi aaglägeheit. Nimms mer nid bös, aber es isch heikel über so sache z'rede, v.a. in dr öffendlichkeit. |
| reeedoMo 12.3.07, 09:25 | verstandi..hätt mi drozäm interessiert..so gschichte sind immer spannend zhööre..vorallem wäge dim ungläubige kolleg..wos au nit iigseh het..  |
| JimKnopfMo 12.3.07, 09:26 | das haltet dr Einstein vo gott... auf die frage: "Glauben Sie an Gott?" antwortete er fast ausweichend: "Ich bin kein Atheist… Das Problem ist für unseren begrenzten Geist zu gewaltig." abgstritte het ers nid... religion und (natur/geistes wissenschaft) gründe an dr gliche quelle - grundsatzfrage: wieso sin mr do, wohär kömme mr und wohi sölls goh. einmol uf de basis vom gfühl(intuition) und einmal rational logisch ufbaut. de brandhärd isch dass d wisseschaft gott definiere will ( -Das Problem- ist für unseren begrenzten Geist zu gewaltig) und d religion d wisseschaft als bedrohig (durch entmystifizierung) anluegt. do fehlts eifachd an gägesitiger toleranz und akzeptanz. so sache mues mr eifachd ohni vorurteil angoh. das sin gebiet wo mr immer irgendwo e gägeargumänt findet wills eifachd z kompläx isch. ich meinti me mues sich sälber finde in däm meer vo wüsse. alles wird me eh nie verstoh... |
| finelineMo 12.3.07, 09:36 | Merci für dä biitrag craeck  S'problem isch halt au gschichtlich belaschtet, dass d'religion / dazumals de klerus d'wüsseschaft unterdruckt hett isch tatsach und isch au nid z'billige. aber ich finds eifach scheisse, wenn me de glaube mit sache belaschtet wo vor mehrere 100 joor passiert sind und sich nid moll d'müeh nimmt zum luege wies jetzt isch. und übrigens: zum verdüttliche, wie ich glaube und kirche usenanderhalt: ich ha sehr schwiirigkeite mit ere konservative partei wie d'evp, mit dene ihre initiative usw. ich ha ebefalls problem mit emne papst wo gege kondom propagiert. Das sind alles Meinige wo uff dr Religion basiere. Das heisst uff dr Art und wyys wie dr Mensch mit sim Begränzte verstand (wie obe erwähnt) de glaube versuecht theoretisch usszlege und iizgränze. |
| TexanDudeMo 12.3.07, 09:39 | Wen mr scho bide Wisseschaftler sin den zitier ich lieber dr Blaise Pascal (franz. Mathematiker und Physiker) Angenommen es sei sicher, dass es Gott gibt oder ihn nicht gibt, und dass es keinen Mittelweg gibt. Für welche Seite werden wir uns entscheiden? ... Lassen Sie uns ein Spiel spielen, bei dem es zu einer Entscheidung für "Kopf oder Zahl" kommt. Mit Vernunft können wir weder das eine noch das andere versichern; mit Vernunft können wir weder das eine noch das andere ausschließen. Verfallen Sie also nicht dem Irrtum, dass hierbei eine richtige Wahl getroffen werden könnte, denn Sie wissen nicht, ob Sie falsch liegen oder schlecht gewählt haben ... Sowohl wer sich für "Kopf" entscheidet, als auch wer sich für "Zahl" entscheidet, beide liegen falsch: Die Wahrheit kann nicht durch eine Wette entschieden werden, aber es muss gewettet werden. Es gibt keine Freiwilligkeit, Sie müssen sich darauf einlassen. Wenn Sie nicht wetten, dass es Gott gibt, müssen Sie wetten, dass es ihn nicht gibt. Wofür entscheiden Sie sich? Wägen wir den Verlust dafür ab, dass Sie sich dafür entschieden haben, dass es Gott gibt: Wenn Sie gewinnen, gewinnen Sie alles, wenn Sie verlieren, verlieren Sie nichts. Setzen Sie also ohne zu zögern darauf, dass es ihn gibt. Ergo: Man glaubt an Gott, und Gott existiert – in diesem Fall kommt man in den Himmel. Man glaubt an Gott, und Gott existiert nicht – in diesem Fall gewinnt man nichts. Man glaubt nicht an Gott, und Gott existiert nicht – in diesem Fall gewinnt man ebenfalls nichts. Man glaubt nicht an Gott, und Gott existiert – in diesem Fall wird man bestraft. Ich für mi teil glaub so oder so an Gott... will mr dr Glaube immer nur Glück brocht het und ich alles becho han woni mir wünsch... selbst usde schlimmste Unglück isch stetts no es grösseres Glück entstande, nur darfme nie ufgeh und dr Muet vrliere, will suschd verliert me dr Blick für dGschenk wo uf eim Warte am Wegesrand... es git soviel Lüt wo sich verirre wilsi noch Glück sueche und drbi vom Weg abchöme und am Schluss nüt hei, oder wilsi meine gradus müese zlaufe statt sKürvli zneh wo dr Weg eim vorgit... me mues nur immer neh was chunt, sbeste drus mache und stetts druf lose was eim dSeele seit |
| JimKnopfMo 12.3.07, 09:42 | s problem isch das kirche zu oft mit religon sälber verwächelt wird... kirche isch e vom mensch gschaffeni istitution wo sich zur ufgab gmacht het e religion (welli au immer) z hinterfroge und philosophisch z erkläre. Das klappt sowieso nie... eigendlich klappt jo nie öppis wo mensche mache. tja.. döt ligt die grossi ironie. |
| TexanDudeMo 12.3.07, 09:46 | Mir Reformierte glaube aber nit an Institutione, dass isch jo grad eine vode Gründ gsi wiso mr eus vom Papst losglöst hei in dr Refromation... in eusere Kirche gits zwar au e Pfarrer wo erklärt und Ritual durefüehrt (HOchzyte, Beerdigunge usw.) jedoch findet bi eus jede uf si Art zu Gott, durch dr Glaube an Jesus... es brucht vielme eigeverantwortig als bidr katholische Kirche wome beichte chan und so sini Sünde verliert... bi eus isch nur dr Glaube dr Weg in Himmel, nit gueti Tate Für mich isch daher dKirche kei Instanz, sie isch e Ort vom Glaube und em Trost, aber si het nit sRecht so ztue als wärä si Gottes Wort und chönte befehle... vorallem darfi sich nit so politisch betätige wiesi das im Moment macht 1 mal bearbeitet, zuletzt Mo 12.3.07, 09:47 |
| finelineMo 12.3.07, 09:55 | Jo, genau Löwe. Gueti wort. D'kirche versuecht sitt eh und je de Glaube z'Normalisiere. D'Bible vereinheitlicht usszlege. Und das cha ebe in gwüssne situatione ins extreme go. Schwiirig wirds bi kirchene wo sich nid d'müeh mache d'wort wo in dr bible stönd in die hüttigi zyt aazpasse. me cha nid alles 1:1 übernäh. das chunnt nid guet use. |
| JimKnopfMo 12.3.07, 10:07 | gang mal uf irland und sag das de oranier und de IRA. die sin jo s beschte bischpiil für chrischtlichi wärt (katolischi sowohl au reformierti). das sin klar instutitionelli organisatione und s beschte bischpiil. höred gschiider gad wieder uff irgend e glaubensrichtig besser als e anderi z setze. ...ersch wend stirbsch wirsch gschiider das goht jetzt nämli genau underd sparte toleranz. 1 mal bearbeitet, zuletzt Mo 12.3.07, 10:11 |
| TexanDudeMo 12.3.07, 10:09 | Meh mues eigentlich nur dr Sinn verstoh wo eim dBible will sägä... und de Sinn erkennt jede wener nur nochedenkt über sglsänä und probiert zverstoh um was dases god... jede vo eus het e Rechtsempfinde in sich, jede weiss was richtig und was falsch isch wener nur uf die ineri Stimm lost... nur möche das zwenig, sondern me lost uf Modetrends, Stars und uf anderi Lüt wo kei Ahnig hei was Recht isch... PS: Do chani au zude Islamiste go, die sin unterenand genau glich... Shiite und Sunnite hasse sich au bis ufs bluet) 1 mal bearbeitet, zuletzt Mo 12.3.07, 10:09 |
| JimKnopfMo 12.3.07, 10:13 | sesch.. und scho hesch unrächt wennd seisch dases eigendli jede ka verstoh... die meine nämmli alli si verstöhns richtig.... find di demit ab dassd eigendli gar nüüd verstosch. und los jedem sin glaube... 1 mal bearbeitet, zuletzt Mo 12.3.07, 10:14 |
| TexanDudeMo 12.3.07, 10:23 | Klar chas jede verstoh, nur gods in Nordirland um Politik genau wie im Irak und em Nahe Oste... es god nur drum dMacht vode Shiite zstärke will dr Iran si MAcht gen Weste will usbaue und drum e Shiitisch dominierte Irak will, es god drum das die katholischi IRA zum Irische und katholische Mutterland zrugg will und dProtestante wei bim protestandische Britanie bliebe... das het nüt mitem Glaube vom einzelne ztue... und Glaube isch immer nur e einzel Aglegeheit... userdem: Das zweite Gebot »Du sollst den Namen des Herrn, deines Gottes, nicht mißbrauchen, denn der Herr wird den nicht ungestraft lassen, der Seinen Namen mißbraucht.« Und das weiss au dIRA, die seit nie das Gott ihne befiehlt gegä England zkämpfe, dört gods um Nationali Aglegeheite... die hättä nämlich au Krieg wen Irland au protestantisch wär |
| finelineMo 12.3.07, 10:23 | Wenn ich do ine schriib goots mir nid drumm, anderi vo mim Glaube z'überzüge. Vill meh drumm z'zeige, wiso ich glaub, was ich glaub und wie ichs glaub, und au s'ganze e chli relativiere zum s'klischeebild vom glaube e chli z'relativiere. ach isch das hochgstoche gschriibe  |
| TexanDudeMo 12.3.07, 10:26 | Es god sowiso immer nur um dr Einzelni will au jede am jüngste Tag einzeln grichtet wird... |
Als angemeldeter festzeit.ch Member kannst du Themen erstellen und auf Beiträge antworten.
Infos/Hilfe » ©